Danieli 9:27 - Wunta Mempori

²⁷ Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”

Danieli 9:27 Iomraidhean Croise

Yesaya 28:15

Hangano mpotae komiumo, ”Mpoweweu kamimo pedandia saru matea, ka saru tolinodo mia mate mpoweweu kamimo tepo'asaa mpau; maupo mowo tumutuwio ka sumampuo, nahi ta kumona kami; hangano kimpokogagiomo pegaupi gagi pepekaduduimami, ka omami mpewuni a laro mpegaupia.”

Yesaya 28:22

Onaemo pu'uno, siimo impopasinggiri, kasi tekense mapee koloro pongumiu, hangano kurongeo mongkona matea anu manasaomo anu hawe inso ndi Ondae Ue Alano luwuakoano a luwuno wita atuu.

Yesaya 42:6

”Ongkue, Ue, Kupoboikomo a laro menteea, Ku'iniomo kaemu; Kuweweukomo ka mokogagiko po'oloti pedandia tiado mia, mewineno luwuno tongku,

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Yesaya 55:3

Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.

Yeremia 7:30

Mentee ntu'u, to Yehuda mpoweweu iramo hapa anu mosa'o a pongkita-Ku, kanandiomo pau-Do i Ue. Domenaaomo luwuno lahumoado anu mokoburu a raha anu nineeako montonda nee-Ku, ira mengkokoburutio.

Danieli 11:31

Sorodaduno ira mehawe, mengkokoburutio po'ianga mempori ka bente atuu, mempahihio pesomba sompo oleo. Domenteahakono wineweu mokoburu anu mompepate.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 12:11

Mompu'u ipinenaa-naaako pesomba sompo oleo ka luwuno pinesombai mokoburu anu mompepate atuu tineahako, hinao asa nsowu ka rua etu ka sio pulu oleo.

Danieli 7:25

Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

Danieli 8:13

Ka i'amba kurongeo asa mia mempori mepau, ka asa mia mempori susua motaeakono anu mepau atuu, ”Hawe opia tempono igagi pongkita mongkona pesomba sompo oleo ka gau mosa'o anu mompepate, mongkona po'ianga mempori anu pineweengako ka sorodadu i langi anu melinolanda?”

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Podoaa 7:62

asa sangkiri, hopulu sikala wulaa mobeano me'ihi dupa;

I MATIU 24:15

”Gaagi tewala mpongkita komiu Ponsolangi mokoburu mentade a mpo'ianga mempori, montonda pau anu pinohaweno Nabi Danieli – anu mebasao ka dompekokoongakono –

I MATIU 26:28

Hangano onaemo andio rea-Ku, rea pedandia, anu inuwuako hadio mia gagi po'onini hala.

I MATIU 27:51

Ka kitaomo, sawu pelingo a Raha Mempori tesempa tepe'orua inso i wawono hawe i totono ka gagiomo leelu, ka pongku-pongku watu nteboka,

I MARAKUSU 13:14

”Tewala imengkitao Puu Pompepate mokoburu mentade a mpo'ianga anu nahi pototono – anu mpobasa asalakono ka dompepenteeo – ka luwuno mia anu i Yudea asalakono ka dompolai a mentorukuno.

I LUKASI 21:20

”Tewala imengkitao Yerusale domengkaduo sorodadu, imento'oriomo, nine tekaleano rangkuomo.

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

ROMA 11:26

Kanandiomo pesalaano luwuno to Isaraeli ira mengkinadudui, kana hinao teburi, ”Inso i Sioni Ira hawe Pontolosi, Ira umoninio luwuno pinogauno i Yako anu mosa'o.

ROMA 5:15

Sine pompowee-Do Ue Ala nahi pengkena saru tehalano i Adama. Nde tewala hangano tehalano asa mia tedontaomo luwuno mia a laro mpabawano matea, tedoaopo lalu langkai mbo'u pompehohawa ka pompehohawa-Do Ue Ala ka pe'aroa-Do, anu Doweeako ira luwuno mia hangano asa mia, onaemo Ondae i Yesu Kerisituu.

ROMA 5:19

Gaagi mengkena kana hangano asa mia nahi petenunu luwuno mia megagi iramo mia ntehala, kanandio koa mbo'u hangano petenununo asa mia luwuno mia gagi mia mentee.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.