Danieli 9:13 - Wunta Mempori

¹³ Kana anu teburi a wunta Taurano i Musa, luwuno masolaa andio umalu kami, sine nahi kimpo'ema pompehohawa-Do i Ue, Ue Alamami, saru mpepokule inso a nsalamami ka mpenootio mentee-Miu.

Danieli 9:13 Iomraidhean Croise

2 Mokole 22:16

Kanandiomo pau-Do i Ue, Menteeano Aku mompotii masolaa a mpo'ianga andio ka a mpalilino, menunu saru luwuno pauno wunta anu umari basaomo mokole i Yehuda,

Ayubi 36:13

Mia anu aroano mosa'o monaa tekudaa; nahi dompebooli mpepetulungi, tempono Dopongu ira.

Po'unde-unde 119:18

I'ungkahiomo mata-Miu ka kukitao luwuno anu kinohali-haliako inso a Songka-Miu.

Po'unde-unde 119:27

Iweweu akumo mokonto'orio pontisono luwuno parenta-Miu, ka kupenootio luwuno wineweu-Miu anu kinohali-haliako.

Po'unde-unde 119:73

Kae-Miumo mokogagi ka weweu aku, Ipowee akumo pompokonto'ori ka kupolio mepaguruakono luwuno parenta-Miu.

Po'unde-unde 85:4

Ipokontenonoomo luwuno mosa'ono aroa-Miu, mokotemontoomo tekuda-Miu anu tensila.

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 42:9

Mongkona anu pinau i ndi'ipua kanandio-andio gagiomo mengkaa, mongkona anu wo'ohu Aku pauo. Se'eluno ipe'umbaako mongkona atuu, Aku mopoto'oriakomu.”

Yesaya 43:22

”Nahi upebooli ndi Ongkue, hei Yako, mentee ntu'u nahina mokendomu ndi Ongkue, hei Isaraeli.

Yesaya 64:6

Kanatuumo luwumami kana asa mia mokoburu ka luwuno pesombamami ntu'u kana sawu hawe wula. Luwumami gagi moleu kana lewe ka tampula hangano mosa'ono wineweumami kana lewe ipaneeo angi.

Yesaya 64:7

Nahina anu moboio nee-Miu ke anu me'usaha metako ndi Omiu; hangano Omiu wunio rupa-Miu ndi omami, ka meweengako kami alaro pokungkuno salamami.

Yesaya 9:13

Onaemo ka Dotebasio i Ue inso i Isaraeli ulu ka iki, watano ka sampano merongaako a oleo anu mengkena.

Yeremia 2:30

Nahina pengkonaano Kutunduhi ira anamu, pontunduhi nahi domperioo; ponaimu isa'a pingko ira nabimu kana singa mongura anu mongkaa rinakono.

Yeremia 30:14

Luwuno kinekewoimu mengkolupeko, nahi dompesikenoakomu mbo'u. Mentee ntu'u, Kutunduhiakomumo pontunduhi iwali, saru pohuku anu nahina pompehohawa, hangano salamu hadio, halamu anu langkai.

Yeremia 31:18

Kurongeomo mentee ntu'u i Eparai mengese, ’Itunduhi akumo, ka kutarimao petunduhi, kana ana nsapi anu nahi pinaguru. Iwawa akumo mekule ka ineheku mepokule, hangano Omiumo Ue, Ue Alaku.

Yeremia 44:23

Omiu mpontunu komiumo pesomba ka ntehala ndi Ondae i Ue, nahi imperorongeakono pau-Do i Ue ka nahi mentondao songka-Do, pompoakosi-Do ka atora-Do. Onaemo pu'uno ka i'alu komiu masolaa andio, kana tempo kanandio-andio.

Yeremia 44:27

Menteeano Ongkue mepatinda mompotii masolaa ndi ondae ka komba moikoado. Sompo to Yehuda anu kongko i wita Masiri ta piningkoako ponai ka mokoninggoa hawe ka domeropu.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Ponsabangi 5:21

Iwawa kamimo ndi Omiu, oo Ue, asalakono kami mpepokule, Ipokowo'ohuomo oleomami kana i ndi'ipua!

Yehesikieli 16:43

Hangano nahi upewowoloo mbo'u tempono umongura, sine saru luwuno andio weweu Aku tedoa tekuda, mentee ntu'u, Aku mopotembiakomu mbo'u pelelumu a ulumu, kanandiomo pau-Do Ue Ala. Kombake omue weweuo mbo'u mokoburua andio susua mbo'u inso a horino luwuno wineweumu anu mokoburu?

Danieli 9:11

Luwuno to Isaraeli domelimpaiomo songka-Miu ka mepansia hangano nahi domperorongeakono pau-Miu. Onaemo pu'uno ndi omami inuwuomo pontotonaa ka sumpa, anu teburi a wunta Taurano i Musa, tetenaa-Do Ue Ala, hangano mpoweweu kamimo hala ndi Ondae.

Hosea 7:10

Pompelangka-langkaino i Isaraeli gagi sakosii a ngkoroino, sine nahi dompepokule ndi Ondae i Ue, Ue Alado, ka nahi dome'ungke Ira maupo luwuno atuu.

Hosea 7:14

Nahi dompebooli ndi Ongkue inso i aroado, tendeano mperaaliki a mpepomboleado. Domensosorekio koroido hangano gandu ka anggoro, ka dome'ewai Aku.

Hosea 7:7

Luwudo kana mokulano awu pompotuwua api, ka kumaa ira puu mpobitarado. Luwuno mokoledo memate iramo; nahina maupo te'asa mia inso ndi ondae mebooli ndi Ongkue.

I LUKASI 24:45

Ka Do'amba umungkahio pinewowolodo, onaemo ka dompokonto'orio ihino Wunta Mempori.

I YOHANE 10:35

Tewala ondae, ndi sema ipinohawe pau tuu, nineeako pinesombai susua – sine Wunta Mempori asalakono inihii –,

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

I YOHANE 8:32

ka komiu mento'orio menteea, ka menteea atuu ta mokomaradeka komiu.”

EPESU 4:21

Hangano imerongeomo mongkona Ondae ka mentarimao pompaguru ndi Ondae montonda menteea anu mengkaa ndi Ondae i Yesu,

Winali 29:4

Sine, hawe kanandio-andio nahi Dopoweeakomiu i Ue pompewowolo molino kai mento'orio ke mata kai pongkita ke biri kai poronge.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.