Danieli 9:20 - Wunta Mempori

²⁰ Kontongaaku mepau, mekakai ka mangakuakono halaku ka halado tongkuku, tongku Isaraeli, ka mohaweo po'emaku i aro-Do i Ue, Ue Alaku tiano torukuno mempori-Do Ue Alaku,

Danieli 9:20 Iomraidhean Croise

Esera 10:1

Kontongaano i Esera menggolontu mekakai ka ipengese mangakuakono hala i arono Raha-Do Ue Ala, tepumpuomo bawaa to Isaraeli hadio ira ntu'u umpeda ndi onae, tama, beine, ka nana'ote. Mia atuudo mpengese meroku ntu'u.

Nehemia 1:6

po'ineeono biri-Miu moronge, mata-Miu mongkita ka Irongeomo pekakai anu winuatakono tetenaa-Miu i aro-Miu meene ka wongi tiado to Isaraeli, luwuno tetenaa-Miu atuu, saru mangakuakono luwuno hala anu kimeweweuomo omami to Isaraeli ndi Omiu. Ongkue ka pe'etuku mpoweweu kamimo mbo'u hala.

Po'unde-unde 145:18

Ondae i Ue umpeda a sompo mia anu mebooli ndi Ondae, a sompo mia anu metenunu mebooli ndi Ondae.

Po'unde-unde 32:5

Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

Puu Pontutulu 7:20

Menteeano, i tolino nahina mia moleo anu moweweu moiko, nahi hori moweweu hala!

Yesaya 56:7

ondae Aku wawa ira a ntorukuno-Ku anu mempori ka Aku moweeako ira mawongkoa a raha pekakaia-Ku. Aku memoikoo luwuno pesomba tinunu ka pesomba sinumbeledo anu pinesombaakodo a wawo meda pontunua pesomba ndi Ongkue, hangano raha-Ku ta pinewua raha pekakaiado luwuno tongku.

Yesaya 58:9

I tempomo atuu omue komebooli ka Ondae i Ue Ira sumangki, omue komebooli mepetulungi ka Ira mepau: Ndio Aku! Tewala nami upokonaako ira tinembi a mpe'asa miamu ka nami utitiso ira mia ka mompau pegaupi,

Yesaya 6:5

Ka ku'amba motae, ”Masola akumo ntu'u! mate aku! Hangano ongkue andio asa mia anu mokoburu wiwino, ka ongkue mo'ia itonga-tongano tongku anu mokoburu wiwido, sine mataku kumita Iramo Ondae Mokole, Ueno luwuakoano.”

Yesaya 65:24

Napi dompebooli, sumangki Akumo; tempono ondae da mpepau, Kurongeomo.

Danieli 10:12

Ka i'amba motaeakune, ”Siimo doito, Danieli, hangano mompu'u oleo amba-ambano upontoo ka upohawe ponto'ori ka kome'urumako i aro-Do Ue Alamu rinongeomo pinaumu. Ongkue aiwa hangano pinaumu atuu.

Danieli 10:2

I tempo atuu ongkue, i Danieli, mo'inombo i larono otolu minggu.

Danieli 11:45

Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

Danieli 9:16

Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

Sakaria 8:3

Kanandiomo pau-Do i Ue: Aku mekule i Sioni ka Aku mo'ia i tonga-tongano Yerusale. Yerusale ta pinau Kota Metenunu, ka torukuno-Do Ueno luwuakoano ta pinau Torukuno Mempori.

WINEWEUDO TINENA 4:31

Ka tempono kontongaado mpekakai, leluomo po'iangado mpepumpu atuu ka mebukeako ira luwu Penaa Mempori, ka i'amba memosia iramo mempaleleo pau-Do Ue Ala.

ROMA 3:23

Hangano luwuno mia mpoweweu iramo hala ka nami hina maramba-Do Ue Ala ndi ondae,

YAKOBU 3:2

Hangano luwuto mensala hadio rupa; ba isema nahina salano a mpepauno, onaemo mia soompo ntu'u, anu mokompeteao koa mbo'u asa ngkoroino.

MENGKAAA 21:10

Ka i'amba a laro penaa iwawa aku a wawo aasa torukuno anu langkai ka ondau ka itisoakune kota anu mempori atuu, Yerusale, metii inso i suruga, inso ndi Ondae Ue Ala.

MENGKAAA 21:2

Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.