Danieli 8:2 - Wunta Mempori

² Kukitao a laro pongkita atuu, ka tekonai aku mengkita, ongkue kongko a Bente Susani i wita Elami. Kukitao mbo'u a laro pongkita atuu ongkue kongko a wiwi ngkoro Ulai.

Danieli 8:2 Iomraidhean Croise

Tegagia 10:22

Inuleno i Semu onaemo i Elami, i Asuri, i Aripakasadi, i Ludi ka i Arami.

Tegagia 14:1

I tempo atuu mokole Amarapeli inso i Sineari, mokole Arioki inso i Elasari, mokole Kedorilaomeri inso i Elami, ka mokole Tideali inso i Goimi,

Nehemia 1:1

Teweweuno i Nehemia anano i Hakalia. Ia wula Kisilewi ta'u korua pulu, tempono kukongko i bente Susani,

Esetere 1:2

Tempo atuu i mokole Ahasiwero mentoro a ngkadera poparentaano i larono bente Susani,

Esetere 2:8

Mansano tepalele parenta ka atorado mokole, ka hadioomo ana beine pinumpu i larono bente Susani i dagai ira i Hegai, onaemo ka iwinawa mbo'u i Esetere mewinso a laro langkanaedo mokole anu dinagaino i Hegai, puu mpodagai beine.

Esetere 3:15

Onaemo ka dompodadu mpelungka luwuno mia tinena anu magasi atuu, a petenado mokole, ka atora atuu linuarako i larono bente Susani. Kontongaano atuu ondae mokole saru i Hamani mentoro ira mo'inu, sine kota Susani ntewuka iramo.

Esetere 7:6

Ka i'amba sumangki i Esetere, ”I Hamani mia anu mosa'o andio onaemo anu ta mobobarasai ka iwalito!” Onaemo kai tedoa doito i Hamani i arodo mokole ka mokole beine.

Esetere 8:15

Ka i Modekai meluarako inso i arodo mokole mompokona sangka poparentaa inso a nsawu wungo ntu'u ka sawu lena saru mompokona ramba-ramba ulu inso a wulaa anu tekosi ntu'u saru lemba meloe inso a nsawu lena alusu ka sawu wungo-wungo. Onaemo ka dompeboo-booli ka mpo'unde i kota Susani.

Esetere 9:11

Hopulu ira ana ntamano i Hamani anano i Hamedata, iwalido to Yahudi, dompepate ira, sine luwuno anu rinontu nahi domedanggio.

Esetere 9:15

Gagi mpepumpu iramo to Yahudi anu i Susani a oleo anu kohopulu ka opaa wula Adari koa mbo'u ka dompepate iramo i Susani tolu etu mia, sine luwuno anu rinontu nahi dompodanggi.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 21:2

Aasa pongkita anu mongkokongiri pinaleleomo ndi ongkue, ”Puu porontu morontu, puu ponsolangi monsolangi! Lakomo, hei Elami, kaduomo, hei Madai! Luwuno pompemasusaa hangano onae Aku mokompenaa-naao.”

Yeremia 25:25

a luwuno mokole i Simiri, luwuno mokole i Elami, ka luwuno mokole i Madai;

Yehesikieli 1:1

A nta'u kotolu pulu, a wula ko'opaa tanggala olima wula atuu, tempono kuperongaako ira mia mentinadi kongko i wiwi Ngkoro Kebari, te'ungkahiomo langi ka kukita ira pongkita mongkona Ondae Ue Ala.

Yehesikieli 32:24

I tu'aimo Elami saru mia hadio anu tumondao lumimbuo kaburuno. Luwuno mia anu mate pinepate, tebangkuako ponai. Ondae atuu mia nahi dompetindi anu mpetii i tolino anu lalu i totono ka anu mpowawa doitoa i tolinodo mia mentuwu. Ondae mentembio mokoburua meronga luwuno mia anu mpetii a laro ngkaburu.

Danieli 10:4

A oleo koruapulu ka opaa wula amba-ambano, tempono ongkue kongko a wiwi ngkorono langkai, koro Tigirisi,

Danieli 7:15

Ongkue, i Danieli, te'urense aroaku hangano mongkona atuu, ka luwuno pongkita anu kinitaku atuu mokodanggara aku.

Danieli 7:2

Motae i Danieli, ”Ia wongi ongkue mohawe pongkita, tengkita opaa angi inso i langi wemboo tahi langkai,

Danieli 8:1

A nta'u ko'otolu poparentaano mokole Belesiasari, tengkitaomo ndi ongkue, i Danieli, asa pongkita umarino anu tengkita ndi ongkue se'eluno atuu.

Danieli 8:3

Kutandeo rupaku ka mengkita, tengkita asa bimba lakino mentade i arono korono atuu; tanduno orua. Orua tanduno atuu mantande, sine anu asa lalu mantande sekono anu susua, ka anu mantande atuu tuwu pokotompa.

Podoaa 12:6

Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.

IBARANI 1:1

Mansano a tempo i ndi'upua Ondae Ue Ala mararu ka a mperupa-rupa pesalaa-Do mepau a uempu'uto telalo a luwuno nabi,

MENGKAAA 9:17

Ka kanandiomo kukitao a laro pongkita andio luwuno ngara ka mia anu mpesawiki ira; mpelemba labu ira, motaha kana api ka molowulu ka mongkuni walira sorano; Uludo ngara atuudo mengkena kana uluno singa, ka inso a ngangado mpeluarako api, ka ahu ka walira.