Danieli 9:9 - Wunta Mempori

⁹ Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Danieli 9:9 Iomraidhean Croise

2 Samueli 24:14

Sumangki i Daudi ndi Gadi, ”Tedoa aku mompemasusa. Po'ineeomo tontedonta a ngkae-Do i Ue hangano langkai ntu'u pompehohawa-Do, sine siimo kutedonta a ngkaedo mia.”

1 Mokole 8:30

Irongeomo po'emano tetenaa-Miu ka bawaa-Miu Isaraeli anu winuatako a mpo'ianga andio. Irongeomo a mpo'ianga-Miu i suruga; Irongeomo ka I'ampuni kamimo.

Nehemia 9:31

Sine hangano pompehohawa-Miu anu langkai, nahi ropu ira ka nahi binta ira. Menteeano Omiumo Ue Ala anu puu pompehohawa.

Po'unde-unde 130:4

Sine ndi Omiu hinao po'ampunia, ka idoito mia ndi Omiu.

Po'unde-unde 130:7

Pomperorohimo ndi Ondae i Ue, hei to Isaraeli! Hangano ndi Ondae i Ue hinao pompehohawa, ka ndi Ondae hinao mpiha pontolosia.

Po'unde-unde 62:12

Asa rupa Dopauo Ue Ala, orua rupa kurongeo: nine roso kongko ndi Ondae Ue Ala,

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yesaya 63:7

Aku tumutuluo pompehohawa-Do i Ue anu nahi bali, luwuno wineweu-Do i Ue anu telele, anu wineweu-Do i Ue ndi ontae ka moikoa anu langkai a nsukudo to Isaraeli, anu wineweu-Do ndi ondae menunu saru pompehohawa-Do ka pompehohawa-Do nahi bali anu langkai.

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

Yehesikieli 20:13

Sine, suku Isaraeli me'ewa ndi Ongkue i pada one. Nahi domentuwu montonda luwuno pompakosi-Ku ka nahi domentarimao luwuno atora-Ku, kahinaano mia anu weweuo ta tuwu. Ondae mbo'u tedoa mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae i pada one ka mepate ira.

Danieli 9:5

Mpoweweu kamimo hala ka sala, mpoweweu kamimo gau mosa'o ka me'ewa, mepansia kamimo inso a parenta-Miu ka atora-Miu.

Danieli 9:6

Nahi kimperorongeako ira tetenaa-Miu, luwuno nabi, anu mpepau iramo a nee-Miu a luwuno mokolemami, a luwuno petewawamami, ndi ondae amamami ka a luwuno palili.

Danieli 9:7

Oo Ue, Omiumo anu mentee, sine tekonaomo kimemokoko'ii kana a oleo andio, omami to Yehuda, palilino kota Yerusale ka luwuno to Isaraeli, ondae anu me'umpeda ka anu olai, a luwuno wita ba isua Itadi ira hangano domehapu Komiu.

Danieli 9:8

Oo Ue, omami, luwuno mokolemami, luwuno petewawamami ka ondae amamami tekonaomo kimemokoko'ii, hangano mpoweweu kamimo hala ndi Omiu.

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.