Nehemia 13:22 - Wunta Mempori

²² Kutena ira mbo'u to Lewi mokomemporio koroido ka me'aiwa medagaio luwuno pewowa langkai kai pinokomempori oleo Saba. Oo Ue Alaku, Ipewowolo akumo hangano mongkona mbo'u atuu ka Ipehohawa akumo montonda petenunu ka pompehohawa-Miu anu langkai!

Nehemia 13:22 Iomraidhean Croise

2 Mokole 20:3

”Oo Ue, po'ineomo Irambeo nine tuwu akumo metenunu i aro-Miu ka moleo aroa; moweweu akumo hapa anu moiko a pongkita-Miu.” Ka i'amba i Hisikia mengese mongkoko'undu.

2 Mokole 23:4

Ondae mokole parentao sando mpesomba langkai Hilikia, luwuno sando mpesomba i totono ka luwuno puu mpodagai pewowa ka domeluarakono inso a raha-Do i Ue luwuno parewa anu wineweuako i Ba'ala, i Asera ka luwuno sorodadu langi. Ka i'amba tumunuo luwuno atuu a ntonga mpada Kidironi i bungkuno kota Yerusale, ka awuno winawa i Beteli.

2 Tawarika 29:24

Luwuno sando mpesomba sumumbeleo ka mesombaakono reano a wawo meda pontunua pesomba gagi pesomba po'onini hala ka iwineweu pesintuwua tiado luwuno to Isaraeli. Hangano ondae mokole meparenta iramo ka ipinesombaako pesomba tinunu ka pesomba po'onini hala tiado luwuno to Isaraeli.

2 Tawarika 29:27

I Hisikia meparenta ka ipinesombaako pesomba tinunu a wawo meda pontunua pesomba. I tempono pesomba tinunu mompu'u pinesombaako, penani tia-Do i Ue pinu'u mbo'u meronga unino napiri ka tinondaako parewa mpenanino i Daudi, mokole i Isaraeli.

2 Tawarika 29:30

Ka i'amba mokole Hisikia ka luwuno petewawa parenta ira to Lewi mpenaniako luwuno pauno i Daudi ka i Asapi, puu mpokita atuu, umunde-unde Ira i Ue. Ondae memawongko mpenaniako po'unde-unde, ka do'amba mpenggolontu ka mpesomba.

Nehemia 12:10

I Yesua amano i Yoyakimi ka i Yoyakimi amano i Eliasibi ka i Eliasibi amano i Yoyada

Nehemia 12:30

Luwuno sando mpesomba ka luwuno to Lewi mpokomemporio koroido ka do'amba mpokomempori ira luwuno bawaa, luwuno pewowa langkai ka bente.

Nehemia 13:14

Oo Ue Alaku, Ipewowolo akumo hangano mongkona atuu, ka sii pahihio luwuno petenunu anu kuweweuomo tiano Raha-Do Ue Alaku ka luwuno anu wineweu i larono!

Nehemia 13:31

Kupakosio mbo'u asa pesalaano mompatinda keu ponahu a luwuno tempo anu pinakosi ka a luwuno wua amba-ambano. Oo Ue Alaku Ipewowolo akumo a laro ntumuwuku!

Nehemia 5:19

Ipewowolo aku, oo Ue Alaku, a moikoaku, hangano luwuno anu kuweweuako ira palili andio.

Po'unde-unde 130:7

Pomperorohimo ndi Ondae i Ue, hei to Isaraeli! Hangano ndi Ondae i Ue hinao pompehohawa, ka ndi Ondae hinao mpiha pontolosia.

Po'unde-unde 5:7

Ipepate ira luwu mia anu mpegaupi Ondae i Ue mokoburu-Do mongkita anu mo'uwu rea ka anu mompopo'oo.

Po'unde-unde 51:1

Tiano petewawado anu mpenani. Penani po'unde-undeno i Daudi,

Yesaya 38:3

Ipotae, ”Oo, Ue, po'ineeomo ka Irambeo nine tuwu akumo metenunu i aro-Miu ka inso a moputeno aroaku; moweweu akumo hapa anu moiko a pongkita-Miu.” Ka i'amba i Hisikia mengese tedoa mompemasusa.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

Winali 5:12

Pekakaakono ka pokomemporio oleo Saba, kana anu Doparentaa komiu i Ue, Ue Alamiu.