Danieli 7:4 - Wunta Mempori

⁴ Anu amba-ambano rupano kana asa singa ka mepaniako panino manu-manu rajawali. Kukitao mpiha ranta ka itebuta panino ka onae tetande inso a wita. Onae pinontade a orua karuno kana mia, ka ndi onae pinoweeako aroano mia.

Danieli 7:4 Iomraidhean Croise

2 Samueli 1:23

I Saulu ka i Yonata anu pinehohawa, ka pinesanaa, a ntumuwu ka matedo nahi teponsia. Magasi irapo sekono rajawali, moroso irapo sekono singa.

Ayubi 25:6

Tamoako mbo'u mia, anu butu koa wingo, anano mia, anu butu koa ule-ule!”

Po'unde-unde 9:20

Ipentademo, Ue, ka si po'inee ira mia mponangi; po'ineeomo luwuno tongku mebinitara i aro-Miu!

Yeremia 25:38

Kana singa Ondae bintao tonga ewo-Do, hangano witado gagiomo boni-boni, hangano ponai anu mompokonsii, hangano tekuda-Do anu tensila atuu.”

Yeremia 4:13

Kitao, onae mewuatako kana seru, luwuno karetano kana angi mokora, ngarano magasiopo sekono rajawali. Memasola kitamo, hangano mempinepate kita!

Yeremia 4:7

Singa me'umbaakoomo inso a ntonga ewo, anu ta rumopu ira tongku melungkaomo, meluarako inso a mpo'iangano ta weweuo witamu boni-boni; luwuno kotamu gagi howuno anu terawo nahina palilino.

Yeremia 48:40

Hangano kanandiomo pau-Do i Ue: Menteeano, onae menee mompalari kana manu-manu rajawali ka wileo panino i wawono Moabi.

Yeremia 49:19

Menteeano, kana singa meluarako inso a ntobu mongurano Koro Yarade me'aiwa a mpada pompakambia, kanatuumo Aku weweu ira mpepobingko mpolai inso i wita atuu ka onae dompotoroo anu bininiki-Ku. Isemake puu mpopakambi anu polio umaropi Aku?

Ponsabangi 4:19

Anu melulu kami memagasi irapo sekono manu-manu rajawali i laromeene domelulu kami a wawo ntorukuno, mentowoki kami i pada one.

Yehesikieli 17:3

Potaemo, Kanandiomo pau-Do Ue Ala: Asa manu-manu rajawali langkai anu mepani langkai ka ondau, buke wuluno mpesora-sora aiwa a ntorukuno Libano. Ka onae mo'ala sampano keu arasi,

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Yehesikieli 28:9

Nde da komotaeke, ’Ongkue andio Ue Ala!’ i arodo anu mpepateko? Kahinaano a ngkaeno anu tumoboko omue onaemo mia, komba Ondae Ue Ala.

Danieli 2:38

A ngkaemiu ueku Dopeweengakonomo luwuno anano mia isuamo koa dompo'ia, luwuno kondehora a mpada ka manu-manu i laro meene, ka omiu ueku Doweweu komiu gagi pabawaio luwuno atuu. Omiumo ueku uluno tinaha inso a wulaa atuu.

Danieli 4:36

I tempono pinewowolo molinoku mepokule ndi ongkue, mepokule mbo'u ndi ongkue potoro ka marambaku tiano teleleno poparentaaku. Luwuno anu mokowali ira mokole a poparentaa ka anu langkai potorodo me'ungke aku; ongkue pinokule a poparentaaku, tendeano marambaa anu lalu langkai sekono i ndi'ipua wineeako ndi ongkue.

Danieli 7:12

Ka pabawado mbo'u kondehora anu susua binuta, ka tehineno domentuwu pinakosi hawe a tempo anu tetantui.

Danieli 7:5

Tengkita hinao kondehora susua, anu ko'orua, rupano kana berua. Onae mentade a asa apano, ka otolu wuku hori da kongko a laro ngangano a olo ngisino. Kanandiomo ipinotaeako: Hio, pongkaamo bau tehadio ntu'u.

I MATIU 24:28

Ba isua hinao anu mate, i tu'ai dompenggowo manu-manu singko.”

Winali 28:49

Ondae i Ue Ira montenaakomiu asa tongku inso i olaiano, inso i tompano tolino. Tongku atuu kana rajawali anu montiu ka pauno nahi imento'orio.

MENGKAAA 13:2

Kondehora anu kinitaku atuu mengkena kana nggapu langkai meboti-boti, ka karuno kana karuno berua ka ngangano kana ngangano singa. Ka naga atuu moweeakono rosono, ka kadera poparentaano ka pabawano anu langkai.