Danieli 9:26 - Wunta Mempori

²⁶ Umarino nomo pulu ka orua meluka opitu tempo atuu asa mia anu inurapiomo ta tinadi, kahinaano nahina salano. Palilino asa mokole anu ta hawe, ta mokotampulao kota ka po'ianga mempori atuu, sine mokole atuu ta mate a laro lolowi. Hawe a tampulaano wawontolino ta hina peteaa ka poropua kana anu pinakosiomo.

Danieli 9:26 Iomraidhean Croise

2 Samueli 21:5

Umarino atuu mpepau iramo ndi ondae mokole, ”Inso a mia anu mingki rumopu kami ka anu montoo ta rumopu kami, ranta nahi kimpohawe po'ianga maupo isuamokoa i wita Isaraeli,

Po'unde-unde 22:15

Kana uwoi ongkue te'uwu, ka luwuno pesombuano wukuku kana tepotola; aroaku gagi kana gomo, loono a laro radaku;

Yesaya 28:2

Menteeano, ta hawe inso ndi Ondae i Ue mia anu mokora ka moroso; kana angi mokora usa watu ka angi meroku anu mompepate, kana usa mokora anu mongkokongiri ka mompolomo, onae ta mepasiako ira a wita.

Yesaya 28:22

Onaemo pu'uno, siimo impopasinggiri, kasi tekense mapee koloro pongumiu, hangano kurongeo mongkona matea anu manasaomo anu hawe inso ndi Ondae Ue Alano luwuakoano a luwuno wita atuu.

Yesaya 53:8

Umarino rinako ka hinuku onae winawa lumako, isema anu merioo hapa anu gagi ndi onae? Mentee ntu'u, onae te'otuhi inso a witado mia mentuwu, ka hangano pe'ewado bawaa-Ku onae kona pohuku.

Yesaya 8:7

onaemo pu'uno, menteeano, Ondae i Ue Ira weweuo uwoi korono anu mokora ka langkai, – mokole Asuri ka luwuno marambano – lulua ndi ondae. Uwoi andio ta lulua lumaloio luwuno pangkorono ka waa lumaloio luwuno wiwino,

Yeremia 46:7

Isemake andio anu lulua kana koro Nili, kana luwuno korono uwoino mebunde?

Yeremia 51:42

Tahi mewuatakoomo sumampuo Babeli, luwuno bombano anu u'uru isampuomo.

Danieli 11:10

Anano ira mpepatinda mpetea, ka mpowawa sorodadu anu hadio. Asa mia inso ndi ondae atuu ta lumako umewaio, lumimbuo ka umalu ira luwu kana lolowi. Onae wali monsapoi hawe a bentedo iwalino.

Danieli 11:17

Onae ta merokuhi aiwa saru luwuno rosono poparentaano ka moweweu tepo'asa mpau saru mokole i wita Selata ka weeakono asa anano beine ka iropuo poparentaa atuu. Sine perokuhino nahi ta mehasili ka nahi me'uraakono.

Danieli 11:22

Sorodadu anu aiwa mposapoi ka maupo mbo'u asa mokole Pedandia ta pinolomo inso i arono ka rinopu.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 9:27

Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”

Hosea 1:9

Ka Do'amba mepau, ”Poponeeomo i Lo-Ami nana'ote atuu, hangano omiu komba bawaa-Ku ka Ongkue andio komba Ue Alamiu.”

Amosi 8:8

Kombake ta mondidi-ndidi tolino hangano mongkona atuu, ranta sompo palilino mpompemasusa? Kombake ta mewuatako asa wawontolino kana Koro Nili, tewawa-wawa ngkoraane-ngkoramai ka i'amba tenono mbo'u kana Koro Masiri?”

Amosi 9:5

Ondae Ue Alano luwuakoano, Ondaemo anu dumanggio tolino ranta ka itelelu, ka luwuno palilino mpompemasusa, asa wawontolino mewuatako kana Koro Nili, ka tenono mbo'u kana Koro Masiri.

Nahumi 1:8

maupo a laro mowo anu umaluo. Dopingko ira ntu'u po'iangado anu me'ewa, ka iwali-Do Dosaario a laro wongi-wongi.

I MATIU 22:2

”Mongkona Poparentaa Suruga pinotundaako kana asa mokole, anu moweweu pelimbua a petaoano anano.

I MATIU 22:7

Onaemo ka itekuda mokole atuu, ka i'amba tumena ira sorodaduno melako i ra'ai mpepate ira anu mpompepate atuudo ka mesongkoo kotado.

I MATIU 23:38

Kitaomo rahamu andio ta bininta ka gagi boni-boni.

I MATIU 24:2

Dopotaeako ira, ”Imengkitao luwuno atuu? Kupauakomiu, menteeano nahina maupo te'asa watu i ndi'ai ta pino'inee mo'ia i wawono watu anu susua; luwuno ta hinoa.”

I MARAKUSU 13:2

Ka Do'amba i Yesu motaeakono, ”Ukitao luwuno raha anu langkai andio? Nahina maupo te'asa ta pino'inee metako i wawono watu anu susua, luwuno ta rinongka.”

I MARAKUSU 13:7

Ka tewala mporonge komiu u'uruno peteaa ke lele mongkona peteaa, si medanggara. Luwuno atuu asalakono gagi, sine atuu napi komba tampulaano.

I MARAKUSU 9:12

Sumangki Ira i Yesu, ”Lano i Elia ta hawe se'elu ka mokomoikoo luwuakoano. Butu, kana'umpe anu hinao teburi mongkona i Ana Manusia, nine ta hadio pompemarasai-Do ka Ira pinokongkodei?

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

I LUKASI 21:6

”Hapa anu kinitamiu i tu'ai – ta hawe oleono nahina maupo te'asa watu ta pino'inee mo'ia a wawo watu susua; luwuno ta hinoa.”

I LUKASI 24:26

Kombake i Mesia asalakono tebobarasaiako luwuno atuu ka Dopewinso a marambaa-Do?”

I LUKASI 24:46

Dopotaeako ira, ”Hinao teburi kanandio: I Mesia asalakono tebobarasai ka mewangu inso i olodo mia mate a oleo anu ko'otolu,

I YOHANE 14:30

Nami hadio mbo'u Kupepauakomiu, hangano anu pabawa i wawontolino andio hawe ka onae nahina pabawano maupo tedei a ngkoroi-Ku.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

1 PETURU 2:21

Hangano onaemo atuu ka imempinoboi, hangano maupo Ondae i Kerisituu Dotebobarasaiakomiumo ka Dopobintaakomiumo pandiri, ka imentondao wineweu-Do.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,