Nehemia 1:5 - Wunta Mempori

⁵ Kupotae, ”Oo Ue, Ue Alano asa wawo langi, Ue Ala langkai pabawa-Do ka mongkokongiri, anu me'ini a mpedandia ka pompehohawa-Do a mia anu mehohawa Ira ka tumondao luwuno parenta-Do,

Nehemia 1:5 Iomraidhean Croise

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

1 Tawarika 17:21

Isema kana bawaa-Miu Isaraeli, asa tongku i tolino anu Ue Alano lumako ta tumolosio gagi bawaa-Do? Mohawe Komiu nee-Miu hangano luwuno wineweu-Miu anu langkai ka mongkokongiri ka sumaari ira luwuno tongku inso i arodo bawaa-Miu anu tinolosi-Miumo inso i Masiri.

Esera 1:2

”Kanandiomo songkado i Koresi, mokole i Peresia: Luwuno poparentaa i wawontolino, Dowee akumo i Ue, Ue Alano asa wawontolino pabawaio. Ondae tumena aku mowangu Raha Mpesombaa i Yerusale, i wita Yehuda.

Nehemia 2:4

Dopotae mokole ndi ongkue, ”Hapa anu inehemu?” Mekakai akumo ndi Ondae Ue Alano asa wawo langi,

Nehemia 4:14

Umarino kuparesao luwu, mentade aku ka mepau a luwuno mia memota'u, anu mempabawa ka a luwuno mia susua, ”Si medoitoako ira! Rambe Iramo i Ue anu tedoa langkai pabawa-Do ka mongkokongiri ka impeteamo tiado luwuno pepaekompomiu, ana ntama ka ana beinemiu, saru hangano kombiamiu ka rahamiu.”

Nehemia 4:8

Ntepo'asa ira luwu ira mpeteaakono Yerusale ka mompokomarisu i ra'ai.

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Po'unde-unde 47:2

Hei luwuno tongku, pontopamo, totowo Iramo Ue Ala saru pebooli mawongko!

Po'unde-unde 76:8

Mongkokongiri Komiu! Isemake anu polio mentade i aro-Miu tempono Itekuda?

Po'unde-unde 89:2

Aku menaniako mpiha luwuno pompehohawa-Do i Ue anu nahi bali, mopoto'oriakono ngangaku petenunu-Miu mapa'api-api inule.

Po'unde-unde 89:3

Menteeano kupotae: Pompehohawa-Miu anu nahi bali winangu ranta nahina tampulaano; petenunu-Miu nahi telelu kana langi.

Po'unde-unde 89:8

Ondae Ue Ala atuu mongkokongiri i olodo anu mempori, maramba ka mongkokodoito lumaloio luwuno anu kongko a mpehori-hori-Do.

Peluarakoa 20:6

Sine Aku mopokitao pompehohawa-Ku a nsowu-sowuno mia, ndi ondae anu mpehohawa Aku ka anu mpe'ini a luwuno songka-Ku.

Winali 7:12

Tewala imerongeo luwuno atora atuu, impe'ini ndi onae, ka imeweweuo, gagi ndi omiu, Ondae i Ue, Ue Alamiu, Ira me'ini a mpedandia ka pompehohawa anu pinau-Do saru sumpa ndi ondae uempu'umiu.

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.