Nehemia 13:15 - Wunta Mempori

¹⁵ I tempo atuu kukitao i Yehuda mia mpolanda anggoro a oleo Saba ka mia mpowawa gandu tine'u, anggoro, wua anggoro, wua ara ka dome'ulao a ngkalide saru mperupa-rupa inula anu winawa i Yerusale ia oleo Saba. Kupopoto'oriako ira tempono dompo'asa kaanga.

Nehemia 13:15 Iomraidhean Croise

2 Tawarika 24:19

Ondae i Ue tumena ira nabi ndi ondae, ka dompepokule ndi Ondae. Luwuno nabi atuu mentee ntu'u dompopoto'oriako ira, sine nahi domebehe mperorongeakono.

Nehemia 10:31

Tewala luwuno tongku i wita atuu mpowawa ira sangka ka mperupa-rupa gandu ta inasa a oleo Saba, nahi kami me'olio inso ndi ondae a oleo Saba ke oleo mempori. Kami mpo'ineeo wita nahi inangga a nta'u ko'opitu ka nahi kami mposinga pasua.

Nehemia 10:32

Omami asalakono mpopeweengako asa ntia otolu sikala sompo ta'u gagi pesomba a Raha-Do Ue Alamami, onaemo

Nehemia 13:16

To Tirusi anu mpo'ia i tu'ai mpowawa bou ka mperupa-rupa sangka asaa, ka dome'asao atuu a nto Yehuda ia oleo Saba i Yerusale.

Nehemia 13:21

Umarino atuu kupopoto'oriako ira, kupotae, ”Tembio kai mperato i arono bente? Tewala pohona mbo'u imeweweuo atuu, aku motiio kaeku ndi omiu.” Mompu'u i tu'ai nami domehawe mbo'u a oleo Saba.

Nehemia 9:29

Ipopoto'oriako ira kadompepokule a songka-Miu, sine mpompelangka-langkai ira ka nahi dobehe mentondao luwuno parenta-Miu saru me'ewaio luwuno atora-Miu anu moweeako ira tuwua a mia anu weweuo. Domentandeo oweado nahi domebehe, memotea ulu ira ka nahi dobehe merongeo.

Ayubi 39:12

Nde umehe koake onua metenunu ndi omue, ke mewongi umpeda a dula mpinotuwumu?

Po'unde-unde 50:7

”Rongeomo, hei bawaa-Ku, Aku mepau, hei Isaraeli, Aku mesakosii umewaikomiu: Ongkuemo Ue Ala, Ue Alamu!

Peluarakoa 31:12

Mepau Iramo i Ue ndi Musa,

Peluarakoa 31:16

To Isaraeli asalakono mpekakaakono oleo Saba dompelangkaio oleo atuu, a luwuno inulemiu gagi pedandia anu nahina tampulaano.

Peluarakoa 34:21

Onoo oleo tehineno impo'angga, sine oleo anu ko'opitu asalakono impenaa-naa. Maupo tempo kopompadekoa ke tempo konsowia, asalakono i mpelangkaio oleo penaa-naaa atuu.

Peluarakoa 35:2

Onoo oleo tehineno moiko impo'angga anggaamiu, sine oleo ko'opitu, oleo Saba anu mempori ndi omiu, oleo penaa-naaa-Do i Ue. Sompo mia anu mo'angga anggaano oleo atuu, asalakono hinuku mate.

Powadi 28:4

Mia anu nahi perioo songka umunde-undeo mia mosa'o gauno, sine mia anu me'ini a songka umewai ira.

Yesaya 58:13

Tewala nahi upelempa a oleo Saba ka nahi upo'angga a oleo mempori-Ku; tewala upauo oleo Saba ”oleo pesana-sanaa,” ka oleo-Do i Ue ”oleo anu pinelangkai”; tewala upelangkaio ka nahi uweweuo luwuno anggaamu ka nahi uweweuo orusuamu ke mompopau kineremu,

Yeremia 17:24

Tewala mentee ntu'u imperorongea-Kune, kanandiomo pau-Do i Ue, ka nahi mpowawa parewa telalo a luwuno pewowa langkaino kota andio a oleo Saba, sine mpokomemporio oleo Saba ka nahi mpo'angga maupo hapa a oleo atuu,

Yeremia 17:27

Sine tewala nahi mperorongea-Kune ka impokomemporio oleo Saba ka nahi mpowawa parewa telalo a luwuno pewowa langkaino Yerusale a oleo Saba, asalakono a luwuno mpewowa langkaino Aku molangao api, anu ta kumaano ka ipingko luwuno benteno Yerusale, ka anu nahi pinokompepate.”

Yeremia 42:19

Ondae i Ue mepau Iramo ndi omiu, hei to Yehuda anu da mentuwu: Si melako i Masiri! Impenootio tementee, nine kupopoto'oriakomiu a oleo andio!

Yehesikieli 20:13

Sine, suku Isaraeli me'ewa ndi Ongkue i pada one. Nahi domentuwu montonda luwuno pompakosi-Ku ka nahi domentarimao luwuno atora-Ku, kahinaano mia anu weweuo ta tuwu. Ondae mbo'u tedoa mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae i pada one ka mepate ira.

Amosi 8:5

Omiu anu mpopewowolo, ”Te'ipiake itampula wula wo'ohu, ka imoiko tompo'asa gandu? Te'ipiake ilalo oleo Saba, ka imoiko tompo'asa tarigu saru mpokongkodeio ponsa'u efa, mokolangkaio mobeano sikala, moweweu molengku mompake pontimba nahi mentee'

Mika 6:3

”Bawaa-Ku, hapake anu Kuweweuomo ndi omue? Saru hapake Kupokomokendoakomu? Sangki Akumo!

WINEWEUDO TINENA 2:40

Ka saru hadio mbo'u pau susua onae mompowee asa ponsakosii anu mentee ntu'u ka ipompauako ira, ipotae, ”Impeweengakonomo koroimiu ka ikinadudui inso a mia anu mosa'o andiodo.”

WINEWEUDO TINENA 20:21

mesakosii aku mpiha a nto Yahudi ka a nto Yunani, ka dontepidi ndi Ondae Ue Ala ka mpompe'ala-ala ndi Ondae Ueto, i Yesu Kerisituu.

GALATIA 5:3

Pohonapo mbo'u kupauakono sompo mia anu metindi, nine asalakono ka iweweuo luwu songka Taura.

EPESU 4:17

Onaemo pu'uno ka kupauo ka kupokomanasaakomiu andio ndi Ondae i Ue: Si mentuwu mbo'u mengkena kana mia anu nahi domento'ori Ira Ue Ala saru pinewowolodo anu nahina tuduno

Winali 8:19

Sine tewala imengkolupe Ira ntu'u i Ue, Ue Alamiu, ka mpotonda anu pinesombai susua, mpesomba ndi onae ka mpenggolontu mpelangkaio, kupopoto'oriakomiu oleo andio, nine omiu manasa memate.

1 TESALONIKA 4:6

ka mongkona luwuno andio mia ka si poweweu anu nahi moiko a mpepaekompono ke mopo'oo. Hangano Ondae i Ue mombaloakono luwuno andio, kana anu kimempauomo ka mpokomanasaa komiu i ndi'upua.