Mika 1:7 - Wunta Mempori

⁷ Luwuno tinahano ta pinuro, luwuno tambo pebelesuno ta tinunu, ka luwuno lahumoano Aku rumawo-rawoo; hangano inso a ntambo pebelesua atuu pinumpu luwu, ka ta wali gagi tambo pebelesu.

Mika 1:7 Iomraidhean Croise

Winali 23:18

Sipowawa doi tambo pebelesua beine ke po'owahi pebelesua tama ia raha-Do i Ue, Ue Alamu, gagi po'ihii asa pontanga, hangano oruano atuu mokoburu-Do i Ue, Ue Alamu.

Hosea 2:12

Aku humukuo hangano luwuno oleo pesombaano a Baala tempono ipontunuako ira pesomba, ka meramba-rambaako tole-toleno saru enuno. Itonda ira mia pinehohawano ka kumolupe Aku,” kanandiomo pau-Do i Ue.

MENGKAAA 18:3

hangano luwuno tongku mpo'inu iramo inso a anggoro po'eheno aroa belesuno ka luwuno mokole i tolino mpebelesu iramo saru onae, ka anu mpebalu-balu i tolino mengkaeaako iramo mare'eno po'eheno aroano.”

Hosea 8:6

Menteeano lahumoa atuu inso a nto Isaraeli, wineweuno puu mpo'angga, ka onae komba Ondae Ue Ala! Mentee ntu'u, ta gagi sibano ana nsapi Samaria atuu!

MENGKAAA 18:9

Ka luwuno mokole i tolino, anu mpoweweu iramo mokoburu ka mentuwu a laro mare'ea saru onae, ira mpengeseio ka mensabangio, tewala domengkitao ahuno api anu tumunuo.

Yoeli 3:3

hangano bawaa-Ku dompotendeakono undi, mpeweengakono asa ana ntama hangano asa mia belesu, ka me'asao asa ana beine hangano anggoro anu ta ininu.

Hosea 2:5

Onaemo pu'uno, menteeano Aku umolotiakono ewo rui salano, ka mompontade rere watu umukoo, ranta nahi pokompohawe salano.

Yesaya 27:9

Onaemo pu'uno, kanandiomo ta pinahihi salano i Yako ka ndiomo wuano tewala ipoko'olaio halano: Ira weweuo luwuno watu pontunua pesomba kana watu kapuru anu rinawo-rawo, ranta nahina mbo'u karu pelahumoaa ka meda pontunua dupa anu mo'ia mentade.

2 Tawarika 31:1

Mansano luwuno andio tampulaomo, luwuno to Isaraeli anu mehawe, melako a luwuno kota i Yehuda. Domempuro-puroo luwuno tugu lahumoa, domerongkao luwuno karuno pelahumoaa, ka pobangkuo luwuno po'ianga pesombaa ka meda pontunua pesomba i luwuno Yehuda ka Benami, saru i Eparai ka Manase, ranta tampula luwu. Ka i'amba luwuno to Isaraeli mpekule i luwuno kotano, singge mia a ntia pusakano.

Winali 9:21

Sine ana nsapi, anu mokontehala komiu, ku'alao ka kutunuo ia api, ka ku'amba rumawo-rawoo ka kugilio momoiko ranta kai motutu gagi awu. Awuno atuu kupetadiakono a ngkorono anu waa metii inso a ntorukuno.

Imama 26:30

Ka luwuno pongku wita pesombaamiu Aku rumopuo, ka luwuno pontunuamiu dupa Aku mokotampulao. Aku metadiakono luwuno wata ngkoroimiu a wawo luwuno wata ngkoroino lahumoamiu ka aroa-Ku ta te'osa kumitakomiu.

1 Samueli 5:4

Sine tisomono, mansado mpewangu mo'oru, domengkitaomo Dagoni atuu tebangku, rupano a wita i arono Burua Pedandia-Do i Ue. Uluno ka orua pele ngkaeno Dagoni atuu tepudu ka tetadiako i arono pewowa. Butumo koa koroino anu da mo'ia.

Yesaya 2:18

Luwuno lahumoa ta tampula luwu.

Yesaya 23:17

A pokotompaano ta'u atuu Ondae i Ue Ira merioo Tirusi, ranta ka iwali mohawe tambo belesuno, ka onae ta mebelesuako ira luwuno poparentaa anu kongko i wawontolino.

Yehesikieli 6:6

Isuamo koa impo'ia, luwuno kotamiu ta gagi tekale-kale ka luwuno po'ianga pesombaamiu ta gagi boni-boni, ka irinawo-rawo luwu meda pontunuamiu pesomba ka bininta boni-boni, luwuno lahumoamiu pinuro ka nami hina, luwuno pontunuamiu dupa rinawo-rawo ka luwuno wineweuno kaemiu pinokotampula.

Hosea 2:14

Inso i ra'ai Aku weakono lere anggorono, ka Kuweweuo lembono Akoro gagi pewowa pomperorohia. I ra'aimo onae ta meweengakono koroino kana tempono imongura, kana tempono ipelungka meluarako inso i wita Masiri.

Hosea 8:5

Nahi Kutarimao ana sapimu, hei Samaria; tekuda-Ku tensila ndi ondae! Hawe te'opia tehineno ondae nahi pinokomempori?