Danieli 9:16 - Wunta Mempori

¹⁶ Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

Danieli 9:16 Iomraidhean Croise

Nehemia 9:8

Ihaweo aroano metenunu ndi Omiu ka Komiu mowutu pedandia saru onae, Komiu weeako ira inuleno witado to kana'a, to Heti, to Amori, to Perisi, to Yebusi ka to Girigasi. Umariomo I'ihiio dandi-Miu, hangano mentee Komiu.

Po'unde-unde 143:1

Penani po'unde-undeno i Daudi. Oo Ue, Irongeomo pekakaiku, Irongeomo po'emaku! Isangki akumo a laro pompehohawa ka moleo-Miu!

Po'unde-unde 31:1

Tiano petewawado anu mpenani. Penani po'unde-undeno i Daudi.

Po'unde-unde 41:13

Sine Omiu tumumbo aku hangano moleono aroaku, Omiu mokoroso aku i aro-Miu ranta nahina tampulaano.

Po'unde-unde 71:2

Ipotola akumo ka Ipokomalua akumo hangano moleo-Miu, Ita'oomo biri-Miu ndi ongkue ka Ikadudui akumo!

Po'unde-unde 79:4

Omami gagi tataado pehori rahamami, gagi popodeu-deu ka pasinggiriado mia lumimbu kami.

Po'unde-unde 85:4

Ipokontenonoomo luwuno mosa'ono aroa-Miu, mokotemontoomo tekuda-Miu anu tensila.

Po'unde-unde 89:51

Irambeomo, oo Ue, pontata a luwuno tetenaa-Miu, anu tinembiku a laro radaku inso a luwuno tongku.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Yesaya 5:25

Onaemo pu'uno, tesingkaomo tekuda-Do i Ue a bawaa-Do, kae-Do Dopotiio ndi ondae ka Dotunduhi ira; torukuno mpondidi-ndidi, ka wata ngkoroido kana ta'i a ntonga nsala. Maupo gagiomo luwuno andio, tekuda-Do napi temonto, ka kae-Do kongkono pinotii.

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 29:18

Aku lumampuiako ira ponai, mokoninggoa ka haki lele. Aku weweu ira gagi mongkokongirido luwuno poparentaa i tolino, gagi totonaa, doitoa, pasinggiri ka mokoko'iia i olodo luwuno tongku ba isua Kusiarawo ira.

Yeremia 32:31

Oo, kota andio mokotesingkaomo mosa'ono aroa ka tensilano tekuda-Ku mompu'u ipinontade hawe oleo andio, onaemo pu'uno asalakono Aku metadiakono inso i aro-Ku,

Yeremia 32:32

hangano luwuno mosa'oa anu wineweudo to Isaraeli ka to Yehuda anu mpokotesingkao tekuda-Ku, hangano ondae, luwuno mokole ka mia pinemota'udo, luwuno sando mpesomba ka nabido, to Yehuda ka palilino Yerusale.

Yehesikieli 22:4

Saru rea anu inuwumu omue saala ka saru luwuno lahumoa anu wineweumu omue gagi mokoburu. Omue weweuo luwuno oleomu ko'umpe-umpedano ka tampulaano luwuno ta'umu hawe. Onaemo pu'uno, Aku mokogagiko pepaukiakoado luwuno tongku ka popodeu-deuado luwuno wita.

Yehesikieli 5:14

Aku weweuko gagi tekale-kale ka tetewehia i olodo luwuno tongku a mpehori-horimu i arodo luwuno mia anu ntelalo.

Danieli 11:45

Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

Danieli 9:20

Kontongaaku mepau, mekakai ka mangakuakono halaku ka halado tongkuku, tongku Isaraeli, ka mohaweo po'emaku i aro-Do i Ue, Ue Alaku tiano torukuno mempori-Do Ue Alaku,

Yoeli 3:17

”Ka komiumo mento'orio nine Ongkuemo Ue Alamiu, anu mo'ia i Sioni, torukuno-Ku anu mempori. Yerusale ta gagi mempori, ka luwuno mia hawe nahi ira ntelaloio mbo'u.

Sakaria 8:3

Kanandiomo pau-Do i Ue: Aku mekule i Sioni ka Aku mo'ia i tonga-tongano Yerusale. Yerusale ta pinau Kota Metenunu, ka torukuno-Do Ueno luwuakoano ta pinau Torukuno Mempori.

2 TESALONIKA 1:6

Hangano lano ndi Ondae Ue Ala ka Dopombaloakono pompokonsii ndi ondae anu mempokonsii komiu

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.

1 Samueli 2:7

Ondae i Ue weweuo mia gagi mongkokolaro ka gagi kaea. Ondae mompotii ka Ondae koa mbo'u mowuatako.