Danieli 6:4 - Wunta Mempori

⁴ I Danieli lumaloi ira anu langkai potorodo ka petewawa daera atuu, hangano ndi onae hinao penaa anu susua sekono anu mehano. Tinoono mokole numaao a luwuno poparentaano.

Danieli 6:4 Iomraidhean Croise

Tegagia 41:38

Ka i'amba i Pirao motaeako ira pegawaino, ”Kita koa mpohaweke mia kanandio, asa mia anu bukeako Penaa-Do Ue Ala?”

Tegagia 43:18

Ka medoito iramo mia atuudo, hangano ondae mewinawa a laro rahano i Yusupu. Dompotae, ”Ontae mewinawa i ndi'ai hangano doi anu pinokule a laro kampilito tempono tome'aiwa amba-ambano atuu, ka tomerinako pinokogagi ata, ka kalideto inala.”

Powadi 29:27

Mia mentee mokoburuakono mia benge-benge; mia mosa'o gauno mokoburuakono anu moleo pesalaano.

Puu Pontutulu 4:4

Kukitao nine luwuno pene'isei ka luwuno pandeno mo'angga a laro anggaa mompu'u inso a mosisirino asa mia a mia susua. Ndio mbo'u nahina tuduno ka perokuhi mobuani angi.

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yeremia 18:23

Sine Omiu, oo Ue, Omiu tumo'orio luwuno tinoodo mingki mpepate aku. Siimo I'oniniako ira salado, ka siimo Ipahihio halado inso i aro-Miu, sine po'ineeomo dontetidu i aro-Miu; a oleo tekuda-Miu Iweweuo ndi ondae!

Yeremia 20:10

Mentee ntu'u, Kurongeomo petanga-tangado hadio mia, ”Doitoa inso a luwuno lakoa! Kalakio! Tomengkalakio!” Luwuno sambe'e morosoku mposikori tedontaaku, ”Bara'ura ta koa tepopandei, ka tompokonangio saru mpombalo ndi onae!”

Yeremia 29:7

Weweumo manangaiano kota ba isua Kutadi komiu, ka impekakaimo ndi Ondae i Ue tiano kota atuu, hangano manangaiano onaemo manangaiamiu.

Danieli 3:8

I tempo koa mbo'u atuu ba opia ira to Kasidimi mpentade ka tumuluri ira to Yahudi.

Danieli 5:12

Hangano penaa nahi kana anu mehano, ponto'ori ka pinewowolo molino anu mokopauo pengkonaano mo'ipi, mosabao luwuakoano anu tewuni, ka mompokomoiko teweweu anu silolonga koongko a mia atuu; onae atuu i Danieli anu doneeakono mokole i Beletasasari. Laluopo kanandio-andio ipinoboi i Danieli ka onae ta pauo pengkonaano!”

Danieli 6:22

Ka i'amba motae i Danieli ndi mokole, ”Oo mokole, melai tinuwumiu!

I MATIU 26:4

ka donterisoakono aasa tinoo mpe'akala ka domerako Ira i Yesu ka mepate Ira.

I MATIU 27:18

Lano ito'orio, nine dompeweengakonomo i Yesu hangano kohilido.

I LUKASI 20:20

Anu mponto'ori Taura ka petewawado sando mpesomba mempoporoo Ira i Yesu. Mpotena ira mia moporoo Ira anu mpelelu mpo'onde-onde kana mia moleo, ka dompongko'ala Ira saru aasa pesikeno ka meweengako Ira a mpo'eheno ka pabawano petewawa i wita atuu.

I LUKASI 20:26

Ka nahi dompongko'ala Ira a mpepau-Do i arodo mia hadio. Domengkohali-haliakono sangki-Do atuu ka mengkomino iramo.

I LUKASI 22:2

Luwuno petewawado sando mpesomba ka anu mponto'ori Taura mpo'ungke sala, kana'umpe ka dompokompepate Ira i Yesu, hangano medoito ira a mia hadio.

I YOHANE 19:4

Meluarako mbo'u i Pilatu ka ipotaeako ira, ”Kitaomo, kuwawa Ira meluarako ndi omiu, ka imento'orio, nine nahi kupohawe maupo sala hapa ndi Ondae.”

2 KORINTI 11:12

Sine hapa anu wineweuku, aku weweuo mpiha ka dompenaa-naa anu mpo'ungke sala ka dompotae, nine ondae pengkena saru omami a laro mongkona anu pinokomawongkoako.

PILIPI 2:15

ka si hina tataamiu, gagi ana-Do Ue Ala anu nahina tataano i tonga-tongado mia anu memolengku aroado ka anu ntepopo'oo andio, ranta ka imemewanta i olodo kana luwuno anano wula i wawontolino,

1 TIMOTIU 5:14

Onaemo pu'uno ineheku tuwu beine anu da memongura ka dompekombia mbo'u, mpe'ana, mosongka a laro nsomborino ka si mpompauako tarono pu'uno mokomosa'oo neeto.

TITU 2:8

mentee ka nahina tataano a pompalelemu, ranta ka imokoko'ii taromu, hangano nahina mongkona anu mosa'o anu dompokopaleleo mongkona ontae.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.

Puu Mpobitara 14:4

Ama ka ineno nahi doto'orio motae mongkona atuu te'inso ndi Ondae Ue. Onae lano mo'ungke-ungkeako a nto Pelisiti. Itempo atuu to Pelisiti parenta ira to Isaraeli.

1 Samueli 12:4

Mesangki ira, ”Omiu, nahi pokonsii kami ka nahi po'emai kami. Nahina hapa-hapa tinarimamiu inso a ngkaeno isemamokoa.”

1 Samueli 18:14

Luwuakoano anggaa anu pinolempano i Daudi gagi luwu moiko, hangano onae Dokongkomio i Ue.

1 Samueli 22:14

Sumangki i Ahimele ndi mokole, ”Isema mbo'u umarino i Daudi anu ta pine'ala-ala, tamoako onae ponimiu mokole ka onae tadulako sorodadu anu dumagai komiu ka pinelangkai a laro somborimiu?