Danieli 8:3 - Wunta Mempori

³ Kutandeo rupaku ka mengkita, tengkita asa bimba lakino mentade i arono korono atuu; tanduno orua. Orua tanduno atuu mantande, sine anu asa lalu mantande sekono anu susua, ka anu mantande atuu tuwu pokotompa.

Danieli 8:3 Iomraidhean Croise

1 Tawarika 21:16

Mansano i Daudi mengkikita, ikitao Mala'eka-Do i Ue kontongaano mentade i olono tolino ka langi, saru ponai tebuta a ngkaeno anu inio i wawono Yerusale. Ka i'amba i Daudi ka luwuno mia memota'u mpenggolontu saru mpesangka mpo'inombo.

Esera 1:2

”Kanandiomo songkado i Koresi, mokole i Peresia: Luwuno poparentaa i wawontolino, Dowee akumo i Ue, Ue Alano asa wawontolino pabawaio. Ondae tumena aku mowangu Raha Mpesombaa i Yerusale, i wita Yehuda.

Esera 4:5

Tendeano, i tempo poparentaano i Koresi, mokole i Peresia, hawe i tempo poparentaano i Dariusu, mokole i Perisia, dompopandei ira puu mpompatudu umewai ira to Yehuda, ka sumosanggolio tinoodo.

Esetere 1:3

a nta'u anu ko otolu poparentaano, ondae mokole moweweu pelimbua luwudo anu langkai potorodo ka pegawaino. Sorodadu Peresia ka Media, ulea mokole ka anu langkai potorodo, mehawe i arodo mokole.

Yesaya 13:17

Kitao, ndi ondae Aku tumena ira to Madai, mia anu nahi domperioo salaka ka nahi inehedo wulaa.

Yesaya 21:2

Aasa pongkita anu mongkokongiri pinaleleomo ndi ongkue, ”Puu porontu morontu, puu ponsolangi monsolangi! Lakomo, hei Elami, kaduomo, hei Madai! Luwuno pompemasusaa hangano onae Aku mokompenaa-naao.”

Yesaya 44:28

Ongkuemo anu mepau mongkona Koresi: Onae puu pompakambi-Ku. Luwuno po'ehe-Ku ta umihiio saru pauo mongkona Yerusale: Moikoomo iwinangu! Ka mongkona Raha Mempori: Moikoomo ipinundasi!”

Yeremia 51:11

Pokomontasoomo ana mpana, patinda iramo kanta! Doleluomo i Ue rosodo luwuno mokoledo to Midia, hangano tinoo-Do a nto Babeli onaemo ira rumopuo: onaemo pombalo-Do i Ue, pombalo hangano raha mempori-Do!

Danieli 10:5

kutandeo pengkitaku ka mengkita, tengkitaomo asa mia mesangka sawu lena ka meboo ntongaako wulaa inso i Upasi.

Danieli 2:39

Sine, umarino omiu ueku ta me'umbaako poparentaa susua anu komba langkaiopo sekono poparentaamiu ueku. Ka i'amba poparentaa ko'otolu, anu inso a mala, ta pabawaio asa wawontolino.

Danieli 6:28

Ondae mompotola ka montulungi, moweweu petondoni ka anu kinohali-haliako i langi ka i tolino. Ondaemo anu motolao i Danieli inso a mpekapodo singa.”

Danieli 7:5

Tengkita hinao kondehora susua, anu ko'orua, rupano kana berua. Onae mentade a asa apano, ka otolu wuku hori da kongko a laro ngangano a olo ngisino. Kanandiomo ipinotaeako: Hio, pongkaamo bau tehadio ntu'u.

Danieli 8:2

Kukitao a laro pongkita atuu, ka tekonai aku mengkita, ongkue kongko a Bente Susani i wita Elami. Kukitao mbo'u a laro pongkita atuu ongkue kongko a wiwi ngkoro Ulai.

Danieli 8:20

Bimba lakino metandu orua anu kinitamu atuu onaemo luwuno mokoledo to Midia ka Peresia.

Sakaria 1:18

Mengkita aku ngkoraane ka kukitaomo opaa tandu.

Sakaria 2:1

Mengkita aku ngkoraane ka kukitao asa mia anu mo'ini koloro posongka.

Sakaria 5:1

Mengkita aku mbo'u ngkoraane ka kukitaomo asa paluluno wunta anu menee.

Sakaria 5:5

Aiwaomo mala'eka anu mepau saru ongkue atuu, ipotae ndi ongkue, ”Pengkitamo ngkoraane ka kitaomo hapa anu me'umbaako atuu!”

Sakaria 5:9

Ka ku'amba mengkita ngkoraane ka kukitao orua mia beine meluarako melolaromeene meneeako panino. Ka ondae andio, panido kana panino manu-manu timba'u. Dowawao kusi atuu i olono tolino ka langi.

Sakaria 6:1

Mengkita aku mbo'u ngkoraane, ka kukitao opaa kareta petea meluarako inso i olono orua torukuno. Ka torukuno atuudo luwuno torukuno mala.

Podoaa 24:2

Mansano i Bilea mengkita ngkoraane ka ikita ira to Isaraeli mpekema montonda sukudo, Penaa-Do Ue Ala mewinso ndi onae.

Yosua 5:13

Mansano kumitao i Yosua inia Yeriko inso ia umpedaano, ikitao asa tama mentade i arono saru ponai a ngkaeno. I umpedaakono i Yosua ka ipesikeno, ”Omue atuu waliku ke iwaliku?”

MENGKAAA 13:11

Ka kukitao aasa kondehora susua inso a laro wita ka metandu orua mengkena kana ana bimba ka onae mepau kana aasa naga.

MENGKAAA 5:6

Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.