Nehemia 11:1 - Wunta Mempori

¹ Luwuno petewawa tongku rodo i Yerusale, sekono palili susuano pontende undi kai tebiniki asa mia inso a hopulu mia anu ta rodo i Yerusale, kota anu mempori atuu, ka osio mia a ngkota anu susua.

Nehemia 11:1 Iomraidhean Croise

1 Tawarika 26:13

A sompo pewowa langkai, mpotadi ira undi, montonda luwuno pepe'etuado, moiko anu kodei maupo anu langkai.

1 Tawarika 8:28

Onaemo atuu luwuno petewawado anu mpepe'etu, luwuno petewawa montonda inuledo. Ondae mpo'ia i Yerusale.

1 Tawarika 9:1

Luwuno to Isaraeli teburi a laro potudano tumuwu. Needo teburi a laro wuntado luwuno mokole i Isaraeli. Kanatuumo to Yehuda mewinawa a pontadia i Babeli, hangano nahi dompetenunu.

1 Tawarika 9:2

Luwuno mia anu amba-ambano wali rodo a luwuno kotado, a luwuno wita tiado, onaemo to Isaraeli, saru luwuno sando mpesomba, luwuno to Lewi ka luwuno tetenaa a raha-Do Ue Ala.

1 Tawarika 9:3

I Yerusale mpo'ia ira mia inso a inuleno i Yehuda, inso a inuleno i Benami, inso a inuleno i Eparai ka Manase:

Nehemia 10:34

Omami, luwuno sando mpesomba, luwuno to Lewi ka mia hadio, pontende undi mompakosi pompatindaa keu ponahu. Keu atuu asalakono domewawao luwuno pe'etumami i Raha-Do Ue Alamami ia luwuno tempo anu pinakosi sompo ta'u, ka ihina koa api anu melanga a wawo meda pontunua pesomba ndi Ondae Ue Alamami, kana teburi a wunta Taura.

Nehemia 11:18

Luwudo to Lewi i kota mempori, porokono rua etu halo pulu ka opaa mia.

Nehemia 4:22

I tempo mbo'u atuu parenta andio kuweeako ira palili, ”Sompo mia saru miano asalakono mperato wongi i Yerusale, ka dompo'anggaa kami i tempono wongi, ka meene mpo'angga anggaado.”

Po'unde-unde 122:5

Hangano, i ra'aimo ininaa luwuno kadera pobitaraa, kaderado somborino i Daudi.

Po'unde-unde 122:6

Pekakaimo tiano manangaiano Yerusale, ”Po'ineeomo domentuwu rodo luwuno mia anu kumekewoiko.

Powadi 16:33

Undi tinende a wawo mpa'a, sine inso ndi Ondae i Ue luwuno pomputusi.

Yesaya 48:2

Mia anu tendeano mempauo koroido te'inso a Ngkota Mempori, ka mpehonda ndi Ondae Ue Ala Isaraeli, anu nee-Do Ueno luwuakoano,

Yesaya 52:1

Pekaangakomo, Pekaangakomo! Pokonaomo rosomu, hei Sioni! Pokonaomo sangka pinelangkaimu, hei Yerusale, kota anu mempori! Hangano, mia anu nahi petindi ke anu mokoburu nahi ta mewinso mbo'u i laromu.

I MATIU 27:53

Ka umari-Do mewangu i Yesu, ondae mbo'u mpeluarako inso a ngkaburu, ka do'amba mpewinso a ngkota mempori mpepopokita a mia hadio.

I MATIU 4:5

Ka i'amba i Mosa'o wawa ira a Ngkota Mempori ka numaa Ira a mbumbungeno raha-Do Ue Ala,

WINEWEUDO TINENA 1:24

Luwudo mpekakai ka dompotae, ”Oo Ue, Omiumo anu tumo'orio aroano luwuno mia, po'ineeomo ka Itisoakami isema anu bininiki-Miu inso a mia orua andio,

WINEWEUDO TINENA 1:26

Ka do'amba mpontendeako ira undi mia orua ira atuu ka anu kona undi onaemo i Matia ka kanandiomo onae gagi tiangido tinena hopulu ka aasa atuu.

Yosua 18:10

I Yosua umundiako ira i Silo, i aro-Do i Ue, ka i ra'aimo dotiaako ira i Yosua wita atuu a nto Isaraeli, menunu ka petiaado.