Danieli 9:18 - Wunta Mempori

¹⁸ Oo Ue Alaku, po'aroomo biri-Miu ka Irongeomo. Wileomo mata-Miu ka Ikitaomo terawomami ka kota anu pinauako nee-Miu, hangano omami mpohaweo pekakai po'emamami i aro-Miu nahi kimpe'empehiako menteemami, sine me'empehiako pompehohawa-Miu anu hadio ntu'u.

Danieli 9:18 Iomraidhean Croise

1 Mokole 8:29

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.

2 Mokole 19:16

Ipo'aroomo biri-Miu, oo Ue ka Irongeomo. Iwileomo mata-Miu, oo Ue ka Ikitaomo. Irongeomo luwuno pinauno i Sanaheri anu i'oliwiomo me'uru-uru Komiu Ue Ala anu tuwu.

Po'unde-unde 116:1

Aku mehohawa Ira i Ue, hangano Dorongeo pebooliku ka po'emaku.

Po'unde-unde 25:6

Irambeomo moiko ka pompehohawa-Miu, oo Ue, hangano luwuno atuu hinaomo mompu'u i ndi'ipua.

Peluarakoa 3:7

Mepau Ira i Ue, ”Kukitaomo ntu'u marasaido bawaa-Ku i wita Masiri, ka Kurongeomo peboolido hangano wineweudo anu mpodagai mia mpo'angga. Kuto'oriomo ntu'u marasaido.

Yesaya 37:17

Ipo'aroomo biri-Miu, oo Ue, ka Irongeomo. Iwileomo mata-Miu, oo Ue, ka Ikitaomo. Irongeomo luwuno pinauno i Saniheri anu i'oliwiomo mokongkodei-Komiu Ue Ala anu tuwu.

Yesaya 43:7

luwuno mia anu pinau mompake nee-Ku anu Kupokogagio tiano maramba-Ku, anu Kuweweuo ka Kupokogagio mbo'u!”

Yesaya 64:12

Kumitao luwuno andio, oo Ue, kana'umpe ka Komiu mo'iaakono, saru mo'ia merodo-rodo ka mokonsii kami kanandio gagiano?

Yesaya 64:6

Kanatuumo luwumami kana asa mia mokoburu ka luwuno pesombamami ntu'u kana sawu hawe wula. Luwumami gagi moleu kana lewe ka tampula hangano mosa'ono wineweumami kana lewe ipaneeo angi.

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

Yeremia 14:9

Tembio ka Ikana mia bulalingo, kana puu mpetea anu nahi polio montulungi? Sine, Omiu kongko i olomami, oo Ue, ka omami pinau montonda nee-Miu. Si binta kami!”

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

Yeremia 25:29

Hangano menteeano a ngkota anu nineeako montonda nee-Ku, Aku mompu'u motiio masolaa. Nde komiu mentolake inso a mpohuku? Nahi komiu mentola inso a mpohuku, hangano Aku mompotii ponai a luwuno palilino tolino, kanandiomo pau-Do Ueno luwuakoano.

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yeremia 37:20

Kanandio-andio, rongeomo, hei ueku mokole! Po'ineeomo po'emaku ka ihawe i aromiu: si pokule aku a rahano i Yonata, puu mpoburi a poparentaa atuu, aku mansa mate i ra'ai.”

Yehesikieli 36:22

Onaemo pu'uno, pauako iramo suku Isaraeli: Kanandiomo pau-Do Ue Ala: Komba hangano omiu Kuweweuo, hei suku Isaraeli, sine hangano nee-Ku anu mempori anu imengkokoburutio i olodo luwuno tongku ba isua imelako.

Yehesikieli 36:32

Komba hangano omiu Kuweweuo, kanandiomo pau-Do Ue Ala, to'oriomo atuu. Imponto'orimo memokoko'ii ka po'ineeomo imempinokoko'ii hangano pelelumiu, hei suku Isaraeli.

Danieli 9:7

Oo Ue, Omiumo anu mentee, sine tekonaomo kimemokoko'ii kana a oleo andio, omami to Yehuda, palilino kota Yerusale ka luwuno to Isaraeli, ondae anu me'umpeda ka anu olai, a luwuno wita ba isua Itadi ira hangano domehapu Komiu.

Podoaa 6:27

Kanandiomo asalakono domenaao nee-Ku a nto Isaraeli, ka Aku rumonso ira.”

1 KORINTI 1:2

a bawaa-Do Ue Ala i Korinti, onaemo ondae anu pinokomempori ndi Ondae i Kerisituu Yesu ka anu mempinoboi gagi mia memempori, saru luwuno mia a luwuno po'ianga, anu mpebooli a nee-Do Ueto i Yesu Kerisituu, onaemo Uedo ka Ueto.