Danieli 7:14 - Wunta Mempori

¹⁴ Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Danieli 7:14 Iomraidhean Croise

Po'unde-unde 102:22

Ka nee-Do i Ue ta tinutulu i Sioni, ka Ira inunde-unde i Yerusale,

Po'unde-unde 103:19

Ondae i Ue mokorosoo kadera poparentaa-Do i suruga ka poparentaa-Do pabawa a luwuakoano.

Po'unde-unde 145:13

Poparentaa-Miu onaemo poparentaa ranta tampulaano wawontolino, ka poparentaa-Miu nahi bali a luwuno inule. Ondae i Ue atuu Do'ihiio luwuno pinau-Do ka buke pompehohawa a luwuno wineweu-Do.

Po'unde-unde 146:10

Ondae i Ue moparenta ranta nahina tampulaano, Ue Alamu, oo Sioni, mapa'api-api inule! Haleluya!

Po'unde-unde 45:6

Luwuno ana mpanamu montaso, lumompahio huleno iwalino mokole; luwuno tongku ntedonta a ntoto ngkarumu.

Po'unde-unde 72:11

Po'ineeomo luwuno mokole mpenggolontu mpesomba ndi onae, ka luwuno tongku ntepe'ata ndi onae.

Po'unde-unde 72:17

Po'ineeomo neeno ka ipo'ia mpiha, po'ineeomo neeno ka itepahe teto'ori i larono oleo metanggolili. Po'ineeomo luwuno tongku mambe ronso a neeno, ka mpotaeakono me'ura.

Po'unde-unde 8:6

Sine Iweweuomo mingki mengkena kana Omiu Ue Ala, ka Iramba-rambaakonomo marambaa ka pompelangkai.

Yesaya 16:5

asa kadera poparentaa ta tineahako a laro mpetenunu mompehohawa ka i wawono, a laro ngkemano i Daudi ta wela mentoro asa puu mpobitara anu tumeahakono moleoa, ka anu ronga moweweu menteea.”

Yesaya 60:12

Mentee ntu'u, tongku ka poparentaa anu nahi behe metenunu ndi omue ta tampula; luwuno tongku atuu ira mepingko mempinepate.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Danieli 2:35

Ia tempo koa mbo'u atuu terawoomo labu, wita pulu, mala, salaka ka wulaa atuu; luwuno gagi kana ota a mponsesaa i tempono motu'i-tu'i. Ka i'amba puurio angi, ranta maupo hangano nahi hinawe. Sine watu anu dumunsio tinaha atuu gagi torukuno langkai anu buketio asa wawontolino.

Danieli 2:37

Oo ueku mokole, mokoleno luwuno mokole, Ondae Ue Alano asa wawo langi meweengakono ndi omiu ueku poparentaa, pabawa, roso ka marambaa.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 3:4

Mebooliomo meroku asa mia puu pompohawe paudo mokole, ”Kanandio petenado ndi omiu, hei luwuno mia inso a luwuno tongku, suku ka pau:

Danieli 4:3

Langkai ntu'u petondoni-Do ka mongkokongiri ntu'u wineweu-Do anu kinohali-haliako! Poparentaa-Do onaemo poparentaa anu nahina tampulaano ka poparenta-Do hawe mapa'api-api inule!

Danieli 6:26

Ka i'amba mokole Dariusu mo'oliwi wunta a luwuno mia inso a luwuno tongku, suku ka pau, anu mpo'ia i asa wawontolino, ihino, ”Po'ineeomo ka itetiangi manangaimiu!

Danieli 7:18

Umarino atuu luwuno mia mempori-Do Anu Tedoa Mantande ira mpotarima poparentaa, ka ira me'inio poparentaa atuu hawe nahina tampulaano, tendeano nahina balino ranta nahina tampulaano.

Danieli 7:27

Poparentaa, pabawa, ka marambano luwuno poparentaa i totono asa wawo langi ira mewineeako mia mempori, bawaa-Do Anu Tedoa Mantande. Poparentaado onaemo poparentaa anu nahina tampulaano, ka luwuno pabawa ira ntepe'ata ka mpetuundu ndi ondae.

Obaja 1:21

Luwuno anu mpongkadudui ira mpewuatako a wawo Torukuno Sioni ira mebitarao mentorukuno Esau; ka poparentaa atuu ta gagi tia-Do i Ue.

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I LUKASI 1:33

ka Ira gagi mokoledo inuleno i Yako hawe nahina tampulaano ka Poparentaa-Do nahina tompaano.”

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 12:34

Ka do'amba mesangki mia hadio atuu, ”Kimerongeomo inso a songka Taura, nine i Mesia tuwu mpiha ranta nahina tampulaano; nde kana'umpe ka Ipotae, nine i Ana Manusia asalakono tinande? Isemake i Ana Manusia atuu?”

I YOHANE 3:35

Ondae i Ama mehohawao Ana-Do ka Dopeweengakonomo luwuakoano ndi Ondae.

IBARANI 12:28

Gaagi, hangano mpontarima kita poparentaa anu nahi telelu, aiwamo tompontarimakasi ka mpesomba ndi Ondae Ue Ala montonda gau anu pinemoiko-Do, saru pompelangkai ka doito.

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.

MENGKAAA 1:6

ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.