Hosea 4:3 - Wunta Mempori

³ Onaemo pu'uno wita andio ira pompemasusa, luwuno palilino ta me'i'isei; luwuno kondehora i tongampada ka manu-manu i laro meene, maupo luwuno bou a ntahi mbo'u ta tepumpu mate.

Hosea 4:3 Iomraidhean Croise

Yesaya 33:9

Wita mo'inombo ka me'i'isei; Libano montembi pontata ka gagi telusa; Saroni gagiomo kana pada malua, Basani ka Karameli rumonta leweno.

Yeremia 12:4

Opiapo mbo'u tempono itedoa mokari wita andio, ka ewo a luwuno pada moleu? Hangano mosa'o poweweudo palilino kondehora ka manu-manu pingko tampula, hangano mpotaedo, ”Nahi Ira kumita kita poko'ariano anu umalu kita!”

Yeremia 23:10

Wita bukeako anu mponsosabo; mentee ntu'u, hangano pontotonaa londaomo wita ka memoleu iramo pada ewo i pada one; anu inungkedo onaemo poweweu anu mosa'o, ka rosodo komba moleoa.

Yeremia 4:25

Kukitao, mengkaa nahina mia, ka luwuno manu-manu i laromeene mpenee iramo mpolai.

Yeremia 9:10

Pengesemo ka peraalikimo hangano luwuno torukuno, ka ponsabangimo hangano ewo i pada one, hangano luwuno londaomo ranta nahina mia telaloio, ka nami teronge mbo'u suarano pinotuwu; moiko manu-manu i laromeene maupo kondehora susuano, luwuno mpolai iramo ka moliu.

Yeremia 9:9

Nde kana'umpe nahi Aku humuku ira hangano luwuno andio?, kanandiomo pau-Do i Ue. Nde kana'umpe nahi Aku moweweu pombaloa a tongku kanandio?

Yehesikieli 38:20

Luwuno bou a ntahi, manu-manu i laro meene, luwuno kondehora mo'ila, luwuno kondehora melera ka melele i tolino ka luwuno mia i wawontolino ira medoito mengkitao rupa-Ku. Luwuno torukuno ta tehoa, luwuno pu'u ntorukuno ta tewingke, ka sompo rere watu ta tebangku a wita.

Yoeli 1:18

Luwuno pinotuwu mpe'anaiki ira ntu'u ka luwuno bawaano sapi mbo'u pompemasusa, hangano nami hina mbo'u ewo a mpada tiado; asa bawaa mbo'u bembe bimba tetonda marasai.

Amosi 1:2

Ipotae, ”Ondae i Ue mengaoli inso i Sioni ka inso i Yerusale Dopoporongeo pau-Do; mokariomo luwuno mpada pompakambia ka moleuomo punsuno torukuno Karameli.”

Amosi 5:16

Menteeano, kanandiomo pau-Do i Ue, Ue Alano luwuakoano, Ondae Ueku, ”A luwuno tanalapa ta hina ponsabangia ka a luwuno sala kodei ira mpebooli mia, ’Adoo! Adoo!’ Puu mpelere pinoboi ka ipo'inombo ka luwuno anu monsabangi ka iposabangi.

Amosi 8:8

Kombake ta mondidi-ndidi tolino hangano mongkona atuu, ranta sompo palilino mpompemasusa? Kombake ta mewuatako asa wawontolino kana Koro Nili, tewawa-wawa ngkoraane-ngkoramai ka i'amba tenono mbo'u kana Koro Masiri?”

Nahumi 1:4

Dotekudaakono tahi ka mokomotu'io, ka luwuno korono Doweweuo mo'are. Basani ka Karameli gagi londa ka bunga Libano gagi moleu.

Sepanya 1:3

Aku rumoahio mia ka pinotuwu; Aku rumoahio luwuno manu-manu a laro meene ka bou a ntahi. Aku dumontai ira mia anu nahi tondao parenta-Ku ka mokotampulao mia inso i wawontolino, kanandiomo pau-Do i Ue.

Sakaria 5:4

Kutenaomo totonaa atuu meluarako, kanandiomo pau-Do Ueno luwuakoano, ka ipewinso a laro rahano mia monako ka rahano mia anu mesumpa nahi mentee a nee-Ku, ka merato a rahado saru rumopuo, moiko keu maupo luwuno watuno.”