Danieli 8:24 - Wunta Mempori

²⁴ Rosono ta tedoa langkai, sine nahi pengkena rosono anu se'elu, ka onae ta mowawa matea anu mongkokongiri, ka hapa anu wineweuno ta mehasili. Mia mempabawa ta mepate ira, saru mbo'u bawaado mia mempori.

Danieli 8:24 Iomraidhean Croise

Po'unde-unde 37:35

Hori aku mongkita asa mia mosa'o gauno anu lambaha, anu tuwu te'ili kana keu arasi Libano;

Danieli 11:23

Mompu'u iwineweu tepo'asaa saru onae, onae ta moweweu molengku. Onae ta lumako ka pabawa, maupo miano tedei.

Danieli 12:7

Mia anu mesangka sawu lena ka kongko a wawo uwoi korono atuu tumandeo kae ngkoanano ka kae manggalino kontahane i langi, ka kurongeo mia atuu mesumpa me'empehiako Ondae anu tuwu nahina tampulaano, ”Asa tempo ka orua tempo ka entonga tempo. Mansano tampulaomo pabawano ponsolangi tongku anu mempori atuu, mongkona luwuno andio ta inihii!”

Danieli 7:25

Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

Danieli 8:10

Onae gagi langkai hawe a anano wula i langi. Inso a nsorodadu ilangi atuu, onaemo anano wula atuu, idontaio ba'opia i tolino, ka ilolandao.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.

Danieli 8:12

Pesombaa anu mentee wineweu montonda gau mosa'o umeuo pesomba sompo oleo, menteea ipepasiakono i tolino, ka maupo hapa wineweuno luwuno mehasili.

Danieli 8:23

A mpoko'ariano poparentaado, tewala gau mosa'o tedoaomo lansara, ta me'umbaako asa mokole rupano masii ka pande mompopo'oo.

MENGKAAA 16:6

Hangano dome'uwuomo reado mia mempori ka luwuno nabi, Omiu mbo'u moweeako iramo rea ka dome'inuo; mongkona atuu tekona ndi ondae!”

MENGKAAA 17:17

Hangano Dopokomewineomo Ue Ala aroado ka domeweweuo po'ehe-Do saru ntepo'asa aroa ka dompeweengakono poparentaado a ngkondehora atuu, ranta luwuno pau-Do Ue Ala inihiiomo.

MENGKAAA 17:6

Ka kukitao beine atuu molanguako reado mia mempori ka reado sakosii-Do i Yesu. Ka tempono kukitao, tedoa aku kohali-hali.

MENGKAAA 19:2

hangano mentee ka moleo luwuno pobitaraa-Do, hangano Ondaemo anu bitarao mia belesu ntu'u atuu, anu sumolangio tolino hangano poweweuno mokoburu; ka Ondaemo anu mombaloakono reado tetenaa-Do a mia belesu atuu.”