Danieli 9:25 - Wunta Mempori

²⁵ To'oriomo ka pokonto'oriomo: inso a tempo ipeluarako pau atuu, tempono ta pinomule Yerusale ka wali winangu, ranta haweno asa mokole, asa mia anu inurapi, hinao opitu meluka opitu tempo. Ka i'amba i larono nomo pulu ka orua meluka opitu tempo tehineno kota atuu ta wali winangu saru tana lapa ka pangkorono, sine a tempo masukara.

Danieli 9:25 Iomraidhean Croise

2 Samueli 15:25

Ka i'amba motae iramo mokole ndi Sadoki, ”Wawaomo Burua Pedandia-Do Ue Ala pokuleo i kota. Tewala mohawe aku pompehohawa a pongkita-Do i Ue, Ira koa wawa aku mekule, ranta aku koa wali kumitao saru po'iangano mbo'u.

Esera 4:24

I tempo atuu anggaano powangua Raha-Do Ue Ala i Yerusale atuu te'onto ka kongkono te'onto hawe ta'u ko'orua poparentaano i Dariusu, mokole i Perisia.

Esera 7:1

Tehine umarino atuu, i tempo poparentaano Aritahasasita, mokole i Peresia, melungkaomo i Esera anano i Seraya anano i Hilikia,

Esera 7:8

Wula ko'olima ta'u ko'opitu tempo poparentaano mokole atuu, i Esera haweomo i Yerusale.

Nehemia 3:1

Sando mpesomba Langkai i Eliasi ka luwuno sando mpesomba, pepaekompono, mpompu'u ira wali mewanguo Pewowa Langkai Bimba, meronsoo ka mempasao luwuno pewowano. Domeronsoo hawe a Menara Asa etu, tendeano hawe a Menara Hanane'eli.

Nehemia 4:2

ka ipotae i arodo pepaekompono ka sorodadu Samaria, ”Hapake menteeano anu wineweudo to Yahudi anu molema andio? Nde hinaoke anu pinokorosodo? Nde ira mpowawa pesombadoke? Nde ira koa mpoko'umario i larono asa oleo? Nde ira wali mpotuwu ira watu inso a howuno anu terawo anu pingkoomo mo'ai?”

Nehemia 4:8

Ntepo'asa ira luwu ira mpeteaakono Yerusale ka mompokomarisu i ra'ai.

Nehemia 6:15

Bente atuu umari winangu a ntanggala rua pulu ka olima wula Eluli, lima pulu ka orua oleo tehineno.

Po'unde-unde 71:10

Hangano luwuno iwaliku mempopau aku, mia anu mpomporaakono penaaku teriso mperonga-ronga

Puu Pontutulu 3:3

hinao tempo mompepate ka hinao tempo mompokotompa; hinao tempo mohoa ka hinao tempo mowangu;

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.

Danieli 8:25

Hangano akalano, pompopo'oo anu wineweuno ta mehasili. Onae ta mompelangka-langkai i laro aroano, ka nahi kinookoo hadio mia ta pinepateno. Onae mbo'u ta mentade umewaio Mokoleno luwuno mokole, sine komba hangano poweweuno kaeno mia, onae ta rinawo-rawo.

Danieli 9:23

Tempono upompu'u mohaweo po'emamu, meluarakoomo asa pau ka ongkue aiwa pauakomu, hangano omue tedoa pinehohawa. Gagi, pe'ihilaroomo pau atuu ka pekokoongakonomo pongkita atuu!

Mika 5:1

Sine omue, hei Beteleme Eparata, hei anu lalu kodei i olono luwuno suku Yehuda, inso i olomu ta pine'anaako asa mia anu ta moparenta i Isaraeli, anu insoano mompu'uomo i ndi'ipua, mompu'u tempo i ndi'ipua.

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

I MATIU 13:23

Anu rinawo a wita anu moiko onaemo mia anu rumongeo pau atuu ka mokonto'orio, ka hangano atuu ka ipewua, hinao anu meluka asa etu, hinao anu meluka nomo pulu, hinao anu meluka tolu pulu.”

I MATIU 24:15

”Gaagi tewala mpongkita komiu Ponsolangi mokoburu mentade a mpo'ianga mempori, montonda pau anu pinohaweno Nabi Danieli – anu mebasao ka dompekokoongakono –

I MARAKUSU 13:14

”Tewala imengkitao Puu Pompepate mokoburu mentade a mpo'ianga anu nahi pototono – anu mpobasa asalakono ka dompepenteeo – ka luwuno mia anu i Yudea asalakono ka dompolai a mentorukuno.

I YOHANE 1:41

I Andarea amba-ambano tepohaweakono i Simo, pepaekompono, ka ipotaeakono, ”Kintepohaweako Iramo i Mesia (pengkonaano: i Kerisituu).”

I YOHANE 4:25

Sumangki beine atuu ndi Ondae, ”Kuto'orio, nine i Mesia Ira hawe, anu nineeako mbo'u i Kerisituu; ba Dohawe, Ira pauakami luwuakoano.”

WINEWEUDO TINENA 3:15

Kanandiomo Ondae, Petewawa a ntuwua, impepate Iramo, sine Dowangu Iramo Ue Ala inso i olodo mia mate; ka mongkona luwuno atuu omamimo sakosii.

WINEWEUDO TINENA 5:31

Ondaemo anu Dotandeakono kae ngkoana-Do Ue Ala gagi Petewawa ka Puu Pongkadudui, ka dompokontepidi to Isaraeli ka mpontarima po'ampunia hala.

WINEWEUDO TINENA 8:30

Mompari-pariomo i Pilipu lumako i tu'ai ka rumongeo anu langkai potorono atuu kontongaano basao wuntano Nabi Yesaya. Motae i Pilipu, ”Ipokonto'orio koake ue hapa anu binasamiu atuu?”

EPESU 5:16

ka imempakeomo tempo anu hina, hangano luwuno oleo andio mosa'o.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 19:16

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”