Hosea 2:3 - Wunta Mempori

³ Luwuno anano nahi Aku mehohawa ira, hangano ondae onaemo nana'ote belesu.

Hosea 2:3 Iomraidhean Croise

Peluarakoa 17:3

I ra'ai tongku atuu memokoranga. Tongku atuu mpewuruki iramo ndi Musa ka dompotae, ”Tembio kau wawa kami mpeluarako inso i wita Masiri? Nde komepate kami ke, luwuno ana mami ka pinotuwu mami ka kimemateako mokoranga?”

Yesaya 33:9

Wita mo'inombo ka me'i'isei; Libano montembi pontata ka gagi telusa; Saroni gagiomo kana pada malua, Basani ka Karameli rumonta leweno.

Yesaya 47:3

Po'ineeomo ka isaba anumu ka mokoko'iiamu tengkita! Aku moweweu pombaloa ka nahina pinehohawa maupo te'asa mia.

Yesaya 64:10

Luwuno kota-Miu anu mempori gagiomo pada one, Sioni gagiomo pada one, Yerusale boni-boni.

Yeremia 12:10

Hadio puu mpopakambi anu mensolangiomo lere anggoro-Ku, ka melolandao wita-Ku. Ondae meweweuo wita-Ku anu tekosi gagi pada one anu boni-boni.

Yeremia 13:22

Tewala omue mesikeno i laro aroamu, ”Tembio luwuno andio ka i'alu aku?” Hangano hadiono halamu onaemo ka isinungke untu hawumu kau dinadai!

Yeremia 13:26

Ongkue isa'a Aku tumandeo tompa hawumu hawe a rupamu, ranta ka itengkita anumu.

Yeremia 14:3

Anu langkai potorodo mentena ira puu pompekakaakodo mpo'ungke uwoi. Mansado mehawe a nsumuru, nahi dompohawe uwoi, onaemo ka dompekule saru ponaapado anu mooa. Memokoko'ii ka mengkurama, onaemo ka domensoumbuo uludo.

Yeremia 17:6

Onae ta kana tonga ewo londa a mpada malua, onae nahi ta kumitao haweno teweweu moiko; onae ta mo'ia a wita londa i pada one, a mpada ohia anu nahina miano.

Yeremia 2:31

Hei, omiu anu mentuwu kanandio-andio, ipekokoongakonomo pau-Do i Ue! Nde gagiomo pada onedo to Isaraelike Ongkue ke wita anu wongi mpusu? Tembio bawaa-Ku ka dompotae, ’Tepotola kamimo, nami kimebehe mbo'u me'aiwa ndi Omiu?’

Yeremia 2:6

Nahi dompesikeno mbo'u: Isua Irake i Ue, anu tumaate kita mpeluarako inso i wita Masiri, anu wawa kita i pada one, a wita anu londa ka mpebobanga, a wita anu tedoa mokari ka wongi-wongi, a wita anu nahi dontelaloio mia ka nahi dompo'iangario mia?

Yeremia 22:6

Hangano kanandiomo pau-Do i Ue mongkona somborino mokoledo to Yehuda: Omue kana Gileadi ndi Ongkue, kana punsuno Libano! Sine manasa Aku weweuko gagi pada one, gagi kota nahina mo'iangario.

Yeremia 4:26

Kukitao, mengkaa wita mewalo gagiomo pada one, ka luwuno kotano tekale-kaleomo i aro-Do i Ue, i arono tekuda-Do anu tensila.

Yeremia 51:43

Luwuno kotano gagiomo po'ianga londa, gagi wita anu motu'i ka pada malua, wita anu nahi po'iangario maupo isema ka maupo te'asa mia nahi telaloio.

Yeremia 51:5

sekono Isaraeli ka Yehuda nahi Dobintao Ue Alano, Ue Alano luwuakoano gagi tuwu beine, hangano witado to Kasidimi atuu bukeako sala ndi Ondae Anu Tedoa Mempori, Ue Alado to Isaraeli.

Yehesikieli 16:22

A laro luwuno wineweumu anu mokoburu ka pebelesumu atuu nahi upewowoloo mbo'u i tempono umongura, tempono ukolambe-lambe saru mesumpe-sumpe a laro meranoako reamu.

Yehesikieli 19:13

Kanandio-andio onae tepaho i pada one, a wita anu motu'i ka mokorangaako uwoi.

Hosea 13:15

Maupo ituwu mewalo i olono luwuno ewo, angi i sabaano oleo, angi-Do i Ue ta hawe mepuuri inso i pada one, mokomotu'io luwuno insoano uwoi ka mokonsa'o luwuno mata uwoino; Ira rumontuo arataa, luwuno sangka anu tekosi.

Hosea 2:10

Aku mokompenaa-naao luwuno pinemawongkono, oleo langkaino, wula wo'ohuno ka oleo Sabano ka luwuno porame-rameno.

MENGKAAA 17:16

Ka hopulu tandu anu ukitaomo atuu saru kondehora atuu ira me'o'aliaakono beine belesu atuu ka ira meweweuo gagi boni-boni ka kolambe-lambe, ka ira mengkaano bauno ka ira mentunuo a api.

Puu Mpobitara 15:18

Mansano tedoa mokoranga, mebooliomo ndi Ondae i Ue, ”Kae tetenaa Miu andio Ipowee aku poponangi anu langkai. Sine kanandio, akumo mate mokoranga ka tedonta a ngkaedo mia anu nahi dompetindi andio!”