Danieli 7:22 - Wunta Mempori

²² ranta ka Dohawe Anu Tende Ntinuwu atuu ka moleoa wineeako a luwuno mia mempori-Do Anu Tedoa Mantande ka hawe tempono mia mempori atuudo me'inio poparentaa.

Danieli 7:22 Iomraidhean Croise

Po'unde-unde 149:5

Po'ineeomo mia moleo ka ipesana-sanaa a laro marambaa, po'ineeomo domengkokora-kora memawongko a wawo mpoturiado!

Yesaya 63:4

Hangano oleo pombaloa Kupakosiomo ka ta'u pontolosia haweomo.

Danieli 7:18

Umarino atuu luwuno mia mempori-Do Anu Tedoa Mantande ira mpotarima poparentaa, ka ira me'inio poparentaa atuu hawe nahina tampulaano, tendeano nahina balino ranta nahina tampulaano.

Danieli 7:23

Kanandiomo ipotae: Kondehora ko'opaa atuu onaemo poparentaa ko'opaa anu ta kongko i tolino, anu teposisingge inso a luwuno poparentaa ka tumeleo asa wawontolino, lumolandao ka puro-puroo.

I MATIU 19:28

Motae Ira i Yesu ndi ondae, ”Kupauakomiu, menteeano i tempono wali pinokowo'ohu, tewala i Ana manusia mentoro a ngkadera poparentaa marambaa-Do, omiu, anu mentonda Akumo, komiu mpentoro mbo'u a wawo hopulu ka orua kadera poparentaa ka imebitarao hopulu ka orua suku Isaraeli.

2 TESALONIKA 2:8

i tempomo atuu anu umewa a songka ka i'amba ta mepokomengkaa, sine Ondae Ue Yesu Ira mepateakono penaa inso a nganga-Do ka Ira rumopuo, ba Dowali hawe.

MENGKAAA 1:6

ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 5:10

Ka Iweweu iramo gagi aasa poparentaa, ka megagi sando mpesomba tia-Do Ue Alato, ka ira mpeparenta kana mokole i tolino.”