Danieli 7:9 - Wunta Mempori

⁹ Kontongaaku mpiha mengkita, kadera poparentaa meninaa, ka i'amba mentoroomo Anu Tende Ntinuwu. Sangka-Do mopute kana seru baku ka wuu-Do morina kana wulu bimba. Kadera poparentaa-Do inso a langano api saru luwuno rodano inso a api anu kontongaano tensila.

Danieli 7:9 Iomraidhean Croise

1 Mokole 22:19

Motae i Mika, ”Onaemo pu'uno, irongeomo pau-Do i Ue. Kukita Iramo i Ue mentoro a wawo kadera poparentaa-Do ka luwuno sorodadu suruga mpentade umpeda ndi Ondae, i koana ka i manggali-Do.

2 Tawarika 18:18

Motae i Mika, ”Onaemo pu'uno rongeomo pau-Do i Ue. Kukita Iramo i Ue kontongaa-Do mentoro a wawo ngkadera poparentaa-Do ka luwuno sorodadu suruga mpentade i koana-Do ka i manggali-Do.

Po'unde-unde 45:8

Omue kumekewoio moleoa ka umo'aliaakono pinogau mosa'o; onaemo pu'uno Ondae Ue Ala, Ue Alamu, umariomo Do'urapiakomu lana po'unde lumaloi ira wali-wali pe'asa mpo'anggamu.

Po'unde-unde 90:2

Se'eluno luwuno torukuno pine'anaako, tolino ka wawontolino pine'anaako, inso i ndi'ipua hawe nahina tampulaano Omiumo Ue Ala.

Po'unde-unde 93:2

kadera poparentaa-Miu mentade mompu'u i ndi'ipua, inso nahina tampulaano kongko-Komiu.

Yesaya 6:1

A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Yeremia 49:38

Aku numaao poparentaa-Ku i Elami, ka Aku mokotampulao inso i ra'ai mokole ka luwuno mia pinemota'u, kanandiomo pau-Do i Ue.

Yehesikieli 1:26

Iwawono longkuno langi anu iwawono uludo, hinao asa anu kana tadeno kadera poparentaa, tengkita kana paramata lasuaradi. I wawono anu kana tadeno kadera poparentaa atuu hinao asa anu tengkita kana rupano mia.

Danieli 7:13

Kukitao mpiha a laro pongkita wongi atuu, tengkita aiwa saru seru inso i langi asa mia kana anano mia. Onae aiwa ndi Anu Tende Ntinuwuno atuu, ka winawa i aro-Do.

Danieli 7:22

ranta ka Dohawe Anu Tende Ntinuwu atuu ka moleoa wineeako a luwuno mia mempori-Do Anu Tedoa Mantande ka hawe tempono mia mempori atuudo me'inio poparentaa.

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

Habaku 1:12

Kombake mompu'u i ndi'ipua Omiu Ue, Ue Alaku anu tedoa mempori? Nahi kami memate. Oo Ue, ondae Ipakosi iramo ka dompohuku. Oo Torukuno Watu Ipakosi iramo ka domposepi.

I MATIU 17:2

Ka Do'amba i Yesu mebali rupa i arono matado; rupa-Do mewanta kana mata oleo ka sangka-Do gagi mopute mewanta kana mewine.

I MATIU 28:3

Rupano kana koliki ka sangkano mopute kana seru baku.

I MARAKUSU 9:3

ka sangka-Do mangkilo mopute ntu'u. Nahina maupo te'asa mia i wawontolino andio anu polio mokalanta sangka kanatuu.

WINEWEUDO TINENA 2:30

Sine ondae aasa nabi ka doto'orio, nine Ondae Ue Ala medandi Iramo ndi ondae saru mesumpa, nine Ira montoroo asa mia inso a inuledo isa'a i Daudi a ngkadera poparentaado.

WINEWEUDO TINENA 2:33

Ka umari-Do tinandeako kae ngkoana-Do Ue Ala ka montarima Penaa Mempori anu dinandi atuu, ka Dopotiio hapa anu kinitamiu ka rinongemiu i ndi'ai.

PILIPI 3:9

ka kongko ndi Ondae komba menteeku ongkueku hangano montonda songka Taura, tendeano menteea hangano pompe'ala-ala ndi Ondae i Kerisituu, onaemo menteea anu Doweeakune Ue Ala montonda pompe'ala-ala.

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

1 YOHANE 1:5

Ka ndiomo lele, anu kimerongeomo inso ndi Ondae, ka anu kimpohaweo ndi omiu: Ondae Ue Ala onaemo mewine ka i laro-Do nahina ntu'u wongi-wongia.

MENGKAAA 1:14

Ulu ka wuu-Do mopute kana wulu anu mopute ntu'u, ka mata-Do kana langano api.

MENGKAAA 19:18

ka imengkaano baudo luwuno mokole ka baudo luwuno tadulako ka baudo luwuno pongkiari ka baudo luwuno ngara ka baudo luwuno anu mpesawikio ka baudo luwuno mia, moiko anu maradeka ke maupo ata, moiko anu kodei maupo anu langkai.”

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 4:2

Rongaomo Dopabawai aku Penaa ka kukitaomo, hiano aasa kadera poparentaa i suruga, ka a ngkadera poparentaa atuu mentoro Asa Mia.