Nehemia 1:6 - Wunta Mempori

⁶ po'ineeono biri-Miu moronge, mata-Miu mongkita ka Irongeomo pekakai anu winuatakono tetenaa-Miu i aro-Miu meene ka wongi tiado to Isaraeli, luwuno tetenaa-Miu atuu, saru mangakuakono luwuno hala anu kimeweweuomo omami to Isaraeli ndi Omiu. Ongkue ka pe'etuku mpoweweu kamimo mbo'u hala.

Nehemia 1:6 Iomraidhean Croise

1 Mokole 8:30

Irongeomo po'emano tetenaa-Miu ka bawaa-Miu Isaraeli anu winuatako a mpo'ianga andio. Irongeomo a mpo'ianga-Miu i suruga; Irongeomo ka I'ampuni kamimo.

1 Mokole 8:47

sine, tewala wali ira mpe'o'oleakono halado i wita po'iangado mentinawa, ka dompepokule, saru mpo'ema pompehohawa ndi Omiu i witado mia anu wawa ira gagi mia ntinawa, ka dompotae: Ntehala kamimo, mensala, ka mpoweweu anu mosa'o,

2 Tawarika 28:10

Kanandio-andio tinoomiu numangi ira to Yehuda ka Yerusale gagi atamiu tama ka beine. Nahina ke halamu ndi Ondae i Ue, Ue Alamiu?

2 Tawarika 29:6

Hangano ondae uempu'uto nahi dompetenunu. Mpoweweu ira anu mosa'o a pongkita-Do i Ue, Ue Alato, ka binta Ira. Domewolilio rupado inso a mpo'ianga-Do i Ue ka mpebungkui Ira.

2 Tawarika 6:40

Kanandio-andio, oo Ue Alaku, po'ineeomo mata-Miu ka itewile ka biri-Miu rumongeo pekakai anu winuatako a mpo'ianga andio.

Esera 10:1

Kontongaano i Esera menggolontu mekakai ka ipengese mangakuakono hala i arono Raha-Do Ue Ala, tepumpuomo bawaa to Isaraeli hadio ira ntu'u umpeda ndi onae, tama, beine, ka nana'ote. Mia atuudo mpengese meroku ntu'u.

Esera 10:11

Sine kanandio-andio, ime'akuiomo i aro-Do i Ue, Ue Alado uempu'umiu, impoweweumo hapa anu pinemoiko-Do impeliahako inso luwuno tongku i wita andio, ka luwuno beinedo mia mehawe atuudo.”

Nehemia 1:11

Oo Ue, po'ineeomo biri-Miu rumongeo pekakaino tetenaa-Miu andio ka a pekakaido luwuno tetenaa-Miu anu inso i aroano dumoitoakono nee-Miu, ka po'ineeomo ka ime'ura tetenaa-Miu oleo andio ka mohawe pompehohawa inso a mia andio.” Tempo atuu ongkue andio puu mpo'atora inuado mokole.

Po'unde-unde 102:17

tewala Dowanguomo i Ue Sioni ka mepopokita a laro maramba-Do,

Po'unde-unde 106:6

Omami ka uempu'umami mpoweweu kamimo hala, mensala kamimo, mpoweweu kamimo gau mosa'o.

Po'unde-unde 130:2

Ue, Irongeomo pebooliku! Po'ineeomo ka iperioo biri-Miu a mpebooli po'emaku.

Po'unde-unde 32:5

Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

Po'unde-unde 34:15

olaiakonomo anu mosa'o ka weweuomo anu moiko, ungkeomo pesintuwua ka uhaweomo!

Po'unde-unde 55:17

Sine aku mebooli ndi Ondae Ue Ala, ka Ondae i Ue Ira kumadudui aku.

Po'unde-unde 88:1

Penani. Penani po'unde-undeno inuleno i Kora. Tiano petewawa mpenani. Montonda nanino Mahalati Leanoti. Penani pompaguruno i Hemani, to Eserahi.

Yesaya 6:5

Ka ku'amba motae, ”Masola akumo ntu'u! mate aku! Hangano ongkue andio asa mia anu mokoburu wiwino, ka ongkue mo'ia itonga-tongano tongku anu mokoburu wiwido, sine mataku kumita Iramo Ondae Mokole, Ueno luwuakoano.”

Ponsabangi 5:7

Amamami mpoweweu ira hala, ondae nami domekongko mbo'u, ka omami anu mentembio mosa'oado.

Danieli 9:15

Onaemo pu'uno, oo Ue, Ue Alamami, anu iwawaako iramo kae anu moroso bawaa-Miu mpeluarako inso i wita Masiri ka weweuo nee-Miu telele kana a oleo andio, mpoweweu kamimo hala, mpoweweu kamimo gau mosa'o.

Danieli 9:20

Kontongaaku mepau, mekakai ka mangakuakono halaku ka halado tongkuku, tongku Isaraeli, ka mohaweo po'emaku i aro-Do i Ue, Ue Alaku tiano torukuno mempori-Do Ue Alaku,

Danieli 9:4

Ku'emao ndi Ondae Ue Alaku, ka mangakuakono halaku, kanandio, ”Oo Ue, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!

Danieli 9:5

Mpoweweu kamimo hala ka sala, mpoweweu kamimo gau mosa'o ka me'ewa, mepansia kamimo inso a parenta-Miu ka atora-Miu.

Danieli 9:8

Oo Ue, omami, luwuno mokolemami, luwuno petewawamami ka ondae amamami tekonaomo kimemokoko'ii, hangano mpoweweu kamimo hala ndi Omiu.

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

I LUKASI 2:37

ka kanandio-andio onae tuwu beine ka tinuwuno halupulu ka opaa nta'u. Nahi hori bintao Raha-Do Ue Ala meene ka wongi mesomba saru mepuasa ka mekakai.

EPESU 2:3

Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

1 TIMOTIU 5:5

Sekono aasa tuwu beine anu mentee ntu'u tuwu beine, anu bininta asa-asano, momperorohi ndi Ondae Ue Ala ka mokua mo'ema ka mekakai meene wongi.

2 TIMOTIU 1:3

Montarimakasi aku ndi Ondae Ue Ala, anu kupekakaako Ira a ponto'orino aroa anu molino kana anu wineweudo uempu'uku. Ka kuwela mewowoloko a laro mpekakaiku, moiko meene maupo wongi.

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.

1 Samueli 15:11

”Me'o'ole Aku motoroo i Saulu gagi mokole, hangano ipebungkui aku ka nahi tondao pau-Ku.” Mompemasusaomo i Semueli, onaemo ka ipekakai ndi Ondae i Ue asa wongi.