Danieli 7:7 - Wunta Mempori

⁷ Ka i'amba kukitao a laro pongkita wongi atuu, tengkita kondehora ko'opaa, anu mongkokodoito ka mongkokongiri, ka tedoa moroso. Ngisino langkai inso a labu; onae mongkaa ka mongkoru-koru, saru lumolandaakono karuno hapa anu torea. Onae teposisingge saru luwuno kondehora se'eluno ka onae metandu hopulu.

Danieli 7:7 Iomraidhean Croise

2 Samueli 22:43

Kugili ira motutu ntu'u kana awu wita, ku'isa ira ka kulolanda ira kana rege a nsala.

Ayubi 41:14

Pelupino bauno modato metako moroso ndi onae, nahi telelu.

Yehesikieli 40:2

a laro luwuno pongkita-Do i Ue i wita Isaraeli ka Donaa aku a wawo asa torukuno anu ondau ntu'u. I wawono atuu, i selatano, hinao asa anu kana kota.

Danieli 2:19

Ka i'amba rahasia atuu pinopoto'oriako i Danieli a laro asa pongkita wongi. I Danieli mbo'u umunde-unde Ira Ue Alano asa wawo langi.

Danieli 7:13

Kukitao mpiha a laro pongkita wongi atuu, tengkita aiwa saru seru inso i langi asa mia kana anano mia. Onae aiwa ndi Anu Tende Ntinuwuno atuu, ka winawa i aro-Do.

Danieli 7:2

Motae i Danieli, ”Ia wongi ongkue mohawe pongkita, tengkita opaa angi inso i langi wemboo tahi langkai,

Danieli 8:10

Onae gagi langkai hawe a anano wula i langi. Inso a nsorodadu ilangi atuu, onaemo anano wula atuu, idontaio ba'opia i tolino, ka ilolandao.

Danieli 8:22

Tandu atuu tepudu ka i'amba ineuako opaa tandu, pengkonaano opaa poparentaa ta me'umbaako inso a tongku atuu, sine nahi pengkena morosono anu se'elu.

Sakaria 2:1

Mengkita aku ngkoraane ka kukitao asa mia anu mo'ini koloro posongka.

MENGKAAA 12:3

Ka tengkitaomo aasa petondoni anu susua i langi; ka kitaomo, aasa naga motaha ntu'u anu langkai, me'ulu opitu ka metandu hopulu, ka a wawo uluno hinao opitu ramba-ramba ulu.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 17:12

Ka hopulu tandu anu ukitaomo atuu onaemo hopulu mokole, anu napi dompompu'u mpomparenta, sine asa langku tehineno ira mpontarima pabawa kana mokole, mperonga saru kondehora atuu.

MENGKAAA 17:7

Ka i'amba motae mala'eka atuu ndi ongkue, ”Tembio ka ukohali-hali? Aku pauakomu rahasiano beine atuu ka rahasiano kondehora anu pesawiano, kondehora anu me'ulu opitu ka metandu hopulu atuu.

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.