Nehemia 1:9 - Wunta Mempori

⁹ Sine tewala mpepokule komiu ndi Ongkue ka mentondao mpiha luwuno parenta-Ku saru meweweuo, manasa maupo luwuno miamiu anu tinadi mo'ia i tompano langi, Aku wali pumpu ira ka wawa ira a mpo'ianga anu Kubinikiomo ka ipo'ia nee-Ku i ra'ai.

Nehemia 1:9 Iomraidhean Croise

1 Mokole 8:48

tewala mpepokule ira ndi Omiu tompaano aroado ka tompaano tinuwudo i witado iwali anu wawa ira mentinawa, ka tewala mpekakai ira ndi Omiu saru mpe'aro a witado anu Iweeako iramo uempu'udo, a ngkota anu Ibinikiomo ka a raha anu kuwanguomo tiano nee-Miu,

1 Mokole 9:3

Ondae i Ue mepau ndi onae, ”Kurongeomo pekakai ka po'emamu anu pinohawemu i aro-Ku. Kupokomemporiomo raha anu winangumu andio anu weweuo nee-Ku mo'ia i tu'ai ranta nahina tampulano. Mata-Ku ka aroa-Ku ta mo'ia i ra'ai asantinuwu.

1 Tawarika 16:35

Ka potaemo, ”Kadudui kamimo, oo Ue Ala, puu pongkaduduimami, pumpu kamimo ka potola kamimo inso i olono luwuno tongku, ka kimpotarimakasi a nee-Miu anu mempori, ka mpo'unde a laro po'unde-unde ndi Omiu.”

Esera 6:12

Ondae Ue Ala anu weweuo nee-Do mo'ia i ra'ai, po'ineeomo Dopotii ira sompo mokole ka tongku, anu tumaangakono kaeno umewaio tompaano pau andio ka ta mokotampulao Raha-Do Ue Ala anu i Yerusale atuu. Ongkue i Dariusu, anu moluarako parenta andio. Asalakono atuu ka iwineweu temoiko.”

Po'unde-unde 106:47

Ikadudui kamimo, oo Ue, Ue Alamami, ka Ipumpu kamimo inso i olodo luwuno tongku, ka kimpontarimakasi a nee-Miu anu mempori, ka memawongko a laro mpo'unde-unde ndi Omiu.

Po'unde-unde 107:3

anu pinumpu-Do inso a luwuno wita susua, inso i sabaano oleo ka inso i sumooano oleo, inso i utara ka inso a ntahi.

Po'unde-unde 147:2

Ondae i Ue wanguo Yerusale, Dopumpu ira to Isaraeli anu ntesiarawo;

Yesaya 11:12

Onae ta wuatakono asa bandera tiado tongku ka pumpu ira to Isaraeli anu mentinadi, ka ta pumpu ira to Yehuda anu ntesiarawo inso a opaa siuno tolino.

Yesaya 27:12

I tempo atuu Ondae i Ue Ira monsesa mompu'u i Koro Eparata hawe i Koro Masiri, ka omiu komiu mepinumpu nte'o'asa, hei to Isaraeli!

Yesaya 56:8

Pau-Do Ue Ala anu pumpu ira to Isaraeli anu ntesiarawo: Aku mopumpu mbo'u mia ndi onae gagi tiangido miano anu tepumpuomo.”

Yeremia 12:15

Sine, mansano Kubuta ira, Aku wali mehohawa ira. Aku mokule ira singge mia a ntia pusakano ka witano.

Yeremia 3:14

Impepokulemo, hei nana'ote anu mehapuakono pompe'ala-alano, kanandiomo pau-Do i Ue, hangano Ongkuemo uemiu! Aku umalakomiu, asa mia inso a sompo kota ka orua mia inso a sompo sombori, ka Aku wawakomiu i Sioni.

Yeremia 31:10

Rongeomo pau-Do i Ue, hei luwuno tongku, pauomo a luwuno wita i wiwi ntahi anu olai, potaemo: Ondae anu sumiarawo iramo to Isaraeli Ondae koa mbo'u wali pumpu ira, ka dumagai ira kana puu mpopakambi a bawaano bimbano!

Yeremia 32:37

Menteeano, Aku pumpu ira inso a luwuno wita, ba isua Kusiarawo ira hangano tekuda-Ku, tensilano tekuda-Ku ka mongkokongirino bamburu-Ku. Aku mokule ira a mpo'ianga andio ka weweu ira rodo dompo'ia.

Yeremia 6:22

Kanandiomo pau-Do i Ue, ”Mentee ntu'u, asa tongku ta aiwa inso i wita utara, asa tongku anu langkai ira mpelelu me'aiwa inso i tompano tolino.

Yehesikieli 14:6

Onaemo pu'uno, pauako iramo suku Isaraeli: Kanandiomo pau-Do Ue Ala: Intepidimo, impepokulemo inso a lahumoamiu ka woliliomo rupamiu inso a luwuno wineweu anu mokoburu.

Yehesikieli 36:24

Aku umala komiu inso a luwuno tongku ka pumpu komiu inso i luwuno wita saru wawa komiu mpekule i witamiu.

Imama 26:3

Tewala mentuwu komiu montonda pompakosi-Ku ka kongko mpe'ini a parenta-Ku saru meweweuo,

Sakaria 8:7

Kanandiomo pau-Do Ueno luwuakoano: Menteeano, Aku kumaduduio bawaa-Ku inso i wita sabaano oleo hawe i wita sumooano.

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

Winali 12:21

Tewala po'ianga anu Ira binikio i Ue, Ue Alamiu ka mokomengkaao nee-Do i ra'ai, olai lahi inso a mpo'iangamiu, onae moiko imposumbele sapi ka asa bawaa bembe bimba anu Doweeakomiu i Ue, kana anu kuparentaakomiu, ka imengkaano bauno i kotamiu po'eheno aroamiu.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

Winali 30:1

Tewala luwuno ronso ka totonaa anu kupopo'aroakomu hawe ndi omue, ka imento'orio i laro aroamu i tonga-tongano luwuno tongku, ba isua Dosaarikomiu i Ue, Ue Alamiu,