Danieli 6:16 - Wunta Mempori

¹⁶ Ka do'amba mia atuudo mpopari-pari mpe'aro ndi mokole ka dompotae ndi onae, ”Ito'oriomo, mokole, nine montonda atorado to Midia ka Peresia nahina pepo'onto ke pompakosi anu linuarakono mokole anu ta pinokobali!”

Danieli 6:16 Iomraidhean Croise

2 Samueli 3:39

Maupo umari akumo inurapi gagi mokole, ongkue kanandio-andio me'aroa akumo, sine mia atuudo, luwuno anano i Seruya, tedoa kupelambaha ira. Po'ineeomo Ondae i Ue sumuloo wineweuno mia anu mosa'o menunu kana mosa'ono.”

Ayubi 5:19

Inso a onoo rupa ma'isoa omue Dopotolako; ka i larono opitu rupa omue nahi konako urasa'o.

Powadi 29:25

Doito a mia mowawa oho, sine isema me'ala-ala Ira i Ue, kinadudui.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yeremia 26:14

Sekono ongkue andio, menteeano, kongko aku a ngkaemiu, weweuomo ndi ongkue hapa anu moiko ka mentee a pongkitamiu.

Yeremia 38:5

Sumangki mokole Sedekia, ”Moiko, onae a ngkaemiu! Hangano, mokole nahi pokompoweweu hapa-hapa umewaikomiu!”

Yeremia 38:6

Dome'alao i Yeremia ka domewinsoo a laro nsumuruno i Malikia, ana ntamano mokole, anu kongko a kintala podagaia atuu. Ondae mpotiiakono koloro i Yeremia. A nsumuru atuu nahina uwoi, butu rege, ka i Yeremia tensawo a laro rege atuu.

Yeremia 39:17

Sine, Aku motolako i tempo atuu, kanandiomo pau-Do i Ue. Omue nahi kopineweengako a ngkaedo mia anu dinoitoakomu,

Danieli 3:15

Kanandio-andio, tewala mpepatinda komiu, i tempono imerongeo unino tawuwua, siloli, katapi, geso-geso, gambusu, serudami ka mperupa-rupa anu me'uni, impenggolontumo mpesombaio tinaha anu wineweuku atuu! Sine tewala omiu nahi mpesomba, i tempo koa mbo'u atuu komiu mempinetadiako a laro api anu kolanga-langa. Pinesombai isuake anu polio motola komiu inso a ngkaeku?”

Danieli 3:17

Tewala Ondae Ue Alamami anu inunde-undemami polio motola kami, Ira motola kami inso a laro api anu kolanga-langa atuu, ka inso a ngkamiu, oo mokole.

Danieli 3:28

Motaeomo i Nebukanesa, ”Unde-unde Iramo Ue Alano i Sadaraki, i Mesaki ka i Abenego! Montena Iramo mala'eka-Do ka motola ira tetenaa-Do anu mpe'ala-alaakono koroido ndi Ondae, saru nahi domentondao petenano mokole, anu mpeweengakono koroido hangano nahi domebehe me'unde-undeo ka mpesombaio pesombaa susua sangkadio Ue Alado.

Danieli 6:20

Mo'o-mo'oru ntu'u tempono tebosi towea, mokole mewangu ka mompari-pari lumako a aano singa.

Danieli 6:7

Mpopari-pari iramo anu langkai potorodo ka petewawa daera atuudo mpe'aro ndi mokole ka dompotae, ”Oo mokole Dariusu, melai tinuwumiu ueku!

WINEWEUDO TINENA 24:27

Sine mansano sompoomo orua nta'u, i Pelikisi i'euo i Parekiu Pesutu, ka hangano ta mo'ala-ala aroado to Yahudi, ipo'ineeo mpiha i Paulu a laro torungku.

WINEWEUDO TINENA 25:11

Gaagi, tewala mentee ntu'u hinao salaku ka hinao wineweuku anu mosa'o anu metoto saru pohuku mate, po'ineeomo kumate, sine, tewala hapa anu domentuluriakune atuu mengkaa nahi mentee, nahina maupo te'asa mia anu tekona meweengakune gagi aasa pe'aroa ndi ondae. Aku mewuatako a mpobitaraado Datu!”

WINEWEUDO TINENA 25:9

Sine i Pesutu anu mingki mo'ala-ala aroado to Yahudi, sumangkio i Paulu, ipotae, ”Beheko koake lumako i Yerusale, ka ubinitara i ra'ai i aroku mongkona kara-kara andio?”

ROMA 13:3

Hangano tewala asa mia moweweu moiko, siimo idoito a nto poparenta, sangkadio onae moweweu anu mosa'o. Mebehe komiuke mentuwu nahi medoito a nto poparenta? Impoweweumo anu moiko ka komiu mpohawe po'unde-unde inso ndi onae.

2 KORINTI 1:10

Inso a matea anu tedoa mongkokongiri Dokadudui kamimo ka Ira kumadudui kami: ndi Ondae kipomperorohi, nine Ira kumadudui kami mbo'u,