Danieli 9:15 - Wunta Mempori

¹⁵ Onaemo pu'uno, oo Ue, Ue Alamami, anu iwawaako iramo kae anu moroso bawaa-Miu mpeluarako inso i wita Masiri ka weweuo nee-Miu telele kana a oleo andio, mpoweweu kamimo hala, mpoweweu kamimo gau mosa'o.

Danieli 9:15 Iomraidhean Croise

1 Mokole 8:51

hangano ondae atuu bawaa-Miu ka tia pusaka-Miu anu Iwawa iramo mpeluarako inso i wita Masiri, inso i tongano awu pompokolonoa labu.

2 Mokole 21:15

hangano mpoweweu iramo anu mosa'o a pongkita-Ku ka mokotesingkao tekuda Aku, mompu'u dompeluarako uempu'udo hawe oleo andio.”

2 Tawarika 6:37

Sine tewala dowali mento'orio halado i wita po'iangado mentinawa, ka dontepidi, saru mpo'ema pompehohawa ndi Omiu i wita po'iangado mentinawa, ka dompotae: Ntehala kamimo, mensala ka mpoweweu mosa'o,

Nehemia 1:10

Kombake luwudo andio tetenaa-Miu ka bawaa-Miu anu Ipotolaako iramo roso-Miu anu langkai ka kae-Miu anu moroso?

Nehemia 1:6

po'ineeono biri-Miu moronge, mata-Miu mongkita ka Irongeomo pekakai anu winuatakono tetenaa-Miu i aro-Miu meene ka wongi tiado to Isaraeli, luwuno tetenaa-Miu atuu, saru mangakuakono luwuno hala anu kimeweweuomo omami to Isaraeli ndi Omiu. Ongkue ka pe'etuku mpoweweu kamimo mbo'u hala.

Nehemia 9:10

Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Po'unde-unde 106:8

Sine, Dokadudui ira a nee-Do, Ira mopoto'orio roso-Do.

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:16

Mongkona anu kanatuu asalakono gagi petondoni a ngkaemu ka ipetako a ra'imiu, hangano kae-Do i Ue anu moroso wawa kita mpeluarako inso i wita Masiri.”

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 13:9

Ndi omiu pesomba andio, kai gagi petondoni a ngkaemiu ka ipetako a ra'imiu ka songka-Do i Ue kongko a wiwimu, hangano kae-Do i Ueanu moroso wawakomiu mpeluarako inso i wita Masiri.

Peluarakoa 14:18

Gagi iramo mento'orio to Masiri, nine Ongkuemo Ue, i tempono Kupopokitao maramba-Ku ndi Pirao, karetano ka mia anu mpengara.”

Peluarakoa 32:11

Sine i Musa mo'arahako mokomolusao aroa-Do i Ue, Ue Alano, ipotae, ”Tembio Ue tekuda-Miu kai tensila a bawaa-Miu, anu Iwawa iramo mpeluarako inso i wita Masiri a langkaino pabawa-Miu ka kae-Miu anu moroso?

Peluarakoa 6:1

Umarino atuu mepau Ira Ue Ala ndi Musa, ”Ongkuemo Ue.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Yesaya 55:13

Gagi euno ewo rui ta tuwu keu sanobari, ka gagi euno kecubu ta tuwu keu muradi. Mongkona atuu ta gagi telele-Do i Ue, gagi petondoni nahi bali anu nahi ta tampula.

Yesaya 64:4

Mompu'u i ndi'ipua se'eluno nahi hori teronge, nahina biri anu moronge, ka nahina mata anu hori mongkita maupo Ue Ala isua, sangkadio Omiu, anu moweweu tiado mia anu sumikori Ira. Butu Omiu anu moweweu kanatuu.

Yeremia 14:20

Oo Ue, omami mpokonto'orio gaumami anu mosa'o ka salado uempu'umami; mentee ntu'u, mentehala kamimo ndi Omiu.

Yeremia 32:10

Ongkue moburi wunta pe'olia ka tumondonio umarino mempinoboi sakosii saru salaka atuu tinimbaako pontimba.

Ponsabangi 3:42

Tehala kamimo ka me'ewa, nahi oniniakami halamami.

Yehesikieli 5:6

Onae umewaomo a luwuno atora-Ku mosa'oopo wineweuno sekonopo luwuno tongku ka a luwuno pompakosi-Ku mosa'oopo wineweuno sekonopo luwuno wita pehori-horino. Menteeano, nahi domentarimao luwuno atora-Ku ka peleludo nahi penunu saru luwuno pompakosi-Ku.

Danieli 9:5

Mpoweweu kamimo hala ka sala, mpoweweu kamimo gau mosa'o ka me'ewa, mepansia kamimo inso a parenta-Miu ka atora-Miu.

I LUKASI 15:21

Motae ana atuu ndi onae: Ama, tehala akumo i suruga ka ndi omiu, nami pototoku mbo'u pinotaeako anamiu.

I LUKASI 18:13

Sine puu popumpu sima'ulu atuu mentade ola-olai, maupo mentombu i langi nahi sapa, tendeano itopao koroino ka ipotae: Oo Ue Ala, Ipehohawa aku mia tehala andio.

2 KORINTI 1:10

Inso a matea anu tedoa mongkokongiri Dokadudui kamimo ka Ira kumadudui kami: ndi Ondae kipomperorohi, nine Ira kumadudui kami mbo'u,

Winali 5:15

Asalakono impewowoloo nine omiu i ndi'ipua ata koa mbo'u i wita Masiri ka Dowawa komiu i Ue, Ue Alamiu mpeluarako inso i ra'ai saru kae moroso ka tokia tetande. Onaemo pu'uno, Ondae iUe, Ue Alamiu parenta komiu mpelangkaio oleo Saba.