Danieli 7:8 - Wunta Mempori

⁸ Kontongaaku mekokoongako ira tandu atuu, tengkita tuwu i olono asa tandu susua anu kodei ranta otolu inso a ntandu se'eluno atuu tebuta. A ntandu atuu tengkita hinao mata kana matano mia ka nganga anu mompelangka-langkai.

Danieli 7:8 Iomraidhean Croise

Po'unde-unde 12:3

Luwuno mia pompau pegaupi, asa mia a anu susua, ondae mpepauako wiwi anu mo'ahi ka aroa anu mesampa.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 7:19

Ineheku tumo'orio pengkonaano kondehora opaa anu teposisingge inso a luwuno kondehora susua, anu tedoa mongkokodoito mengisi labu ka kuku malano, anu mongkaa ka mongkoru-koru saru mololandaako karuno hapa anu torea;

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

2 TIMOTIU 3:2

Mia ta kumekewoio koroino onaeno ka gagi atano doi. Ira mengkopau-pau anu nahi mentee ka mpompelangka-langkai, ira megagi puu pomposebe, ira me'ewa a mia mota'u ka nahi domponto'ori mpontarimakasi, nahi domperioo agama,

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.

YUDASI 1:16

Ondae atuudo mia anu mpewuruki ka mpe'asengi mongkona teweweudo, mentuwu montonda po'eheno aroado, sine wiwido meluarako ira pau anu nahi pewinso akala ka me'unde-unde ira mia ka dompohawe me'uraa.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 9:7

Ka rupado kosume atuu mengkena kana ngara anu pinatinda tiano peteaa, ka a wawo uludo hinao aasa anu kana ramba-ramba ulu wula, ka rupado mengkena kana rupano mia,

1 Samueli 2:3

Siimo mbo'u imengkolaba-laba mpau, pau anu nahina pengkonaano, siimo ipeluarako inso ia wiwimu, nde Ondae i Ue atuu Ue Ala anu tumo'orio luwuakoano, ka luwuno wineweudo mia Ondae putusio.