Danieli 9:8 - Wunta Mempori

⁸ Oo Ue, omami, luwuno mokolemami, luwuno petewawamami ka ondae amamami tekonaomo kimemokoko'ii, hangano mpoweweu kamimo hala ndi Omiu.

Danieli 9:8 Iomraidhean Croise

2 Mokole 21:15

hangano mpoweweu iramo anu mosa'o a pongkita-Ku ka mokotesingkao tekuda Aku, mompu'u dompeluarako uempu'udo hawe oleo andio.”

2 Tawarika 6:37

Sine tewala dowali mento'orio halado i wita po'iangado mentinawa, ka dontepidi, saru mpo'ema pompehohawa ndi Omiu i wita po'iangado mentinawa, ka dompotae: Ntehala kamimo, mensala ka mpoweweu mosa'o,

Nehemia 1:6

po'ineeono biri-Miu moronge, mata-Miu mongkita ka Irongeomo pekakai anu winuatakono tetenaa-Miu i aro-Miu meene ka wongi tiado to Isaraeli, luwuno tetenaa-Miu atuu, saru mangakuakono luwuno hala anu kimeweweuomo omami to Isaraeli ndi Omiu. Ongkue ka pe'etuku mpoweweu kamimo mbo'u hala.

Yesaya 64:4

Mompu'u i ndi'ipua se'eluno nahi hori teronge, nahina biri anu moronge, ka nahina mata anu hori mongkita maupo Ue Ala isua, sangkadio Omiu, anu moweweu tiado mia anu sumikori Ira. Butu Omiu anu moweweu kanatuu.

Yeremia 14:20

Oo Ue, omami mpokonto'orio gaumami anu mosa'o ka salado uempu'umami; mentee ntu'u, mentehala kamimo ndi Omiu.

Yeremia 32:32

hangano luwuno mosa'oa anu wineweudo to Isaraeli ka to Yehuda anu mpokotesingkao tekuda-Ku, hangano ondae, luwuno mokole ka mia pinemota'udo, luwuno sando mpesomba ka nabido, to Yehuda ka palilino Yerusale.

Yeremia 7:19

Nde Ongkueke pinokomahakido, kanandiomo pau-Do i Ue, kombake tendeano koroido ondaedo, ranta ka domegagi mokoko'ii?

Ponsabangi 1:18

”Ondaemo i Ue anu mentee, sine ku'ewaiomo pau-Do; rongeomo hei luwuno tongku, ka kitaomo pompemasusaku; luwuno ana beineku ka mangalitauku melako gagi mia mentinawa.

Ponsabangi 3:42

Tehala kamimo ka me'ewa, nahi oniniakami halamami.

Ponsabangi 5:16

Ramba-ramba ulu tedontaomo inso a ulumami. Wainto kamipo, hangano mpoweweu kamimo hala!

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Yehesikieli 5:6

Onae umewaomo a luwuno atora-Ku mosa'oopo wineweuno sekonopo luwuno tongku ka a luwuno pompakosi-Ku mosa'oopo wineweuno sekonopo luwuno wita pehori-horino. Menteeano, nahi domentarimao luwuno atora-Ku ka peleludo nahi penunu saru luwuno pompakosi-Ku.

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,