Danieli 7:10 - Wunta Mempori

¹⁰ Asa korono api me'umbaako ka waa inso i aro-Do. Sowu-sowuno mekakaako Ira, ka mapasowu-sowu mpentade i aro-Do. Ka i'amba mentoroomo Majelisi Puu mpobitara ka mewinile iramo Wunta.

Danieli 7:10 Iomraidhean Croise

1 Mokole 22:19

Motae i Mika, ”Onaemo pu'uno, irongeomo pau-Do i Ue. Kukita Iramo i Ue mentoro a wawo kadera poparentaa-Do ka luwuno sorodadu suruga mpentade umpeda ndi Ondae, i koana ka i manggali-Do.

2 Tawarika 18:18

Motae i Mika, ”Onaemo pu'uno rongeomo pau-Do i Ue. Kukita Iramo i Ue kontongaa-Do mentoro a wawo ngkadera poparentaa-Do ka luwuno sorodadu suruga mpentade i koana-Do ka i manggali-Do.

Ayubi 25:3

Pinokodoake puu mpetea-Do? Isemake anu nahi pansario mewine-Do?

Po'unde-unde 103:21

Unde-unde Iramo i Ue, hei luwuno sorodadu-Do, hei luwuno puu pompekakaako-Do anu weweuo po'ehe-Do.

Po'unde-unde 18:8

Ka i'amba leelu ka rensuomo tolino, luwuno pu'u ntorukuno mpondidi-ndidi ka telelu hangano tensila tekuda-Do.

Po'unde-unde 50:3

Ondae Ue Alato hawe ka nahi Ira mo'ia-ia, i aro-Do api mensila'e, angi mokora anu mongkokongiri mepuuri lumimbu Ira.

Po'unde-unde 68:17

Hei luwuno torukuno anu mepunsu hadio, tembio ka impesili mata mosiri, a ntorukuno anu inehe-Do Ue Ala gagi mpentoroa-Do? Menteeano, Ondae i Ue Ira mo'ia mpiha i ra'ai!

Yesaya 30:27

Kitaomo, nee-Do i Ue hawe inso a mpo'ianga anu olai, tekuda-Do tensila a laro ahu mokapa anu membombo, wiwi-Do bukeako tekuda, ka elo-Do kana api anu mengkaa ka ipingko;

Yesaya 30:33

Hangano inso i ndi'ipua inatoraomo po'ianga pontunua, anu mbo'u pinatindaako mokole, pompotuwua api wineweu ondalo ka malua, buke api ka keu; penaa-Do i Ue mokomo'aio kana korono walira.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Danieli 7:22

ranta ka Dohawe Anu Tende Ntinuwu atuu ka moleoa wineeako a luwuno mia mempori-Do Anu Tedoa Mantande ka hawe tempono mia mempori atuudo me'inio poparentaa.

Danieli 7:26

Ka i'amba Majelisi Mpobitara ta mentoro, ka pabawano ta binuta ka rinawo-rawo ranta ka itampula.

Sakaria 14:5

Komiu mempolai a lembono luwuno torukuno-Ku, hangano lembono torukuno atuu ta hawe i Asali. Komiu mempolai kana hori komiu mempolaiako lelu tempono i Usia, mokole i Yehuda. Ka i'amba Ondae i Ue, Ue Alaku, Ira hawe, ka luwuno mia mempori merongaako Ira.

I MATIU 25:31

”Tewala hawe Ira i Ana Manusia a laro maramba-Do ka luwuno mala'eka mperongaako Ira, ka Ira mentoro a wawo ngkadera marambaa-Do.

Winali 33:2

Ipotae, ”Ondae i Ue aiwa inso i Sinai ka mesabaako ndi ondae i Seiri, Mewanta inso a torukuno Parani. Aiwa Ira meronga saru bawaa mempori mapasowu-sowu hadiono; i koana-Do tengkita ndi ondae api anu melanga.

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,

YUDASI 1:14

Mongkona mbo'u ondae i Heno, inule ko'opitu inso ndi Adama, mompauomo anu ta gagi, ipotae, ”Menteeano Ondae i Ue hawe saru sowu-sowuno mia mempori-Do,

MENGKAAA 11:18

ka luwuno tongku ntekuda iramo, sine haweakoomo tekuda-Miu ka tempono ka domebinitara mia mate ka domewineeako tambodo tetenaa-Miu, luwuno nabi ka mia memempori ka ndi ondae anu medoitoakono nee-Miu, a luwuno mia kodei ka luwuno mia langkai ka rumopuo ba isema anu rumopuo tolino.”

MENGKAAA 5:11

Ka kukitao ka rumongeo suarado hadio mala'eka liimbu kadera poparentaa, luwuno anu tuwu ka mia mempinemota'u atuudo; porokodo mapulu-pulu nsowu ka mapulu-pulu juta,