Danieli 6:27 - Wunta Mempori

²⁷ Meronga andio ongkue mompowee parenta nine a luwuno poparentaa anu pinabawaiku, mia asalakono medoito ka mpondende ndi Ondae Ue Alano i Danieli. Hangano, Ondaemo Ue Ala anu tuwu, anu nahina tampulaano; poparentaa-Do nahi ta tampula ka pabawa-Do nahina tompaano.

Danieli 6:27 Iomraidhean Croise

Ayubi 36:15

Ondae kumadudui ira mia memarasai a laro marasaiado, ka birido inungkahiako pompokonsii.

Po'unde-unde 145:13

Poparentaa-Miu onaemo poparentaa ranta tampulaano wawontolino, ka poparentaa-Miu nahi bali a luwuno inule. Ondae i Ue atuu Do'ihiio luwuno pinau-Do ka buke pompehohawa a luwuno wineweu-Do.

Po'unde-unde 18:48

Ondaemo Ue Ala anu moweweuakune pombaloa, ka mokompetuundu ira tongku i totono pabawaku,

Po'unde-unde 18:50

Onaemo pu'uno aku menaniako po'unde-unde umunde-unde Komiu i olodo luwuno tongku, oo Ue, ka menaniako penani umunde-undeo nee-Miu.

Po'unde-unde 32:7

Omiumo pewuniaku, a ma'isoa Omiu dumagai aku, Omiu lumimbu aku, ranta kakutola ka mebooli. Sela

Po'unde-unde 35:17

Opiapo mbo'u tehineno, Ue, Komiu butu mengkita-kita? Ikaduduiomo sumangaku inso a pomperangkamido, penaaku inso a luwuno singa mongura!

Po'unde-unde 97:10

Hei mia anu mehohawa Ira i Ue, o'aliaakonomo anu mosa'o! Ondae, anu mekariao penaano mia anu pinehohawa-Do, ta motola ira inso a ngkaeno mia mosa'o gauno.

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 4:31

Napi umari dopepau Mokole teronge asa suara inso i langi, ”Ndi omue pinokomengkaa, oo mokole Nebukanesa, nine poparentaa melimbaomo inso ndi omue.

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 4:35

Luwuno palilino tolino pine'uru-uru; Ondae moweweu montonda po'ehe-Do a nsorodadu i langi ka palilino tolino. Nahina maupo te'asa mia polio umontoo kae-Do saru motae ndi Ondae, ”Hapa wineweu-Miu?”

Danieli 6:20

Mo'o-mo'oru ntu'u tempono tebosi towea, mokole mewangu ka mompari-pari lumako a aano singa.

I YOHANE 4:48

Onaemo ka Dopotaeakono i Yesu, ”Tewala nahi mpongkita petondoni ka anu kinohali-haliako, nahi komiu mpompe'ala-ala.”

WINEWEUDO TINENA 4:30

Itandeomo kae-Miu mompokotompa mia, ka Ipokohina iramo petondoni ka anu mengkinohali-haliako a nee-Do i Yesu, Tetenaa-Miu anu mempori.”

IBARANI 2:4

Ondae Ue Ala mokorosoo ponsakosiido luwuno petondoni ka anu mengkinohali-haliako ka mperupa-rupa pepokomengkaano pabawa ka pompowee-Do Penaa Mempori, anu tinia-tia-Do montonda po'ehe-Do.

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”