Nehemia 4:7 - Wunta Mempori

⁷ Mansano rumongeo i Sanibala ka i Tobia saru to Ara ka to Amoni ka to Asidodi nine anggaa pokomoikono bente Yerusale atuu motilalo ka luwuno bolono bente mompu'u te'onso, onaemo kadotedoa ntekuda.

Nehemia 4:7 Iomraidhean Croise

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

2 Mokole 24:2

Ondae i Ue tumena ira gerombola Kasidimi, gerombolado to Arami, gerombolado to Moabi ka luwuno gerombola inuleno i Amoni umewaio i Yoyakimi. Dotena ira lumako umewaio Yehuda ka dosolangi ira menunu saru pau-Do i Ue anu pinohawe-Do tetenaa-Do luwuno nabi.

2 Tawarika 20:1

Umarino atuu inuleno i Moabi ka inuleno i Amoni hawe mpetea umewaio i Yosapa mperonga saru to Meunimi.

Esera 5:8

Moiko ito'orio mokole, nine omami me'aiwa i wita Yehuda, a Raha-Do Ue Ala anu tedoa langkai. Raha atuu kontongaano winanguako watu melolangkai, ka a rereno pinotakoako keu. Anggaa atuu dome'anggao tedoa moiko ka magasi a ngkaedo.

Nehemia 2:10

Rumongeo mongkona atuu, i Sanibala to Horoni ka i Tobia to Amoni, puu mpopekakaakodo mokole, tedoa tekuda hangano hinao mia anu hawe mo'ungkeako ira manangaiado to Isaraeli.

Nehemia 2:19

Rumongeo mongkona atuu, i Sanibala to Horoni, ka i Tobia to Amoni puu mpopekakaakodo mokole, saru i Gisiemi to Ara, mempasinggiri kami ka mpokongkodei kami. Dompotae, ”Hapa anu wineweumiu atuu? Nde komiu umewai ira mokole?”

Nehemia 4:1

Mansano rumongeo i Sanibala nine kontongaamami wali mpowangu bente, tesingkaomo tekudano ka tedoa mosa'ono. Ipasinggiri ira to Yahudi,

Nehemia 4:6

Sine, kimewanguo mpiha bente hawe entonga mantandeno ka ranta kaitepotowo tompano, hangano luwuno tongku mpo'angga tompaano aroado.

Nehemia 4:8

Ntepo'asa ira luwu ira mpeteaakono Yerusale ka mompokomarisu i ra'ai.

Nehemia 6:16

Mansado merongeo luwuno iwalimami mongkona atuu, luwuno tongku petengi-tengimami gagi medoito. Tedoa ira memongkoko'ii ka mpokonto'orio nine anggaa atuu wineweu saru pepokowali-Do Ue Alamami.

Yeremia 25:20

ka luwuno mia hawe inso a mperupa-rupa tongku; a luwuno mokole i wita Usi; a luwuno mokole i wita Pelisiti, onaemo Asikeloni, Gasa, Ekeroni ka ondae anu da mentuwu i Asidodi;

Yeremia 41:10

Ka i'amba i Sumaila wawa ira gagi mia mentinawa luwuno palili anu datebinta i Misipa atuu, luwuno ana beineno mokole ka luwuno mia anu da mpo'ia i Misipa anu inaa iramo i Nebusaradani, petewawa sorodadu podagai mokole atuu i totono pabawano i Gedalia anano i Ahikami. I Sumaila anano i Netania wawa ira gagi mia mentinawa, ka i'amba lumako ta me'asambaliako i witado inuleno i Amoni.

Amosi 1:13

Kanandiomo pau-Do i Ue, ”Hangano otolu wineweuno inuleno i Amoni anu mosa'o, ke opaa, nahi Aku balio pomputusi-Ku. Hangano ondae mpobonsi kompodo beine mentia i Gileadi ira mpokomaluao witado,

Amosi 1:8

Aku mokotampulao palili inso i Asidodi ka anu uminio tuko poparentaa inso i Asikeloni; Aku tumaangakono kae-Ku umewaio Ekeroni, ranta memasola iramo to Pelisiti anu da mentuwu,” pau-Do Ue Ala.

Amosi 3:9

Paleleomo a luwuno bente i Asidodi ka a luwuno bente i wita Masiri, pauomo, ”Impepumpumo a ntorukuno Samaria ka mengkitaomo tewukaa langkai i tongano kota atuu ka popokonsiia anu hina i tu'ai.”

WINEWEUDO TINENA 5:33

Rumongeo pau atuu tedoaomo mahaki aroado ka tinoodo mepate ira tinena atuudo.

MENGKAAA 12:17

Onaemo ka itekuda naga atuu a beine atuu, ka i'amba lumako meteaakono inuleno anu susua, anu mentondao luwuno songka-Do Ue Ala ka me'inio ponsakosii-Do i Yesu.

1 Samueli 11:2

Sine ipotae i Nahasi to Amoni atuu ndi ondae, ”Moiko tompooweweu pedandia, sine sompo mia, mata ngkoanano aku gumogoio. Bakanandio aku moweweuako ira tataano luwudo to Isaraeli.”