Danieli 9:23 - Wunta Mempori

²³ Tempono upompu'u mohaweo po'emamu, meluarakoomo asa pau ka ongkue aiwa pauakomu, hangano omue tedoa pinehohawa. Gagi, pe'ihilaroomo pau atuu ka pekokoongakonomo pongkita atuu!

Danieli 9:23 Iomraidhean Croise

2 Mokole 19:20

Ka i'amba i Yesaya anano i Amosi montena mia tepohaweakono i Hisikia saru pe'oliwi, ”Kanandiomo pau-Do i Ue, Ue Alado to Isaraeli: Hapa anu umariomo upekakaiakono ndi Ongkue mongkona i Sanaheri, mokoledo to Asuri, Kurongeomo.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Penani Maramba 7:10

Ongkuemo me'ueo pinehohawaku, po'eheno aroano te'aro ndi ongkue.

Yehesikieli 14:14

ka maupo i tonga-tongano kongko i Noho, i Danieli, ka i Ayubi, otolu mia andio, ira mengkaduduio butu penaado ondaedo hangano menteedo, kanandiomo pau-Do Ue Ala.

Yehesikieli 24:16

”Hei anano mia, kitao, Aku umalao inso ndi omue onae anu tedoa ukekewoio, kana ikonao tula, sine siimo ponsabangi ke maupo mengese, ka siimo poluarako uwoi mata.

Yehesikieli 26:12

Ira merontuo kaeamu ka mpomuruo luwuno balu-balumu. Ira mehoao luwuno rere watumu ka mpobangkuo luwuno rahamu anu tekosi, ka i'amba tinadi watu, keu, ka awumu a laro ntahi.

Danieli 10:1

A nta'u ko'otolu poparentaano i Koresi, mokoledo to Peresia, asa pau pinokomengkaa ndi Danieli anu nineeako i Beletasasari. Pau atuu mentee ka mongkona petea anu langkai. Onae mokonto'orio pau atuu ka ponto'orino atuu ihaweo a laro pongkita atuu.

Danieli 10:19

Ipotae, ”Hei omue anu pinehohawa, siimo doito! Manangaikomo, gagimo moroso, oo, gagimo moroso!” Kontongaano mepau saru ongkue, mompemoroso akumo mbo'u ka kupotae, ”Po'ineeomo ka Ipepau Ueku, hangano Ipowee akumo roso.”

Danieli 6:3

i wawodo pinotoro mbo'u otolu anu langkai potorono, ka i Danieli onaemo asa mia inso i olodo otolu mia atuu. Ndi ondaemo luwuno petewawa daera peweengakono inangga moiko anu asalakono domeweweuo ka si pinokorugi mokole.

I MATIU 24:15

”Gaagi tewala mpongkita komiu Ponsolangi mokoburu mentade a mpo'ianga mempori, montonda pau anu pinohaweno Nabi Danieli – anu mebasao ka dompekokoongakono –

I LUKASI 1:28

Tempono ipewinso mala'eka atuu a rahano i Maria, ipotae, ”Tabea, hei omue anu rinonso, Ondae i Ue kumongkomiko.”