Nehemia 2:3 - Wunta Mempori

³ Kusangki ira mokole, ”Tuwu komiumo mokole ranta nahina tampulaano! Kana'umpe rupaku nahi ta mompemasusa, tewala kota, pekaburuado uempu'uku, gagiomo terawo-rawo ka luwuno pewowa langkai pingko ikaano api?”

Nehemia 2:3 Iomraidhean Croise

1 Mokole 1:31

Onaemo ka ipenggolontu i Bateseba rupano hawe a wita mesomba ndi ondae mokole, ipotae, ”Tuwu komiu ueku mokole Daudi ranta nahina tampulaano!”

2 Mokole 25:8

A ntanggala opitu wula ko'olima, ta'u kohopulu ka osio poparentaano mokole Nebukanesa, mokoledo to Babeli, haweomo i kota Yerusale i Nebusaradani, petewawa sorodadu puu mpodagai, pegawaino mokole to Babeli.

2 Tawarika 21:20

Tinuwuno i Yorami tolu pulu ka orua nta'u tempono igagi mokole ka oalu nta'u tehineno ipoparenta i Yerusale. Onae mate nahina mia anu me'o'oleakono. Onae kinaburu i kota Daudi, sine komba i laro ngkaburudo mokole.

2 Tawarika 28:27

I Ahasi mate. Onae kinaburu i laro kota, i Yerusale; sine nahi winawa a ngkaburudo mokole i Isaraeli. Onaemo i Hisikia anano gagi mokole umeuo.

2 Tawarika 32:33

I Hisikia mate, ka kinaburu a mporakea lumako a mpekaburuado anano i Daudi. I tempo mateano, luwuno Yehuda ka palili i Yerusale mpompowee pompelangkai ndi onae. Ka i'amba i Manase, anano gagi mokole umeuo.

2 Tawarika 36:19

Domesongkoo Raha-Do Ue Ala, mpobangkuo rere watu i Yerusale ka luwuno langkanae i ra'ai domentunuakono api, ranta ropuomo luwuno parewa anu ntekokosi.

Nehemia 1:3

Mpotae ira ndi ongkue, ”Luwuno mia anu tebinta i ra'ai, anu nahi domentinawa, mekongko ira a laro masukaraa langkai ka mepinokongkodei. Benteno Yerusale rinongkaomo ka luwuno pewowa langkai sinongkoomo.”

Nehemia 2:13

Tempono wongi atuu meluarako aku telalo a Mpewowa Langkai Lembono te'aro a Mata Uwoi Naga ka Pewowa Langkai Rompo. Kuparesao ntu'u luwuno bente Yerusale anu hinoaomo ka luwuno pewowa langkaino anu pingko ikaano api.

Esetere 8:6

Hangano kana'umpe tetenaamiu andio ta polio kumitao masukaraa anu umalu ira tongkuku ka kana'umpe tetenaamiu ta polio kumita ira pe'etuku memate?”

Po'unde-unde 102:14

Omiumo anu Komiu mentade ka mehohawao Sioni, hangano haweomo tempono ka Ipehohawao, haweomo tempo anu pinakosi.

Po'unde-unde 102:15

Hangano luwuno tetenaa-Miu mpehohawa ira watuno, ka mpewaintoo pampawuno anu terawo.

Po'unde-unde 137:6

Po'ineeomo eloku ka ipetako a langiraku, tewala nahi kurambe Komiu, tewala nahi kupokolaluao Yerusale sekonopo luwuno mawongkoku.

Po'unde-unde 38:7

ongkue tepe'odo ka tedoa tetuundu; te'asa oleo ongkue mo'ia a laro pompemasusa.

Yeremia 52:12

A ntanggala hopulu wula ko'olima, ta'u kohopulu ka osio poparentaano i Nebukanesa, mokole i Babeli, haweomo i Yerusale i Nebusaradani, petewawa sorodadu podagai mokole, anu mekakaakono mokole i Babeli.

Ponsabangi 2:9

Dotano ira matubo a laro wita; pinudu ka Dorawo-rawoo luwuno lansono pewowano. Mokole ka luwuno petewawano kongko i olodo tongku, nahina pontiso, maupo nabi nahi dompotarima mbo'u pongkita inso ndi Ondae i Ue.

Danieli 2:4

Ka do'amba mpotae to Kasidimi atuu ndi mokole (a mpaudo to Arami), ”Oo mokole, melai tinuwumiu! Itutuluomo ndi omami atamiu mo'ipi atuu, ka kami mempauakomiu pengkonaano.”

Danieli 3:9

Dompotae ndi mokole Nebukanesa, ”Oo mokole, melai tuwumiu ueku!

Danieli 5:10

Hangano pauno mokole ka mia anu langkai potorodo atuu kombiado mokole mewinso a laro bolongko pelimbua ka ipotae, ”Oo mokole, melai tinuwumiu ueku! Siimo ipokodanggara komiu pinewowolomiu ka siimo igagi momite.

Danieli 6:21

Mansano hawe umpeda aa atuu, mebooliomo ndi Danieli saru suara mongkoko'undu. Ipotae ndi Danieli, ”Danieli, tetenaa-Do Ue Ala anu tuwu, Ondae Ue Alamu anu wela pinesombaimu, Dopolioke motolako inso a singa atuudo?”

Danieli 6:6

Dompotae mia atuudo, ”Nahi kita mpohawe pe'empehi hapamo koa metuntuo i Danieli sangkadio mongkona a songka-Do Ue Alano!”

Imama 26:31

Luwuno kotamiu Aku weweuo gagi hanga ngkota ka luwuno po'ianga memporimiu Aku sumolangio ka nami Kubehe mbo'u mowoo woono pesombamiu anu mompokomawongko.