Hosea 1:10 - Wunta Mempori

¹⁰ Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Hosea 1:10 Iomraidhean Croise

Tegagia 13:16

Aku mokogagio inulemu kana awu wita hadiono. Ba hinao mia mokodoao awu wita, inulemu mbo'u pinokodoa.

Tegagia 22:17

manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido.

Tegagia 32:12

Kombake mepau Komiumo: Manasa Aku moweweu moiko ndi omue ka mokogagio inulemu kana hadiono one a ntahi, anu nahi pinokodoa hangano hadiono.”

2 Samueli 7:24

Ipokoroso iramo bawaa-Miu Isaraeli gagi bawaa-Miu ranta nahina tampulaano, ka Omiu, oo Ue, gagi Ue Alado.

Yesaya 43:6

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino,

Yesaya 48:19

Inulemu ta kana one ka ana'uemu ta kana one molaba hadiono; needo nahi ta pinokotampula ke inonini inso i aro-Ku.”

Yesaya 63:16

Kombake Omiu Amamami? Mentee ntu'u, i Burahima nahi to'ori kami, ka Isaraeli nahi dome'akui kami. Oo Ue, Omiu isa'a Amamami; nee-Miu Puu pontolosimami mompu'u i ndi'ipua se'eluno.

Yesaya 64:8

Sine kanandio-andio, oo Ue, Omiumo Amamami! Omami andio wita pulu ka Omiumo anu weweu kami, luwumami onaemo wineweuno kae-Miu.

Yesaya 65:1

Kupemoikoo moweeakono pontiso a mia anu nahi pesikeno ndi Ongkue; Kupemoikoo ihawe Aku mia anu nahi ungke Aku. Mepau Aku, ”Ndio Aku, ndio Aku!” a tongku anu nahi poboio nee-Ku.

Yesaya 66:20

Ira mewawao luwu pepaekompomiu inso i olodo luwuno tongku gagi pesomba tia-Do i Ue a wawo ngara ka kareta ka a wawo ponsela, a wawo bagali ka unta waino anu magasi, a wawo ntorukuno-Ku anu mempori, lumako i Yerusale, pau-Do i Ue, mengkena kana to Isaraeli mpowawa pesomba a mponaapa anu mempori a laro raha-Do i Ue.

Yeremia 33:22

Kana sorodadu langi nahi pinokodoa ka kana oneno tahi nahi pinokosa'u, kanatuumo Aku mokohadioo inuleno tetenaa-Ku i Daudi ka luwuno to Lewi anu mpekakaa-Kune.”

Danieli 6:26

Ka i'amba mokole Dariusu mo'oliwi wunta a luwuno mia inso a luwuno tongku, suku ka pau, anu mpo'ia i asa wawontolino, ihino, ”Po'ineeomo ka itetiangi manangaimiu!

Hosea 1:9

Ka Do'amba mepau, ”Poponeeomo i Lo-Ami nana'ote atuu, hangano omiu komba bawaa-Ku ka Ongkue andio komba Ue Alamiu.”

I YOHANE 1:12

Sine luwuno mia anu tumarima Ira Dopoweeako ira pabawa ka domegagi ana-Do Ue Ala, onaemo ondae anu mpompe'ala-ala a nee-Do;

ROMA 8:19

Hangano tedoa domengkekewoio luwuno anu tuwu mensikorio tempo domempinokomengkaa ana-Do Ue Ala.

2 KORINTI 6:18

Ka Aku gagi Amamiu, ka komiu megagi ana-Ku tama ka ana-Ku beine ka kandiomo pau-Do i Ue, Anu Tedoa Pabawa.”

IBARANI 11:12

Onaemo pu'uno, inso a mia aasa, tendeano mia anu kana mateomo, moluarako hadio inule, kana anano wula i langi ka kana one i wiwi ntahi, anu nahi pinokodoa hadiono.