Nehemia 13:17 - Wunta Mempori

¹⁷ Ka ku'amba kumuahako ira mia pinemota'u i Yehuda, kupotaeako ira, ”Mosa'oa hapa anu wineweumiu andio umewaio memporino oleo Saba?

Nehemia 13:17 Iomraidhean Croise

Nehemia 13:11

Kukuahako ira anu mempabawa, kupotae, ”Tembio ka ipino'inee Raha-Do Ue Ala?” Ka ku'amba pumpu ira to Lewi ka wali numaa ira a mpo'iangado.

Nehemia 13:16

To Tirusi anu mpo'ia i tu'ai mpowawa bou ka mperupa-rupa sangka asaa, ka dome'asao atuu a nto Yehuda ia oleo Saba i Yerusale.

Nehemia 13:25

Kutata ira ka kutotonaa ira. Ba'opia mia i olodo kutunduhio ka kubutao wuuno, ka ku'amba tumenao mesumpa a nee-Do Ue Ala, kanandio, ”Sii ntu'u impeweengako ira ana beinemiu domengkombia ira ana ntamado ke mpo'ala ana beinedo gagi kombiado ana ntamamiu ke tiano koroimiu!

Nehemia 5:7

Mansano kupewowoloo moi-moiko, kukuahako ira mia memota'u ka anu mempabawa. Kupotaeako ira: ”Omiumo isa'a mpo'ala riba inso a luwuno pepaekompomiu!” Umarino atuu kuweweuo terisoa langkai a bawaa ndi ondae.

Powadi 28:4

Mia anu nahi perioo songka umunde-undeo mia mosa'o gauno, sine mia anu me'ini a songka umewai ira.

Yesaya 1:10

Rongeomo pau-Do i Ue, hei luwuno petewawano Sodomo! Ta'oomo birimiu a pompaguru-Do Ue Alato, hei palilino Gumora!

Yeremia 13:18

Pauako iramo mokole ka inedo mokole, ”Ipentoromo a po'ianga anu tetotoako, hangano songko mokole metiiomo inso a ulumiu!”

Yeremia 5:5

Moikoomo aku lumako a luwuno mia langkai potorodo, ka mepau ndi ondae, hangano ondae anu mento'orio sala-Do i Ue, songka-Do Ue Alado.” Sine maupo ondae luwudo mempuduomo mbo'u pasanga, me'otuhio luwuno koloro pontanggo.

Yehesikieli 20:13

Sine, suku Isaraeli me'ewa ndi Ongkue i pada one. Nahi domentuwu montonda luwuno pompakosi-Ku ka nahi domentarimao luwuno atora-Ku, kahinaano mia anu weweuo ta tuwu. Ondae mbo'u tedoa mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae i pada one ka mepate ira.

Imama 19:17

Si o'aliaakono pepaekompomu i laro aroamu. Asalakono kuahakono pe'asa miamu i arono ka nahi poweweuakomu halamu hangano onae.

Mika 3:1

Umarino atuu kupotae, ”Imerongeomo, hei luwuno mia pinemota'uno i Yako, ka luwuno petewawa suku Isaraeli! Kombake tekona imento'orio moleoa,

Mika 3:9

Rongeomo andio, hei luwuno mia pinemota'u sukuno i Yako, ka luwuno petewawado suku Isaraeli! Hei omiu anu mokokowuereakono moleoa ka anu mokomolengkuo luwuno anu moleo,