Danieli 7:25 - Wunta Mempori

²⁵ Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

Danieli 7:25 Iomraidhean Croise

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Danieli 11:28

Mokole i wita Utara atuu ta mekule i witano saru arataa anu hadio. Sine aroano montoo ta umewaio Pedandia Mempori, ka tinoo atuu iweweuo ka i'amba mekule i witano.

Danieli 12:7

Mia anu mesangka sawu lena ka kongko a wawo uwoi korono atuu tumandeo kae ngkoanano ka kae manggalino kontahane i langi, ka kurongeo mia atuu mesumpa me'empehiako Ondae anu tuwu nahina tampulaano, ”Asa tempo ka orua tempo ka entonga tempo. Mansano tampulaomo pabawano ponsolangi tongku anu mempori atuu, mongkona luwuno andio ta inihii!”

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 3:26

Ka i'amba i Nebukanesa rumangkuhio pewowano pompotuwua api anu kolanga-langa atuu ka ipotae, ”Sadaraki, Mesaki, ka Abenego, tetenaa-Do Ue Ala anu tedoa mantande, impeluarakomo ka ime'aiwamo ramai!” Mpeluarako iramo I Sadaraki, i Mesaki ka i Abenego inso a laro api atuu.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:2

Kupemoikoo paleleo luwuno petondoni ka anu kinohali-haliako wineweu-Do Ue Ala anu pabawa ndi ongkue.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 4:32

Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

Danieli 7:18

Umarino atuu luwuno mia mempori-Do Anu Tedoa Mantande ira mpotarima poparentaa, ka ira me'inio poparentaa atuu hawe nahina tampulaano, tendeano nahina balino ranta nahina tampulaano.

Danieli 7:20

ka mongkona hopulu tandu anu kongko a uluno, saru mbo'u mongkona tandu susua anu tuwu ranta ka itepudu otolu tandu. Tandu atuu hinao matano ka hinao ngangano anu mompelangka-langkai, saru rupano langkaiopo sekono luwuno tandu anu susua.

Danieli 7:8

Kontongaaku mekokoongako ira tandu atuu, tengkita tuwu i olono asa tandu susua anu kodei ranta otolu inso a ntandu se'eluno atuu tebuta. A ntandu atuu tengkita hinao mata kana matano mia ka nganga anu mompelangka-langkai.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.

Danieli 8:14

Isangkio, ”Hawe ka itelalo rua nsowu ka tolu etu ngkiniwia ka mo'oru, ka i'amba pinomule po'ianga mempori atuu.”

Danieli 8:9

Ka i'amba inso i olono asa tandu atuu me'umbaako tandu kodei anu gagi tedoa langkai te'aro i selata, te'aro i sabaano oleo, ka te'aro i Wita Tekosi.

Danieli 9:27

Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”

Hosea 7:16

Mpepokule ira sine komba ndi Ondae Anu i Wawono, ondae kana pana anu teposule pe'aroano; luwuno mia pinemota'udo ira memateako ponai, hangano elodo bukeako pontotonaa. Onaemo pasinggiri ndi ondae i wita Masiri te'ipua.

2 TESALONIKA 2:3

Maupo ba kana'umpe si mebehe dompopo'oo komiu mia! Hangano se'eluno Oleo atuu asalakono hawe se'elu pepoura ka asalakono pinokomengkaa se'elu mia mo'ewai songka, anu asalakono mate,

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

2 TESALONIKA 2:8

i tempomo atuu anu umewa a songka ka i'amba ta mepokomengkaa, sine Ondae Ue Yesu Ira mepateakono penaa inso a nganga-Do ka Ira rumopuo, ba Dowali hawe.

MENGKAAA 12:14

A beine atuu wineeako orua panino singko langkai, ka ipenee lumako a mpo'iangano i pada one, i ra'ai ipinekaria olai inso a mpo'iangano ule atuu i larono aasa tempo ka orua tempo ka entonga tempo.

MENGKAAA 12:6

Beine atuu molai i pada one, i ra'ai Dopatindaomo Ue Ala aasa po'iangano, ka ipinekaria i tu'ai asa nsowu ka rua etu ka nomo pulu oleo tehineno.

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.

MENGKAAA 16:6

Hangano dome'uwuomo reado mia mempori ka luwuno nabi, Omiu mbo'u moweeako iramo rea ka dome'inuo; mongkona atuu tekona ndi ondae!”

MENGKAAA 17:6

Ka kukitao beine atuu molanguako reado mia mempori ka reado sakosii-Do i Yesu. Ka tempono kukitao, tedoa aku kohali-hali.

MENGKAAA 18:24

Ka i larono hinawe reado nabi ka mia memempori ka reado luwuno mia, anu mempinepate i tolino.