Danieli 9:12 - Wunta Mempori

¹² Dopokorosoomo pau anu pinau-Do ndi omami ka mia anu parenta kamimo saru mowawaakami masolaa langkai anu napi hori gagi i totono asa wawo langi, kana i Yerusale.

Danieli 9:12 Iomraidhean Croise

1 Mokole 3:9

Onaemo Iweeakonomo tetenaa-Miu andio aroa anu bukeako ponto'ori ka igagi puu mpobitara a bawaa-Miu, ka polio monsiao anu moiko ka anu mosa'o. Hangano isemake anu polio gagi puu mpobitara a bawaa-Miu anu langkai andio?”

2 Mokole 22:16

Kanandiomo pau-Do i Ue, Menteeano Aku mompotii masolaa a mpo'ianga andio ka a mpalilino, menunu saru luwuno pauno wunta anu umari basaomo mokole i Yehuda,

Ayubi 12:17

Luwuno puu mpompatudu Dowawa ira kokaru-karu, ka luwuno puu mpobitara Doweweu ira tetadi pinewowolodo.

Po'unde-unde 148:11

hei luwuno mokole i tolino ka luwuno tongku, luwuno anu langkai potorono ka luwuno petewawa ntolino;

Po'unde-unde 2:10

Onaemo pu'uno, hei luwuno mokole, impoweweumo a laro pontimbanga anu mentee, tarimaomo pompaguru, hei luwuno puu mpobitara tolino!

Powadi 8:16

Hangano ongkue luwuno anu langkai potorono mempabawa, saru mbo'u luwuno inuledo mokole, luwuno puu mpobitara anu moleo.

Yesaya 43:28

Onaemo pu'uno, Aku weweu ira mokoburu petewawa mempori, ka meweengakono i Yako ka irinopu saru Isaraeli ka itinata.”

Yesaya 44:26

Ongkuemo anu mokorosoo pinauno tetenaa-Ku ka weweuo tinoo anu pinaleledo tinena-Ku; Ongkuemo anu mepau mongkona Yerusale: Moikoomo ipino'iangi! ka mongkona luwuno kotano Yehuda: Moikoomo iwinangu, Aku wali wanguo terawono!

Yeremia 30:7

Masolaomo, mongkokongiri ntu'u oleo atuu, nahina pengkenano! Onaemo tempo masusaano i Yako, sine inso ndi onae ta kinadudui.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yeremia 39:16

”Lakomo ndi Ebedi-Meleki, to Etiopia atuu ka pauakonomo: Kanandiomo pau-Do Ueno luwuakoano, Ue Alado to Isaraeli: Mentee ntu'u, Aku mokogagio pau-Ku i kota andio a masolaa ka komba moikoano. Luwuno atuu ta gagi i arono matamu i tempo atuu.

Yeremia 44:23

Omiu mpontunu komiumo pesomba ka ntehala ndi Ondae i Ue, nahi imperorongeakono pau-Do i Ue ka nahi mentondao songka-Do, pompoakosi-Do ka atora-Do. Onaemo pu'uno ka i'alu komiu masolaa andio, kana tempo kanandio-andio.

Ponsabangi 1:12

Nahinake pomperiomiu luwuno anu ntelalo? Imengkitaomo, hinaoke pompemasusa kana pompemasusa anu Doweeakune i Ue, weweu aku marasai tempono tekuda-Do tensila!

Ponsabangi 2:13

Hapa anu aku mokomengkaao ndi omue, saru hapa anu aku mokomengkenaakomu, hei ana beine Yerusale? Saru hapa aku mokompongkenaakomu ka utinarero, oo ana beine, ana beine Sioni? Hangano malua kana tahi terawo-rawomu; isema ta momuleko?

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Ponsabangi 4:6

Mosa'oano ana beine tongkuku lumaloio halano Sodomo, anu asa mpiniro rinongka-rongka nahina kae anu tumunduhio.

Yehesikieli 13:6

Pongkitado mompopo'oo ka pompaudo anu nahi manasa ta gagi pegaupi; dompotae, ’Kanandiomo pau-Do i Ue,’ kahinaano nahi Dotena ira i Ue, ka ondae mensikorio pau atuu Do'ihiio.

Yehesikieli 5:9

Hangano luwuno wineweumu anu mokoburu atuu, Aku weweuo ndi omue hapa anu napi Kuhori weweuo ka nahi Aku weweuo mbo'u.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Yoeli 2:2

oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

Amosi 3:2

”Butu omiu anu tino'ori-Ku inso a luwuno suku i wawontolino. Onaemo pu'uno Aku humuku komiu hangano luwuno salamiu.

Sakaria 1:6

Sine pau ka pompakosi-Ku anu Kuparentaako iramo luwuno tetenaa-Ku, luwuno nabi, kombake atuu i'alu iramo uempu'umiu? Komba ntepidi irake saru mpotae: kanamo tinoo-Do Ueno luwuakoano Ira weweuo ndi ontae menunu saru pelelu ka wineweuto, kanandiomo Dopoweweu ndi ontae?”

Sakaria 1:8

”Hieno wongi mohawe aku aasa pongkita: tengkitaomo asa mia anu mesawi a ngara motaha! Onae mentade i olono keu muradi anu a laro wingke; ka i bungkuno hadio ngara anu motaha, anu motaha-taha ka anu mopute.

Sakaria 7:12

Domeweweuo aroado motea kana watu labu, kasi domporonge pompaguru ka pau anu pinohawe-Do Ueno luwuakoano molalo Penaa-Do telalo a luwuno nabi anu i ndi'ipua. Onaemo pu'uno haweomo tekuda anu mongkokongiri inso ndi Ondae i Ue.

I MATIU 24:21

Hangano i tempo atuu ta gagi pobobarasaia anu mongkokongiri kana anu napi hori gagi tampu'uno wawontolino hawe kanandio-andio ka anu nahi ta hori gagi mbo'u.

I MATIU 5:18

Hangano Kupauakomiu: Menteeano ba napi tampula langi ka tolino andio, maupo te'asa hurupu ke maupo te'asa titi nahi ta inonini inso a Songka, ba napi gagi luwu.

I MARAKUSU 13:19

Hangano i tempo atuu ta gagi pobobarasaia kana anu napi hori gagi tampu'uno wawontolino, anu pinokogagi-Do Ue Ala, hawe kanandio-andio ka anu nahi ta gagi mbo'u.

I LUKASI 21:22

hangano onaemo atuu tempo pombaloa nde ta inihii luwuno anu binuri.

ROMA 15:8

Tinooku onaemo, nine hangano mentee-Do Ue Ala Ondae i Kerisituu gagi Iramo puu pompekakaakodo mia mpetindi mokorosoo dandi anu Doweeako iramo uempu'uto,