Danieli 9:2 - Wunta Mempori

² a nta'u amba-ambano poparentaano atuu, ongkue, i Danieli, mepenteeo a Wunta Mempori porokono ta'u anu montonda pau-Do i Ue ndi Nabi Yeremia ta gagi a nterawo-rawono Yerusale, hadiono pitu pulu nta'u.

Danieli 9:2 Iomraidhean Croise

2 Tawarika 36:21

Bakanandio te'ihiiomo pau-Do i Ue anu pinauno i Yeremia, ranta wita atuu umariomo lumaloo luwuno ta'u Sabano. Wita atuu asalakono pino'inee londa i larono luwuno ta'u saba atuu, ranta sompoomo pitu pulu nta'u.

Esera 1:1

A nta'u amba-ambano poparentaano i Koresi, mokole i Peresia, Ondae i Ue lumeluo aroano i Koresi, mokole Peresia atuu, ka ite'ihii pau-Do iUe anu pinauno i Yeremia. Onaemo ka ipinalele pepopoto'ori andio a luwuno poparentaa, pinau ka binuri, kanandio,

Po'unde-unde 119:24

Oo, luwuno pepoto'ori-Miu gagi ku'ineheakono, gagi luwuno anu patudu aku.

Yesaya 64:10

Luwuno kota-Miu anu mempori gagiomo pada one, Sioni gagiomo pada one, Yerusale boni-boni.

Yeremia 1:1

Ndiomo luwuno pauno i Yeremia anano i Hilikia, inuleno sando mpesomba anu i Anatoti i wita Benami.

Yeremia 25:18

ndi Yerusale ka luwuno kotano Yehuda, saru luwuno mokole ka luwuno mia pinemota'u, ka ipinokogagi luwuno atuu terawo-rawo, boni-boni ka pomansu pasinggiri, saru totonaa ka teweweuno a oleo andio;

Yeremia 26:18

”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano: Sioni ta pinadeko kana lere; Yerusale ta gagi howuno anu terawo ka torukuno Raha Mempori ta gagi po'ianga pompesombaia anu mentobu.

Yeremia 26:6

onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”

Yeremia 27:7

Luwuno tongku ira mpetuundu ndi onae, ka a ana'ueno, ranta ka ihawe tempono witano onaeno mbo'u dompongko'alao hadio tongku ka mokole langkai.

Yeremia 29:10

Mentee ntu'u kanandiomo pau-Do i Ue: Tewala sompoomo pitu pulu nta'uno Babeli, ka Ku'amba aiwa kumita komiu. Aku umihiio dandi-Ku ndi omiu saru mokule komiu a mpo'ianga andio.

Yeremia 7:34

A luwuno kotano Yehuda ka luwuno sala i Yerusale Aku mokompena-naao suara mawongkoa ka po'undea, suarano umbungkori tama ka umbungkoroi beine, hangano wita atuu ta gagi anu terawoa.

Ponsabangi 1:1

Ha, tedoa tensia kota atuu, anu i ndi'ipua maroa! Kanamo asa tuwu beine onae, anu i ndi'ipua maramba i olodo luwuno tongku. Anu i ndi'ipua mokole beine i olodo luwuno kota, kanandio-andio gagi pine'ata.

Yehesikieli 29:11

Nahina maupo te'asa mia ta telaloio, tendeano nahina maupo te'asa kondehora. Wita atuu nahi ta pino'iangi i larono pato pulu nta'u.

Danieli 9:3

Ka ku'amba mo'aroo rupaku ndi Ondae Ue Ala mekakai ka mo'ema, saru mepuasa ka mompokona sawu po'inombo saru awu.

Mika 3:12

Onaemo pu'uno hangano omiu, Sioni ta pinadeko kana lere, Yerusale ta gagi howuno anu terawo, ka torukuno raha mempori ta gagi pongku mentobu.

Sakaria 1:12

Sumangki Mala'eka-Do i Ue, ipotae, ’Oo Ueno luwuakoano, hawe te'ipia mbo'u nahi Ipehohawao Yerusale ka luwuno kota Yehuda anu Itekudaako iramo i larono opitu nta'u andio?’

Sakaria 7:5

”Pauako iramo luwuno palili ka a luwuno sando mpesomba, kanandio: Tempono imempuasa ka mposabangi a wula ko'olima ka ko'opitu i larono pitu pulu nta'u andio, nde mentee ntu'uke omiu mempuasaa-Kune?

I MATIU 24:15

”Gaagi tewala mpongkita komiu Ponsolangi mokoburu mentade a mpo'ianga mempori, montonda pau anu pinohaweno Nabi Danieli – anu mebasao ka dompekokoongakono –

I MARAKUSU 13:14

”Tewala imengkitao Puu Pompepate mokoburu mentade a mpo'ianga anu nahi pototono – anu mpobasa asalakono ka dompepenteeo – ka luwuno mia anu i Yudea asalakono ka dompolai a mentorukuno.

WINEWEUDO TINENA 8:34

Motaeomo anu langkai potorono atuu ndi Pilipu, ”Aku mesikeno ndi omue, mongkona isemake ipotae nabi kanandio? Mongkona koroino onaeno ke mongkona mia susua?”

1 TIMOTIU 4:13

Kontongaano atuu, ranta ka kuhawe temokua basaako ira bawaa Wunta Mempori, mompokomoroso ka mompaguru.

MENGKAAA 1:3

Me'uraomo onae anu basao ka ondae anu mperorongeakono luwuno pau anu ta gagi andio, ka anu tumondao hapa anu teburi i larono, hangano tempono umpedaomo.