Nehemia 13:3 - Wunta Mempori

³ Mansado merongeo Taura atuu binasa, domponsia ira luwu anu komba to Isaraeli ntu'u.

Nehemia 13:3 Iomraidhean Croise

Esera 10:11

Sine kanandio-andio, ime'akuiomo i aro-Do i Ue, Ue Alado uempu'umiu, impoweweumo hapa anu pinemoiko-Do impeliahako inso luwuno tongku i wita andio, ka luwuno beinedo mia mehawe atuudo.”

Esera 9:2

Hangano ondaedo ka anado, mpokombia iramo ana beinedo mia atuudo, ranta mpesaloomo inuleno anu mempori saru luwuno tongku i wita atuu, ka luwuno anu pinemota'u ka anu pabawa tese'elu mpoweweuo anu nahi penunu.”

Nehemia 10:28

Umarino atuu luwuno mia anu susua, onaemo luwuno sando mpesomba ka luwuno to Lewi, luwuno anu mpodagai pewowa langkai, luwuno puu mpenani, luwuno anu mompekakaako a Raha-Do Ue Ala ka luwuno mia anu monsiao koroino inso a luwuno tongku i wita atuu ka dompontonda songka-Do Ue Ala, saru kombiado, luwuno anado tama ka beine, luwuno mbo'u mia anu sompoomo tinuwuno ka monto'ori;

Nehemia 9:2

Inuledo to Isaraeli mponsuao koroido inso a luwuno mia hawe. Mpentade ira ka domemangakuakono hala ka salado uempu'udo.

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 119:9

Kana'umpe idagaio mia mongura peleluno ka si hina tataano? Saru me'ini a mpau-Miu.

Peluarakoa 12:38

Hadio mia inso a tongku susua anu mpetonda ndi ondae ka tedoa hadio pinotuwudo, asa bawaa bembe bimba ka sapi.

Powadi 6:23

Hangano parenta atuu hulu, ka pompaguru atuu wanta, ka pongkuahako anu mompaguru atuu sala ntuwua,

Podoaa 11:4

Asa bawaa mia anu kongko i olodo tedoa me'ineheakono bau, ka to Isaraeli mbo'u mpengese dompotae, ”isemake anu ta pakaa kita bau?

ROMA 3:20

Hangano nahina maupo te'asa mia anu pinokomentee i aro-Do Ue Ala hangano pontondano songka Taura, tendeano hangano songka Taura mia tumo'orio hala.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.