Nehemia 3:15 - Wunta Mempori

¹⁵ Pewowa Langkai Mata Uwoi ipokomoikoo i Salumi anano i Kolose anu pabawaio Misipa. Pewowa Langkai atuu iwali wanguo, i'atoo ka ipasao luwuno pewowano saru luwuno pelansoano ka lansono. Ipokomoikoo mbo'u rere watuno limbo popumpua uwoi, umpeda bondedo mokole hawe a luwuno ensa anu montindulu inso i kota Daudi.

Nehemia 3:15 Iomraidhean Croise

2 Samueli 5:9

I Daudi rodo a bente pekorahakoa atuu ka ineeakono: Kota Daudi. Ipokomorosoo limbu-limbu, mompu'u inso i Milo hawe i larono.

2 Mokole 25:4

Rere watuno kota atuu binolo ka luwuno sorodadu mpolai i tempono wongi telalo a mpewowa langkai i olono orua rere watu anu umpeda lere bungano mokole, kontongaado to Kasidimi mengkaduo limbu kota atuu. Melako ira te'aro i Araba-Yarade.

2 Tawarika 32:30

I Hisikiamo anu buntoo waaano mata uwoi Gihoni i wawono, ka mowaao i nganga ngkorono, i sumooano oleo, i kota Daudi. I Hisikia mehasili a luwuno sinongkapino.

Nehemia 12:37

Ka i'amba a Mpewowa Langkai Mata Uwoi tetutu ira mpewuatako a ensano kota Daudi, a nsala porakea bente, telalo a langkanaeno i Daudi, ka hawe a Mpewowa Langkai Uwoi i sabaano oleo.

Nehemia 2:14

Ka ku'amba motilaloakono pelempaaku a Mpewowa Langkai Mata Uwoi ka a Limbodo mokole. Hangano pinotuwu pesawiaku nahi pokolaloo po'ianga atuu,

Nehemia 2:17

Ka ku'amba mepau ndi ondae, ”Imengkitao urasa'o anu pinembasaito: Yerusale gagiomo terawo-rawo ka luwuno pewowa langkaino mo'aiomo. Aiwa, katowali mewanguo bente Yerusale, kasi topinokongkodei mbo'u.”

Nehemia 3:12

Umpeda ndi ondae, i Salumi anano i Halohesi anu pabawaio asantia Yerusale anu susua mompokomoiko saru luwuno ana beineno.

Nehemia 3:14

Pewowa Langkai Rompo ipokomoikoo i Malakia anano i Rekabi anu pabawaio Beti-Keremi. Iwali wanguo ka pasao luwuno pewowano saru luwuno pelansoano ka lansono.

Nehemia 3:19

umpeda ndi onae i Eseri anano i Yesua anu pabawaio Misipa, mompokomoiko anu tudano i arono porakea a goda sangka petea, umpeda Siuno;

Nehemia 3:7

Umpeda ndi ondae, i Melasa to Gibeoni, ka i Yadoni to Meronoti mompokomoiko saru luwuno to Gibeoni, ka Misipa anu mekongko a mpinabawaino bupati wita i sumooano oleo Koro Eparata.

Nehemia 3:9

Tepo'umpeda saru ondae i Repaya anano i Huri anu pabawaio Yerusale anu asa ntia, mompokomoiko.

Puu Pontutulu 2:6

Kuweweuo luwuno limbo uwoi ka i'uwoio tobuno keu mongura inso i ra'ai.

Yesaya 8:6

”Hangano tongku andio nahi domentarimao uwoi Siloahi anu waa me'ara-arai, ka memotewe aroa ndi Resini ka anano i Remalia,

Yeremia 40:6

Lumakoomo i Yeremia ndi Gedalia anano i Ahikami i Misipa, ka mo'ia saru onae i tongado palili anu da ntebinta i wita atuu.

I LUKASI 13:4

Ke imengko'aro-aroa mia hopulu ka oalu, anu memate dinunsino menara umpeda i Siloa, langkaiopo salado sekono salado luwuno mia mehano anu mpo'ia i Yerusale?

I YOHANE 9:7

ka Dopotaeakono, ”Lakomo, pedolomo a limbo Siloa.” Siloa pengkonaano, ”Anu Tinena.” Ka lumakoomo mia atuu, ka ipedolo ka i'amba mekule matano mongkitaomo.

Puu Mpobitara 20:1

Melako iramo luwudo to Isaraeli, te'inso i Dani hawe i Bereseba ka inso i wita Gilea, pepumpu iramo mperonga-ronga mpe'aro ndi Ondae i Ue i Misipa.

Puu Mpobitara 20:3

Domerongeomo to Benami, motae to Isaraeli melako i Misipa. Mpotae iramo to Isaraeli, ”Tutuluomo kana'umpe teweweuno gau mosa'o atuu.”