Nehemia 2:17 - Wunta Mempori

¹⁷ Ka ku'amba mepau ndi ondae, ”Imengkitao urasa'o anu pinembasaito: Yerusale gagiomo terawo-rawo ka luwuno pewowa langkaino mo'aiomo. Aiwa, katowali mewanguo bente Yerusale, kasi topinokongkodei mbo'u.”

Nehemia 2:17 Iomraidhean Croise

Esera 9:9

Hangano maupo megagi kami ata, a ntepe'ataa mami, nahi Dohori binta kami Ue Ala mami, Doweweuo ka dompehohawa kami luwuno mokole i wita Peresia, ranta ka kimpohawe sumanga mewanguo Raha-Do Ue Ala mami ka wali mpontadeo anu terongka, saru mpohawe po'ianga pokongkomi-Miu i Yehuda ka i Yerusale.

Nehemia 1:3

Mpotae ira ndi ongkue, ”Luwuno mia anu tebinta i ra'ai, anu nahi domentinawa, mekongko ira a laro masukaraa langkai ka mepinokongkodei. Benteno Yerusale rinongkaomo ka luwuno pewowa langkai sinongkoomo.”

Nehemia 2:13

Tempono wongi atuu meluarako aku telalo a Mpewowa Langkai Lembono te'aro a Mata Uwoi Naga ka Pewowa Langkai Rompo. Kuparesao ntu'u luwuno bente Yerusale anu hinoaomo ka luwuno pewowa langkaino anu pingko ikaano api.

Nehemia 2:16

Luwuno anu mempabawa nahi domento'orio ba isua kulako ka hapa anu kuweweuomo, hangano ranta kanandio-andio napi kupompau maupo hapa a nto Yahudi, moiko a luwuno sando mpesomba, a luwuno mia memota'u, a luwuno anu mempabawa, maupo a luwuno anu mpo'angga susuano.

Nehemia 3:15

Pewowa Langkai Mata Uwoi ipokomoikoo i Salumi anano i Kolose anu pabawaio Misipa. Pewowa Langkai atuu iwali wanguo, i'atoo ka ipasao luwuno pewowano saru luwuno pelansoano ka lansono. Ipokomoikoo mbo'u rere watuno limbo popumpua uwoi, umpeda bondedo mokole hawe a luwuno ensa anu montindulu inso i kota Daudi.

Po'unde-unde 102:15

Hangano luwuno tetenaa-Miu mpehohawa ira watuno, ka mpewaintoo pampawuno anu terawo.

Po'unde-unde 44:13

Omiu umasa ira bawaa-Miu nahina olino ka nahi po'ala ura hapa-hapa inso a mpo'asaa atuu.

Po'unde-unde 44:14

Omiu weweu kami gagi popodeu-deuado pehori rahamami, gagi pasinggiria ka tetewehiado mia pehori-horimami.

Po'unde-unde 79:12

Pokuleomo meluka opitu a wawo mpa'ado tongku pehori-hori, pompepaukiako anu dompetadiakono ndi Omiu, oo Ue!

Po'unde-unde 79:4

Omami gagi tataado pehori rahamami, gagi popodeu-deu ka pasinggiriado mia lumimbu kami.

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Ponsabangi 2:2

Nahina pompehohawa-Do i Ue rumopuo luwuno po'iangano i Yako. A laro tekuda-Do Dorawo-rawo ira benteno Yehuda. Doweweuo poparentaa ka luwuno petewawano tepasiako a wita ka tesosa'ai.

Ponsabangi 3:51

Mataku mokomopoeo sumangaku hangano luwuno ana beineno kotaku.

Yehesikieli 5:14

Aku weweuko gagi tekale-kale ka tetewehia i olodo luwuno tongku a mpehori-horimu i arodo luwuno mia anu ntelalo.

Mika 7:11

Ta hawe oleono rere watumu wali winangu; ia oleo atuumo petidaamu ta pinokomolue.

1 Samueli 11:2

Sine ipotae i Nahasi to Amoni atuu ndi ondae, ”Moiko tompooweweu pedandia, sine sompo mia, mata ngkoanano aku gumogoio. Bakanandio aku moweweuako ira tataano luwudo to Isaraeli.”