Danieli 5:7 - Wunta Mempori

⁷ Ka do'amba mokole mebooli meroku ka domewinawa mpe'aro mia anu pande mpobasa-basa, luwuno Kasidimi ka anu mpompau anu nahi manasa ta gagi. Mokole motaeako ira mia anu pande mposongka i Babeli atuu, ”Sompo mia anu mokobasao binuri andio ka ipauakune pengkonaano, ndi onae ta pinokonaako sangka inso a nsawu wungo, a we'uno ta pinopo'enuako rante wulaa, ka a mpoparentaaku onae ta hinao pabawano gagi mia ko'otolu.”

Danieli 5:7 Iomraidhean Croise

Tegagia 41:8

Tisomono mo'oru maka'aliomo, ka i'amba metenaomo moboi ira luwuno mia mponto'ori mpebali-bali mata ka luwuno mia anu hinao ponto'orino i wita Masiri. I Pirao tumutuluo mo'ipino ndi ondae, sine nahina maupo te'asa mia mokopauo pengkonaano ndi Pirao.

Esetere 3:1

Umarino luwuno anu gagi andio, i Hamani anano i Hamedata, to Agagi, pinoweeako pompelangkai inso ndi ondae mokole Ahasiwero, ka pangkano winuatako saru potorono pinakosi i wawono luwuno mia anu langkai potorono anu mekongko i arodo mokole.

Peluarakoa 7:11

Ka i'amba i Pirao moboi ira mia anu mpoto'ori ka pande sihiri to Masiri ka dompoweweu mbo'u anu kanantuu, montonda ponto'orido.

Powadi 1:9

hangano kalono bunga anu tekosi atuu tiano ulumu, ka enu-enu tiano we'umu.

Penani Maramba 1:10

Tekosiomo kombisimu hangano peramba-ramba ka we'umu hangano enu-enu.

Yesaya 47:13

Omue molemakomo hangano hadiono patudu! Po'ineeomo dome'aiwa ka mengkaduduiko mia anu memparesao luwuno siuno langi, anu mpekokoongakono anano wula ka a sompo sabaano wula mempauo hapa anu ta gagi ndi omue!

Yeremia 50:35

Ponai ta umalu ira to Kasidimi, kanandiomo pau-Do i Ue, umalu ira palilino Babeli, umalu ira mia pinemota'uno ka luwuno miano anu mponto'ori mentee!

Yehesikieli 16:11

Kuramba-rambaakomu peramba-ramba ka mokonao mala-mala a ngkaemu ka enu-enu a we'umu.

Danieli 1:20

A laro luwuakoano anu mongkere pinewowolo molino ka ponto'ori, anu pinesikenoakodo mokole ndi ondae, ihaweo nine pandedo lalua pempulu sekonopo luwuno anu pande mebali-bali mata ka luwuno anu pande mobasa-basa a luwuno poparentaano.

Danieli 1:4

Ondae atuudo mia mongura anu nahina tataado, tekosi koroido, mokonto'orio mperupa-rupa ponto'ori, hadio ponto'orido, hinao ponto'orido mongkona pepaguru, ka pande mpo'angga a laro langkanaedo mokole. Ira mempinaguru mpoburi ka paudo to Kasidimi.

Danieli 2:2

Ka i'amba mokole metena moboi ira anu pande mebali-bali mata, pande sihiri, pande mompuu-puuri, ka luwuno Kasidimi, ka domempauakono pengkonaano mo'ipino. Me'aiwa iramo ka mpentade i arono mokole.

Danieli 2:27

I Danieli sumangki ira mokole, ipotae, ”Rahasia anu pinesikenoakomiu ueku mokole nahi domempolio pauakomiu mia anu pande mposongka, pande mobasa-basa, pande mpebali-bali mata ke pompau anu nahi manasa ta gagi.

Danieli 2:48

Ka i'amba mokole melangkaio i Danieli ka moweeakono hadio pompowee langkai, saru mokogagio anu pabawaio luwuno wita Babeli ka luwuno mia pande mosongka i Babeli.

Danieli 2:6

Sine, tewala imempolio mempauakune mo'ipi atuu saru pengkonaano, komiu mpontarima inso ndi ongkue ihingkae, luwuno pompowee, ka pontudu anu langkai. Onaemo pu'uno, imempauakunemo mo'ipi atuu saru pengkonaano!”

Danieli 4:14

Onae mebooli meroku, ipotae: Tuehiomo keu atuu ka poleomo luwuno sampano, rontahiomo leweno ka rawoomo wuano! Po'ineeomo luwuno kondehora mpolai inso i totono ka manu-manu inso a sampa-sampano!

Danieli 5:11

Hangano a mpoparentaamiu ueku hinao asa mia anu bukeako penaado pinesombai anu mempori! I tempono poparentaado amamiu mia atuu tino'ori tedoa pande, pinewowolono molino ka ponto'orino kana ponto'orido pinesombai. Onae dopotoroomo mokole Nebukanesa, amamiu ueku gagi petewawado anu pande mpebali-bali mata, anu pande mobasa-basa, luwuno to Kasidimi ka luwuno anu mompau nahi manasa ta gagi.

Danieli 5:15

Ndi ongkue mewinawa iramo mia mponto'ori, anu pande mobasa-basa atuu ka domebasao binuri andio ka mempauakune pengkonaano, sine nahi domempolio pauo pengkonaano pau atuu.

Danieli 5:16

Sine, kurongeomo mongkona omue nine omue polio mompau pengkonaano mo'ipi ka polio mompoko'umari anu nahi silolonga. Onaemo pu'uno, tewala upokobasao binuri atuu ka mokopauakune pengkonaano, ndi omue ta pinokona sangka inso a nsawu wungo ka a we'umu ta pinopo'enuako rante wulaa, ka a mpoparentaaku andio omue ta hina pabawamu gagi mia ko'otolu.”

Danieli 5:29

Ka i'amba a mpetenano i Belesiasari sangka inso a nsawu wungo pinokonaako i Danieli ka rante wulaa pimopo'enuako a we'uno, ka pinaleleomo mongkona onae nine onae ta hinao pabawano gagi mia ko'otolu a mpoparentaa.

Podoaa 22:17

hangano aku melangkaiko ntu'u gagi maupo hapa anu inemamu inso ndi ongkue aku uminduo. Aiwamo ka totonaakune tongku atuu.”

Podoaa 22:7

Mpelungka iramo mia memota'u i Moabi ka mia memota'u i Midia saru mpowawa pontambo mia mponto'ori. Mansado mehawe ndi Bilea, dompohaweakono pe'oliwino i Bala.

Podoaa 24:11

Kanandio-andio pekulemo a mpo'iangamu! Hieno kupotaeakomu nine aku tedoa melangkaiko, sine Do'onto komo i Ue humaweo.”

1 Samueli 17:25

Dompotae to Isaraeli, ”Imengkitaomoke mia meluarako arau? Onae aiwa me'uru-uru kita to Isaraeli. Isema anu mepateo, ondae mokole mokokaeao langkai, mokole ta meweengakono anano beine ndi onae ka pe'asa rahano nahi ira mpo'owahi sima'ulu i Isaraeli.”