Nehemia 2:10 - Wunta Mempori

¹⁰ Rumongeo mongkona atuu, i Sanibala to Horoni ka i Tobia to Amoni, puu mpopekakaakodo mokole, tedoa tekuda hangano hinao mia anu hawe mo'ungkeako ira manangaiado to Isaraeli.

Nehemia 2:10 Iomraidhean Croise

Nehemia 13:1

I tempo atuu wuntano i Musa binasa kadomerongeo palili ka hinawe teburi i larono, nine nahi ta hori hina to Amoni ka to Moabi anu inehe mewinso bawaa-Do Ue Ala.

Nehemia 13:28

Asa mia i olodo anano i Yoyada anano i Eliasi, sando mpesomba atuu, onaemo ponino i Sanibala, to Horoni. Onaemo pu'uno kusaario inso i aroku.

Nehemia 13:4

Se'eluno pinotoroomo sando mpesomba i Eliasi dumagaio luwu bolongko a Raha-Do Ue Alamami. Onae hinao penggoeano moroso saru i Tobia,

Nehemia 2:19

Rumongeo mongkona atuu, i Sanibala to Horoni, ka i Tobia to Amoni puu mpopekakaakodo mokole, saru i Gisiemi to Ara, mempasinggiri kami ka mpokongkodei kami. Dompotae, ”Hapa anu wineweumiu atuu? Nde komiu umewai ira mokole?”

Nehemia 4:7

Mansano rumongeo i Sanibala ka i Tobia saru to Ara ka to Amoni ka to Asidodi nine anggaa pokomoikono bente Yerusale atuu motilalo ka luwuno bolono bente mompu'u te'onso, onaemo kadotedoa ntekuda.

Nehemia 6:1

I Sanibala, i Tobia ka i Gesyemi to Ara atuu, saru luwuno iwalimami anu susua merongeo nine umariomo kuwali wanguo rereno bente, ranta nami hina mbo'u anu mebolo, maupo hawe i tempo atuu luwuno pewowa langkai napi kupasao tondono.

Nehemia 6:16

Mansado merongeo luwuno iwalimami mongkona atuu, luwuno tongku petengi-tengimami gagi medoito. Tedoa ira memongkoko'ii ka mpokonto'orio nine anggaa atuu wineweu saru pepokowali-Do Ue Alamami.

Esetere 10:3

Hangano i Modekai, to Yahudi atuu, gagi mia ko'orua i totono mokole Ahasiwero, ka onae dompelangkaio to Yahudi ka dome'ineheakono hadio pepaekompono, hangano onae mosongka anu moiko tiado tongkuno ka mepau tiano tekaduduiado luwuno mia pe'asa tongkuno.

Po'unde-unde 112:10

Mia mosa'o gauno kumitao, ka i'amba mahaki aroa, ipokingkio ngisino, ka i'amba gagi motewe aroa; po'eheno mia mosa'o gauno te'aro a matea.

Powadi 27:4

Mokula aroa lambaha ka tekuda umaluo, sine isema mokompopetea a monsiri?

Powadi 30:22

asa mia ata, tewala onae gagi mokole, asa mia monge-monge, tewala onae mongkaa mowohi lahi,

Puu Pontutulu 10:7

Kukita ira ata mpesawi a ngara ka anu langkai potorodo mpelempa karu kana luwuno ata.

Yesaya 15:5

Meraaliki aroaku kumitao Moabi, mia mpeliahako haweomo i Soari, i Egilati-Selisia. Mentee ntu'u, mia mporake a mporakea Luhiti saru mpengese; ka a nsala lumako i Horonaimi mia mpopemahaki hangano i'alu ira urasa'o.

Yeremia 41:10

Ka i'amba i Sumaila wawa ira gagi mia mentinawa luwuno palili anu datebinta i Misipa atuu, luwuno ana beineno mokole ka luwuno mia anu da mpo'ia i Misipa anu inaa iramo i Nebusaradani, petewawa sorodadu podagai mokole atuu i totono pabawano i Gedalia anano i Ahikami. I Sumaila anano i Netania wawa ira gagi mia mentinawa, ka i'amba lumako ta me'asambaliako i witado inuleno i Amoni.

Yeremia 48:34

Peboolino Hesiboni hawe i Eleale ka Yahasi; mia merongeo suarano inso i Soari hawe i Horonaimi ka Egelati-Selisia; hangano uwoino koro Nimirimi mbo'u mo'are.

Yeremia 48:5

Mentee ntu'u, mia morake a mporakea Luhiti saru mengese. Mentee ntu'u, a nsala montindulu lumako i Horonaimi teronge pebooli mompemasusa hangano terawo-rawoa.

WINEWEUDO TINENA 4:2

Mia atuudo ntekuda ntu'u hangano mompaguru ira mia hadio ka mempaleleo, nine ndi Ondae i Yesu hinao pewangua inso i olodo mia mate.

WINEWEUDO TINENA 5:24

Mansado merongeo petewawado anu mpodagai Raha-Do Ue Ala ka petewawado sando mpesomba anu pinau atuu, salalaro ira ka dompesikeno hapamo anu gagi a ntetena atuudo.