Danieli 7:15 - Wunta Mempori

¹⁵ Ongkue, i Danieli, te'urense aroaku hangano mongkona atuu, ka luwuno pongkita anu kinitaku atuu mokodanggara aku.

Danieli 7:15 Iomraidhean Croise

Tegagia 41:8

Tisomono mo'oru maka'aliomo, ka i'amba metenaomo moboi ira luwuno mia mponto'ori mpebali-bali mata ka luwuno mia anu hinao ponto'orino i wita Masiri. I Pirao tumutuluo mo'ipino ndi ondae, sine nahina maupo te'asa mia mokopauo pengkonaano ndi Pirao.

Yeremia 17:16

Ongkue isa'a nahi kuhori medada gagi puu mpompakambi tumonda Komiu komba ineheku oleo masolaa! Omiumo anu tumo'orio hapa anu meluarako inso a wiwiku, luwuno mengkaa i aro-Miu.

Danieli 10:16

Sine hinao asa anu kana mia tumengkuo wiwiku. Ongkue mbo'u mompu'u mepau, kupotaeakono anu mentade i aroku atuu, ”Ueku, hangano pongkita atuu i'alu aku pompemahaki ka nahina mbo'u rosoku.

Danieli 2:1

A nta'u ko'orua poparentaano i Nebukanesa mo'ipi; sala-laroomo aroano ka nahi pokompoturi.

Danieli 2:3

Mepau ira mokole ndi ondae, ”Ongkue mo'ipi, ka aroaku salalaro, hangano mingki tumo'orio mo'ipi atuu.”

Danieli 4:19

Ka i'amba mentadeomo i Danieli anu neeno i Beletasasari, tekonto sarai, ka luwuno pinewowolono mokodanggarao. Mepauomo mokole, ”Beletasasari, siimo ipokodanggarako mo'ipi ka pengkonaano atuu!” Sumangki i Beletasasari, ”Ueku, po'ineeomo mo'ipi atuu tiado iwalimiu ka pengkonaano tiado pe'u'uamiu ueku!

Danieli 4:5

Ka ku'amba mohawe mo'ipi anu mokontededengke aku; kolaro-laroku a mpoturiaku ka luwuno pongkita anu kinitaku mokonsalalaro aku.

Danieli 7:1

A nta'u amba-ambano poparentaano i Belesiasari, mokoledo to Babeli, mo'ipiomo i Danieli ka mohawe pongkita a mpoturiano. Ka i'amba burio mo'ipino atuu ka ndiomo tutuluno.

Danieli 7:28

Tompamo i ndi'ai tutuluno, Ndio mbo'u ongkue i Danieli, luwuno pinewowoloku tedoa mokodanggara aku ka gagi aku momite. Sine, mongkona atuu kunaao i laro aroaku.”

Danieli 8:2

Kukitao a laro pongkita atuu, ka tekonai aku mengkita, ongkue kongko a Bente Susani i wita Elami. Kukitao mbo'u a laro pongkita atuu ongkue kongko a wiwi ngkoro Ulai.

Danieli 8:27

Ongkue, i Danieli, mokendo ka gagi mahaki ba'opia oleo tehineno. Ka ku'amba mewangu mo'anggaako ira mokole. Tekokodoho aku hangano pongkita atuu, sine nahi kupokonto'orio.

Habaku 3:16

Tempono kurongeo, mondendeomo aroaku, rumongeo unino, bibiomo wiwiku; pompemekiki mewinso a laro wukuku, ka pelempano karuku mondidi-ndidi. Ka kupomperodo sumikorio oleo masusaa, anu ta umaluo tongku anu sumapoi kami.

2 PETURU 1:14

Hangano kuto'orio, nine aku ronga kubintao koroiku andio, kana anu umariomo Dopauakune i Yesu Kerisituu, Ueto.