Nehemia 10:39 - Wunta Mempori

³⁹ To Isaraeli ka to Lewi, asalakono mpowawa pesomba pinesusua, onaemo gandu, anggoro ka lana a luwuno bolongko, a mpo'iangano sangka mempori, luwuno mbo'u sando mpesomba anu mpopekakaako, luwuno anu mpodagai pewowa langkai ka puu mpenani. Nahi kami mpo'ineeo Raha-Do Ue Alamami.

Nehemia 10:39 Iomraidhean Croise

2 Mokole 7:10

Melako ira, ka do'amba mpebooli a puu mpodagai pewowa langkai kota ka mentutuluako ira luwuno mia atuu, dompotae, ”Mpewinso kamimo a mpekemaado to Arami. Mengkaaomo nahina maupo te'asa mia i ra'ai ka nahi teronge pepauno mia. Butu hinao ngara ka kalide anu tetanggo. Maupo luwuno kema domansa mebintao.”

2 Tawarika 31:11

Ka i'amba i Hisikia meparenta ka ipinatinda luwuno bolongko a raha-Do i Ue, onaemo ka dompatindao.

2 Tawarika 31:12

Mpetenunu ira mewawao i ra'ai pesomba pinesusua, tia hopulu, ka luwuno parewa mempori atuu. I Konania, to Lewi, dumagaio luwuno, ka i Simei pepaekompono, onaemo mia ko'orua.

Nehemia 12:47

Tempono i Serubabeli ka i Nehemia luwuno to Isaraeli moweeako ira puu mpenani ka puu mpodagai pewowa langkai anu kineredo sompo oleo ka moweeako ira pesomba mempori a nto Lewi. Ka do'amba to Lewi mpoweeako ira pesomba mempori a luwuno anano i Haruni.

Po'unde-unde 122:9

Hangano Raha-Do i Ue, Ue Alato, aku koa umusahaakomu anu lalu moiko.

Podoaa 18:26

”Omue asalakono mepau a nto Lewi ka potaeako ira: Tewala mpontarima komiu inso a nto Isaraeli tia hopulu anu Kuweeakomiu gagi tia pusakamiu, asalakono impesombaakono asa ntia inso ndi onae gagi pesomba pinesusua ndi Ondae i Ue, asa ntia hopulu inso a asa ntia hopulu atuu.

Podoaa 18:30

Omue asalakono pauako ira mbo'u: Tempono impopesombaako anu lalu moiko inso a luwuno, ka mongkona a nto Lewi asalakono rineke gagi hasili ponsesaa ka hasili pomporo'ia anggoro.

Winali 12:17

I kotamiu nahi mpongkaa moiko pesomba tia hopulu inso a gandu, anggoro, ka lanamiu, ke ana amba-ambano sapi ka asa bawaa bembe bimbamiu, ke asa inso a mpesomba anu komiu mpotangaako, ke mpesomba a moleono aroa, ke pesomba pinesusuamiu.

IBARANI 10:25

Si tome'olaiakono luwuno tepumpuato mpesomba, kana domeleleoakono ba opia mia, sine aiwamo tomemambepatudu, ka komoku-mokuato meweweuo haweano oleo-Do i Ue anu umpedaomo.