Nehemia 1:3 - Wunta Mempori

³ Mpotae ira ndi ongkue, ”Luwuno mia anu tebinta i ra'ai, anu nahi domentinawa, mekongko ira a laro masukaraa langkai ka mepinokongkodei. Benteno Yerusale rinongkaomo ka luwuno pewowa langkai sinongkoomo.”

Nehemia 1:3 Iomraidhean Croise

1 Mokole 9:7

Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

2 Mokole 25:10

Rere watu anu lumimbuo kota Yerusale dompobangkuo luwuno sorodadudo to Kasidimi anu mentondao petewawado sorodadu puu mpodagai atuu.

2 Tawarika 36:19

Domesongkoo Raha-Do Ue Ala, mpobangkuo rere watu i Yerusale ka luwuno langkanae i ra'ai domentunuakono api, ranta ropuomo luwuno parewa anu ntekokosi.

Esera 2:1

Ndiomo luwuno mia i wita atuu anu mpekule inso a mpo'iangado mentinawa, anu i ndi'ipua mewinawa i Babeli, iwawa ira i Nebukanesa, mokole i Babeli, ka anu mpekule i Yerusale, i wita Yehuda, a sompo-sompo kotado.

Esera 5:8

Moiko ito'orio mokole, nine omami me'aiwa i wita Yehuda, a Raha-Do Ue Ala anu tedoa langkai. Raha atuu kontongaano winanguako watu melolangkai, ka a rereno pinotakoako keu. Anggaa atuu dome'anggao tedoa moiko ka magasi a ngkaedo.

Nehemia 11:3

Ndiomo luwuno petewawa poropinsi Yehuda anu mo'ia i Yerusale, sekono a luwuno kota i Yehuda to Isaraeli, luwuno sando mpesomba, to Lewi, luwuno anu mpopekakaako a Raha-Do Ue Ala ka inuledo luwuno atano i Salomo, singge mia mo'ia i wita tiano, a kotano onaeno.

Nehemia 2:13

Tempono wongi atuu meluarako aku telalo a Mpewowa Langkai Lembono te'aro a Mata Uwoi Naga ka Pewowa Langkai Rompo. Kuparesao ntu'u luwuno bente Yerusale anu hinoaomo ka luwuno pewowa langkaino anu pingko ikaano api.

Nehemia 2:17

Ka ku'amba mepau ndi ondae, ”Imengkitao urasa'o anu pinembasaito: Yerusale gagiomo terawo-rawo ka luwuno pewowa langkaino mo'aiomo. Aiwa, katowali mewanguo bente Yerusale, kasi topinokongkodei mbo'u.”

Nehemia 2:3

Kusangki ira mokole, ”Tuwu komiumo mokole ranta nahina tampulaano! Kana'umpe rupaku nahi ta mompemasusa, tewala kota, pekaburuado uempu'uku, gagiomo terawo-rawo ka luwuno pewowa langkai pingko ikaano api?”

Nehemia 7:6

Ndiomo luwuno mia i wita atuu anu mpekule inso a mpontadia. Ondae andio mia mentinawa, anu i ndi'ipua iwawa ira i Nebukanesa, mokole i Babeli, ka anu mpekule i Yerusale ka Yehuda, singge mia lumako a ngkotano.

Esetere 1:1

I tempo poparentaano mokole Ahasiwero i pabawaio asa etu rua pulu ka opitu wita, mompu'u i India hawe i Etiopia.

Po'unde-unde 79:4

Omami gagi tataado pehori rahamami, gagi popodeu-deu ka pasinggiriado mia lumimbu kami.

Powadi 25:28

Kanamo kota anu tebangku rere watuno, kanatuumo mia anu nahi pokompabawaio koroino.

Yesaya 43:28

Onaemo pu'uno, Aku weweu ira mokoburu petewawa mempori, ka meweengakono i Yako ka irinopu saru Isaraeli ka itinata.”

Yesaya 5:5

Gagi kanandio-andio, aku pauakomiu hapa anu aku weweuo a lere anggoro-Ku atuu: Aku tumuehio wala ruino, ranta lere atuu ipingko kinaa, aku mobangkuo rere watuno, ranta ka ilinolanda lere atuu;

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 29:18

Aku lumampuiako ira ponai, mokoninggoa ka haki lele. Aku weweu ira gagi mongkokongirido luwuno poparentaa i tolino, gagi totonaa, doitoa, pasinggiri ka mokoko'iia i olodo luwuno tongku ba isua Kusiarawo ira.

Yeremia 39:8

To Kasidimi rumopuo langkanaeno mokole ka rahado palili, ka do'amba mehoao luwuno rere watuno Yerusale.

Yeremia 42:18

Mentee ntu'u, kanandiomo pau-Do Ueno luwuakoano, Ue Alado to Isaraeli: Kana te'uwuno tekuda-Ku ka mokulano mosa'ono aroa-Ku a mpalilino Yerusale, kanatuumo ta te'uwu mokulano mosa'ono aroa-Ku ndi omiu, tewala omiu melako i Masiri. Komiu megagi totonaa, mongkokongiria, pontotonaa ka mokoko'iia; nahi komiu mengkitao mbo'u po'ianga andio.

Yeremia 5:10

Pewuatakomo a lere anggorono anu mpo'ensa-ensa, solangiomo, sine si pokopingkoo luwu. Tadi iramo sampano keu anggorono, hangano luwuno atuu komba keu anggoro-Do i Ue!

Yeremia 52:14

Luwuno rere watu lumimbuo kota Yerusale dompobangkuo luwuno sorodadudo to Kasidimi anu mentondao petewawa sorodadu podagai mokole atuu.

Ponsabangi 1:7

Terorambeomo Yerusale, a luwuno oleo tebobarasai ka marasaiano, a luwuno arataa anu pine'ueno i ndi'ipua; tempono palilino ntedonta a ngkaedo iwali, ka nahina tumulungio, luwuno iwali mengkitao, ka mpengingisi hangano tekaleno.

Ponsabangi 2:9

Dotano ira matubo a laro wita; pinudu ka Dorawo-rawoo luwuno lansono pewowano. Mokole ka luwuno petewawano kongko i olodo tongku, nahina pontiso, maupo nabi nahi dompotarima mbo'u pongkita inso ndi Ondae i Ue.

Ponsabangi 3:61

”Irongeomo pepaukido, oo Ue, luwuno tinoodo ndi ongkue,

Ponsabangi 5:1

Irambeomo, oo Ue, hapa anu gagi ndi omami, Ipensiroiomo ka Ikitaomo mongkokolaroamami.

Imama 26:31

Luwuno kotamiu Aku weweuo gagi hanga ngkota ka luwuno po'ianga memporimiu Aku sumolangio ka nami Kubehe mbo'u mowoo woono pesombamiu anu mompokomawongko.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.