Danieli 9:21 - Wunta Mempori

²¹ da kontongaaku mepau a laro mpekakai, i Gabarieli anu kukitaomo a laro pongkita se'eluno i tempono mpopesombaako pesomba ngkiniwia, magasi ipenee te'aro ndi ongkue.

Danieli 9:21 Iomraidhean Croise

1 Mokole 18:29

Mansano laloomo ntonga oleo, kana iramo mia pinewinsokino i mosa'o ranta kai haweako tempono mompesombaako pesomba ngkiniwia, sine nahina anu sumangki, nahina merio ira.

1 Mokole 18:36

Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

Po'unde-unde 103:20

Unde-unde Iramo i Ue, hei luwuno mala'eka-Do, hei luwuno pongkiari moroso anu weweuo pau-Do tempono irongeo suarano pau-Do.

Po'unde-unde 104:4

Omiu weweuo angi gagi tetenaa-Miu, ka api anu melanga gagi puu pompekakaako-Miu,

Po'unde-unde 141:2

Po'ineeomo pekakaiku ka itinarima kana pesomba dupa i aro-Miu, ka kaeku anu tetande kana pesomba ngkiniwia.

Peluarakoa 29:39

Bimba anu asa, asalakono patindao tempono mo'oru ka bimba anu susua, patindao tempono ngkiniwia.

Yesaya 6:2

Luwuno Serapimi mpentade i hori-Do, singge mia hinao onoo panino, orua pani anu tumutuwio rupado, orua pani anu tumutuwio karudo ka orua pani peneedo.

Yehesikieli 1:11

Kanandiomo rupado. Luwuno panido domewileo kontahane i wawono. Singge anu tuwu hinao asa pasa panino anu pada tepodanggi ka asa pasa pani anu susua tumutuwio koroido.

Yehesikieli 1:14

Anu tuwu atuudo mpenee ngkoraane ngkoramai kana koliki.

Yehesikieli 14:14

ka maupo i tonga-tongano kongko i Noho, i Danieli, ka i Ayubi, otolu mia andio, ira mengkaduduio butu penaado ondaedo hangano menteedo, kanandiomo pau-Do Ue Ala.

Danieli 10:10

Sine hinao asa kae tumengku aku ka weweu aku mondidi-ndidi a olontuu ka kaeku.

Danieli 10:16

Sine hinao asa anu kana mia tumengkuo wiwiku. Ongkue mbo'u mompu'u mepau, kupotaeakono anu mentade i aroku atuu, ”Ueku, hangano pongkita atuu i'alu aku pompemahaki ka nahina mbo'u rosoku.

Danieli 10:18

Ka i'amba anu rupano kana mia atuu tumengku aku mbo'u ka moweeakune roso.

Danieli 8:16

Kurongeo inso a ntongano Koro Ulai atuu suarano mia anu mebooli, ”Gabarieli, weweuomo mia andio ka ito'orio pongkita atuu!”

Danieli 8:18

Kontongaano mepau saru ongkue, tebangku akumo tepo'opo a wita te'onto penaa. Ka i'amba tumengku aku ka weweu aku wali mentade.

I MATIU 27:46

Bara'ura langku otolu mebooli Iramo i Yesu meroku, ”Eli, Eli lama sabakhtani?” Pengkonaano: Ue Ala-Ku, Ue Ala-Ku, tembio ka Ibinta Aku?

I LUKASI 1:19

Mala'eka atuu sumangkio, ”Ongkuemo i Gabarieli anu mekakaako Ira Ue Ala ka tinena akumo mepauakomu ka mohaweo lele moiko andio ndi omue.

I LUKASI 1:26

I larono wula ko'onoo Dotenao Ue Ala mala'eka Gabarieli lumako a aasa kota i Galilea meneeako Nasare,

WINEWEUDO TINENA 10:3

A laro aasa pongkita, bara'ura langku otolu owowa oleo, manasa ikitao aasa mala'eka-Do Ue Ala mewinso a rahano ka ipotaeakono, ”Koroneliusu!”

WINEWEUDO TINENA 10:9

Tisomono tempono mia otolu ira atuu a laro pelempaa ka me'umpeda iramo i kota Yope, bara'ura langku hopulu ka orua ntonga oleo, mewuatakoomo i Peturu a dunsi ta mekakai.

WINEWEUDO TINENA 12:7

Borono mentadeomo aasa mala'eka-Do i Ue umpeda ndi Peturu ka wanta mepansari a laro bolongko atuu. Mala'eka atuu tumopao i Peturu ka ipewangu, ipotae, ”Pontuturakomo pewangu!” Ka telohuomo rante atuu inso a ngkaeno i Peturu.

WINEWEUDO TINENA 3:1

Pohona tamo ronga tempono pekakaia, onaemo langku otolu owowa oleo, mewuatakoomo i Peturu ka i Yohane a Raha-Do Ue Ala.

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

IBARANI 1:7

Ka mongkona luwuno mala'eka mepau Ira, ”Anu weweu ira mala'eka-Do gagi angi mokora ka puu pompekakaako-Do megagi langano api.”

MENGKAAA 9:17

Ka kanandiomo kukitao a laro pongkita andio luwuno ngara ka mia anu mpesawiki ira; mpelemba labu ira, motaha kana api ka molowulu ka mongkuni walira sorano; Uludo ngara atuudo mengkena kana uluno singa, ka inso a ngangado mpeluarako api, ka ahu ka walira.