Danieli 6:8 - Wunta Mempori

⁸ Luwuno anu langkai potorono a poparentaa andio, luwuno anu pabawa ka petewawa daera, luwuno anu mokowali ira a poparentaa ka bupati ntepo'asa ka ilinuarako asa pompakosido mokole ka ipinolempa asa pepo'onto nine ba isema i larono tolu pulu oleo mompohawe po'ema a asa i olono pinesombai ke mia sangkadio ndi omiu ueku, oo mokole, onae ta pinetadiako a aano singa.

Danieli 6:8 Iomraidhean Croise

Esetere 1:19

Tewala ipemoikoo mokole, asalakono kai linuarako asa parenta inso ndi omiu mokole ka binuri a laro atora Peresia ka Media, ranta nahi ta pinokobali mbo'u, nine i Wasati inonto tepohaweako ira mokole Ahasiwero, ka ondae mokole ira meweengakono potorono gagi mokole beine a mia susua anu moikoopo sekono onae.

Esetere 3:12

Onaemo a wula ko'asa, i oleo anu kohopulu ka otolu, mempinoboi iramo luwuno puu mpoburido mokole, ka i'amba menunu saru luwuno anu iparentaako ira i Hamani, binuriomo wunta a luwuno saru ngkoroido mokole, a sompo bupati anu pabawaio wita ka sompo mia anu langkai potorono a tongku, onaemo a sompo-sompo wita montonda poburido ka a sompo-sompo tongku montonda paudo. Wunta atuu binuri a needo mokole Ahasiwero ka tinondoniako sinsi pontondonido mokole.

Esetere 8:10

Binuriomo pe'oliwi a needo mokole Ahasiwero ka tinondoniako sinsi pontondonido mokole, ka i'amba mesala a mia mentinena anu magasi mpengara, anu mpopesawiki ngara poparentaa anu magasi, inoliwiomo luwuno wunta,

Esetere 8:3

Ka i'amba i Esetere mepau mbo'u ndi ondae mokole kai pengolontu a ngkarudo ka ipengese mo'ema pompehohawa ka dobalio tinoo mosa'ono i Hamani, to Agagi atuu saru sinongkano anu umariomo iweweuo a nto Yahudi.

Esetere 8:8

Buriomo a needo mokole hapa anu pinemoikomiu mongkona to Yahudi ka wunta atuu meteraiakono sinsi pontondonido mokole, hangano wunta anu binuri a needo mokole ka mineteraiako sinsi pontondonido mokole, nahi ta pinokobali.”

Po'unde-unde 94:21

Ondae mpedandi tepo'asa mpoweweu mosa'o umewaio mia mentee, ka mehuku mateo mia nahina salano.

Yesaya 10:1

Memasola ira ntu'u anu metantuio luwuno pompakosi anu nahi moleo ka meweweuo luwuno pomputusi anu lambaha,

Danieli 5:28

Peres, poparentaamiu ueku pineha ka wineeako a nto Midia ka Peresia.”

Danieli 6:12

Mia atuudo mpopari-pari mpewinso ka domehaweo i Danieli tekonai mekakai ka mo'ema ndi Ondae Ue Alano.

Danieli 6:15

Mansano rumongeo mokole mongkona atuu, onae tedoa mompemasusa. Onae mo'ungke sala ta motolao i Danieli, maupo ranta sumoo oleo, onae da merokuhi ta tumulungio.

I MATIU 24:35

Langi ka tolino ta moliu, sine pau-Ku nahi ta moliu.